Stree (2018) Sinhala Subtitles | ආදරය සොයා ස්ත්‍රිය පලිගැනීමක… [සිංහල උපසිරසි සමඟ]

අවුරුදු ගණනාවකට කලින් මේ පළාතේ හිටියා එක ගණිකාවක්…
නගරේ හැම පිරිමියෙක්ම එයාට වශී වෙලා හිටිය…
දවසක එයාට කෙනක් හම්බුනා.. එයාගේ ගතට වගේම ආත්මයටත් ආදරය කරන…
සැබෑ ආදරයක්..
ඉතින් මේ දෙන්නා විවාහ වෙන්න තීරණය කරනවා..
එයාලා දෙන්නා එකතු වෙනවට ගමේ මිනිස්සු එච්චර කැමැත්තක් දැක්වුවේ නෑ..
ඉතින් මේ ඉරිසියාකාර ගම් වැසියෝ එකතු වෙලා…
ඒ දෙන්නගේ මංගල රාත්‍රියට කලින්දා රෑ මේ දෙන්නව මරල දානවා..

මාර සීන් එක නේ. ඔන්න ඕක තමයි අද මං ඔයගොල්ලන්ට අරගෙන එන්න යන කතාව. නෑ නෑ ඕක නෙවෙයි කතාව. ඔතනින් පස්සේ වෙන ටික තමයි කතාව. ස්ත්‍රී.. 2018 වසරේ නිකුතු වුනු තවත් සුපිරි ගනයේ සිනමා සිත්තමක්. අමර් කවුෂික්ගේ අධ්‍යක්ෂණයෙන් යුත් ස්ත්‍රී චිත්‍රපටිය ඉන්දියානු කෝටි රුපියල් විසි පහකටත් වඩා අඩු බජට් එකකින් නිපදවනු ලැබූවා වගේම ඉන්දියානු රු. කෝටි දෙසීයකට ආසන්න ආදයක් ලබාගැනීමට සමත් වන්නේ විචාරක ප්‍රසාදය උපරිමයෙන් දිනාගනිමින්. ඔයාලට ගිහින් බැලුවොත් දැකගන්න පුළුවන් වේවි මේ චිත්‍රපටිය සඳහා වෙන් වෙලා ඇති IMDB අගය 8.2 ක් වගේ ලොකු අගයක්. ඉතින් නොබල කොහොමද?

Comedy Horror කාණ්ඩයට අයත් වෙන මේ චිත්‍රපටය මිනිත්තු 129ක් පුරා දිවෙන අතර කිසිම කම්මැලිකමකින් තොරව බලන්න පුළුවන් කියලා එකෙන්ම රෙකමන්ඩ් කරන්න පුළුවන්. බොලිවුඩ් සිනමාවේ මෑත කාලයේ බිහිවූ දක්ෂ නළුවකු වන රාජ්කුමාර් රාවෝ සමගින් සුරූපී ශ්‍රද්ධා කපූර් ගෙන් රංගනයෙන් හැඩවෙච්ච මේ සිනමා සිත්තම ඉන්දියානු නාගරික පුරාවෘතයක් පදනම් කරගෙන තැනුවක්. මහා රෑට පිරිමි අයවලුන් පැහැරගෙන යන කාන්තා ආත්මයක් ගැන තමයි මේකේ සඳහන් වෙන්නේ. ඉතින් මෙයාගේ බැල්මෙන් බේරෙන්න ඒ දවස් වල හැම ගෙදරම බිත්තියේ “ස්ත්‍රිය, අද නොවේ හෙට එන්න” කියලා ලියලා තිබුනලු. (හරියට අර “බාලගිරිදෝෂය අද නෙවේ හෙට” වගේ එකක්). ඉතින් චිත්‍රපටියක් විදිහට ගත්තම ඉතාමත් හොඳ මට්ටමක තිබෙන බවක් පෙනෙන්නට තියෙනවා. නැත්නම් ඔච්චර රේටින් හම්බෙන්නේත් නෑනේ. කාලයක් තිස්සේ පැවතුනු හොඳ චිත්‍රපටි හිගයක් පැවතුනු සිනමා කාන්තාරයට වැටුණු දිය බින්දුවක් කියල කියන්න පුළුවන් සුපිරි ගනයේ චිත්‍රපටියක් වගේම කාලෙකින් පොඩ්ඩක් ලේ පිරිසිදු කරගන්නත් පුළුවන් චිත්‍රපටියක් කියලත් ඔයාලට මතක් කරන්න ඕන.

ඉතින් මේකට හොඳ පිටපතක් නිකුනු වුනේ පහුගිය දවසක. මේකේ අයිතිකාරයෝ වෙච්ච දිල්ශාන් වගේම මට කරන්න බාරදුන්නු මයුරවත් මතක් කරන්න ඕන මේ වෙලාවේ. ඒ වගේම තරිඳු රුක්ෂාන් අයියාවත් මතක් කරන්න ඕන දුන්නු උදව්වට. අවසාන වශයෙන් බයිස්කෝප්වාසි හැමෝමවත් වගේම ඇඩ්මින් මඩුල්ල .ඒ වගේම සියලුම උපසිරැසිකරුවන්වත් මතක් කරන ගමන් හැමෝටම සුභ ප්‍රාර්ථනා කරමින් තව තවත් බයිස්කෝප් එකට ජය ප්‍රර්ථනා කරමින්. තවත් සුපිරි චිත්‍රපටියකින් හමුවන බලාපොරොත්තුවෙන් මං සමුගන්නවා. ජයෙන් ජය !

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි  HDRip පිටපත් සඳහා වලංගු වේ.

28,756 downloadsDownload Stree-2018.zip63 KB

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2014-11-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවන් මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.