Stuck in Love (2012) with Sinhala Subtitles | මෙහෙමත් ආදර කතා…[සිංහල උපසිරැසි සමඟ]

කොහොමෙයි? කොහොමෙයි? හැම කෙනෙක්ටම.. දෙපාරක් ඒක කිවුවේ එකක් මං වෙනුවෙන් අනික සමන් ප්‍රසාද් කොළුවා වෙනුවෙන්. මේ සුපිරි කතාව සමීර කරුණාරත්න කොලුවාගේ ඉල්ලීමට තනියම කරන්ඩ ගත්තට වෙලාවේ හැටියට ඇදගෙන යන්න අමාරු කරපු නිසා සමන්ව අමාරුවේ දැම්මා. මිනිත්තු 41 තත්පර 42 ඉදලා වැඩේ ඇදන් ගියේ සමනා තමා. අපරාදේ කියන්ඩ බැහැ සෙට් වෙලා කරමුද බන් කියල අහපු ගමන් මිනිහා හා කිවුවා. මේ මම අපේ සහෝදරයෙක් සමග එකතුවෙලා කරන දෙවැනි උපසිරස පලවෙනි එක ආසිරි අයියා වැඩි බරක් ඇදපු ටොම් හෑන්ක්ස් අංකල්ගේ Cast Away (2000). හරි එහෙනම් වැඩි කතා ඕන නැහැ ගෙනාපු ෆිල්ම් එකේ විස්තරේ දිහාවට හැරෙමු. මේකට imdb අඩවියේ 7.3ක් වගේ ඉහළතම අගයක් ලැබිලා තියනවා. අධ්‍යක්ෂණය Josh Boone විසින්, කතාවත් එයාගෙමයි. The Fault in Our Stars (2014) කියන ඉදිරියේදී එන්න තියන සුපිරි ගණයේ ආදර කතාව අධ්‍යක්ෂණය කරලා තියෙන්නෙත් එයාම තමා. ඔන්න එහෙනම් මේක ටිකක් ලොකු පඳුරක්. තලන්නයි සූජානම…

‘වාසි අවාසි සහගත වේදනාවෙන් පීඩිතව මගේ හිටපු බිරිදගේ අලුත් ජීවිතය දෙස ඔවුන්ගේ ජනේලයෙන් එබිලා බලනවා, පවුල් ප්‍රහසන කතාවක ප්‍රධාන නළුවා වෙනුවට අමුත්තෙක්ව ඇතුලත් කරගෙන ඉන්නවා යැයි වටහා ගනිමින්, නාට්‍ය දර්ශනය පෙර එකමයි. ඒත් ගතවූ පහුගිය අවුරුදු විස්ස පුරාවටම ශෝකාන්තය රඟ දැක්වූයේ විලියම් බෝගන්ස් විසින්. දැන් එයාගේ තැන ඉන්නේ තරුණ පජාතයෙක්’ එහෙම කියන්නේ අපේ කතාවේ ඉන්න බිල්. එයා පොත් ලියලා සම්මානයට පාත්‍ර උන කෙනෙක්. ඒත් දැන් එයාට උද්ගත වෙලා තියෙන්නේ හරි අවාසනාවන්ත තත්වයක්…. එයාගේ චරිතේ රග දක්වන්නේ Greg Kinnear විසින්. The Last Song හී තාත්තගේ චරිතේ රග දැක්වුවේ එයා තමා.

‘මම කවදාවත් කිසිම දෙයක් සමරලා නැහැ. මම හැම වෙලේම බලන් ඉන්නේ ඊළගට මොනාද කියලයි. මං හිතන්නේ හැම කෙනෙක්ම එහෙමයි කියල… දිවි පැවැත්ම තුල වේගයෙන් ඉදිරියට යන්න, කවදාවත් නවතිමින් කිසිම මොහොතක් රස විදින්න එපා, කාර්යබහුලව හැම දේම මුල සිට අග දක්වාම වේගයෙන් සිදුකරන්න උත්සහ ගන්න’ ඔහොම කියන්නේ සමන්තා. එයා තමා බිල්ගේ වැඩිමහල් දුව. එයත් තාත්ත වගේම පොත් ලියනවා. එයාගේ පලවෙනි පොත ප්‍රකාශනය වෙන්නයි යන්නේ. එත් ඒකෙත් පොඩි කොස්සක් තියෙනවා…. එයාගේ චරිතය රඟ දක්වන්නේ Lily Collins එයා Priest (2011) හි Lucy Pace ලෙසත් The Mortal Instruments: City of Bones (2013) හි Clary ලෙසත් රංගනයෙන් දායක වෙලා තියනවා..

‘හරි මේක තුතිපිදීමේ උත්සවයට පස්සේ ලියපු එකක්. එකේ මාතෘකාව “ඉස්කෝලේ” ඒක ගංජා පාරක් ගහලා ඒකෙ බලෙන් ලියපු එකක්.

“ඩෙස්-බංකු සාගරය තුල තරග විලාසිතා පිළිබද
කෙළිලොල් කතාබහ නැගේ

ගිණි කූරක් ගසනවාත් සමග
සිහින ගලායයි දිග දුම් බටය තුලින්…….”

ඔහොම කියන්නේ රස්ටි. එයා තමා බිල්ගේ පුතා එයත් තාත්ත වගේම පොතක් ලියන්නයි උත්සාහ කරන්නේ, එයාගේ චරිතය රග දක්වන්නේ Nat Wolff විසින් එයා ඉදිරියේදී එන්න තියන The Fault in Our Stars හී Guz ගේ මිතුරා වන Isaac ලෙසින් දායක වෙනවා.

මේ තුන්දෙනාම ආදරේ පිළිබද ලොකු පැටලිල්ලක ඉන්නේ.
බිල් දික්කසාද වෙලා එයාගේ බිරිද වෙන කෙනෙක් එක්ක ඉන්නවා, බිල්ටත් එක්කෙනක් ඉන්නවා එයා තමා ට්‍රිසියා ඒත් ට්‍රිසියා සහ බිල් ආදරේ කරන්නේ නැහැ වෙන දේයක් වෙනුවෙනුන් තමා ඒ දෙන්න සැට් වෙලා ඉන්නේ දන්නවනේ ඉතින් මොනාටද කියල. ට්‍රිසියගේ චරිතයට දායක වෙලා තියෙන්නේ Kristen Bell එයා තමා Frozen (2013) ඇනාගේ චරිතයට හඬ ලබා දීලා තියෙන්නේ Hit and Run එකෙත් එයා ඉන්නවා. එතකොට සමන්තා. අම්මගෙයි තාත්තගෙයි ආදර කතාව දැකලා ආදරේ කිරීම එපා වෙලා ඉන්න කෙනෙක්. ඒත් එයා ගැන අවධානෙන් ඉන්න කෙනෙක් ඉන්නවා එයා තමා ලුවිස් එය ඉන්නේ සමන්තගේ පන්තියෙමයි. එයාගේ චරිතය රඟ දක්වන්නේ Logan Lerman විසින්. Percy Jackson: Sea of Monsters Percy Jacksonගේ චරිතයත් The Perks of Being a Wallflower හි Charlieගේ චරිතය රඟ පාන්නේ එයා තමා. රස්ටිගේ හිත ගිහින් තියන කෙල්ල තමා කේට් එයා මත්ද්‍රව්‍ය එක්ක වගේම පජාත කොල්ලෙක් එක්ක පැටලිලා ඉන්නේ. රස්ටි ඉන්නේ එයාගේ පන්තියෙමයි. කේට්ගේ චරිතෙට දායක වෙන නංගි තමා ඉස්සරහ එන්න තියන නිකලස් ස්පාක්ස් මාමගේ The Best OF Me (2014) ෆිලුමේ තරුණ ඇමන්ඩාගේ චරිතයට දායක වෙන්නේ.

පදුර තැලුවා ඇති නේද? මේකේ ඉන්න ගොඩක් දෙනෙක් ප්‍රසිද්ද චරිත ඒ නිසයි පඳුර ලොකු එකක් කීවේ. එහෙමනම් මේ කට්ටියට වෙන්නේ මොනාද කියල බාගෙන බලන්ට ඔන්න.ගොහින් එන්නම් එහෙනම් 🙂

 

 

 

Due to copyright issues, we do not provide any torrent links.

Stuck.in.Love.2012.1080p.BluRay.x264.YIFY

මෙම ලබා දී ඇති උපසිරැසි ඉහත පිටපත සඳහා අදාළ වේ.

3,289 downloadsDownload Stuck-in-Love-2012.zip155 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “සමන් ප්‍රසාද්” සහ “ශාන් විමුක්ති [වීමා]”සොහොයුරන්ට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ  අවසරය මතම සිදුවිය යුතුය.