Sui Dhaaga: Made In India (2018) with Sinhala Subtitles | ඉඳිකට්ටයි නූලයි. [සිංහල උපසිරැසි සමඟ]

කොහොමද බයිස්කෝප් කට්ටියට? ගොඩක් දවසකින් මම නම් මේ පැත්තට එන්නේ. වරුන් අයියා නිසා තමයි හද්සියේම එන්න වුනේ ;). කාලෙකට පස්සේ වරුන් ධවාන් එයා නිතරම කරන චරිත වලින් මිදිලා, ටිකක් වෙනස්ම විදිහේ චරිතයක් තෝරාගෙන තියෙනවා. දඟකාර ප්‍රේමවන්තයාගෙන් මිදිලා ටිකක් සීරියස් ප්‍රේමවන්තයෙක් වෙලා. චිත්‍රපටිය තමයි Sui Dhaaga: Made In India. චිත්‍රපටය තිරගත වුනේ, 2018 සැප්තැම්බර් මාසයේ. මෙහි වරුන් එක්ක රඟපාන ප්‍රධාන නිළිය තමයි අනුෂ්කා ශර්මා. මේ දෙදෙනා එක්ව රඟන ප්‍රථම චිත්‍රපටය මෙයයි.

මේ කතාව ගෙතිලා තියෙන්නේ මම්තා (අනුෂ්කා ශර්මා) සහ මෞජි (වරුන් ධවාන්) කියන, හීන දහසක් හිතේ පොදි බැඳගත්ත, එහෙත් තියෙන වටපිටාව හා පවුලේ පසුබිම නිසා ඒ සිහින හැබෑ කරගන්න බැරුව ලත වෙන දුප්පත් යුවලක් ගැන. ඒත් ඒ දෙන්නා ඉන්නේ හරියට ඉඳිකට්ටයි නූලයි වගේ. අපේ කතාවේ වීරයා මෞජිට ඇඳුම් මෝස්තර නිර්මාණ ශිල්පය උපතින්ම ලැබිලා තියෙනවා, ඒත් එයාගේ සියා මේ ව්‍යාපාරය පටන් අරගෙන බංකලොත් වුන නිසා මෞජිගේ තාත්තගේ කිසිම කැමැත්තක් නැහැ, මෞජිත් මේ වැඩේටම අත ගහනවට. ඒ නිසා මෞජිගේ හිතෙත් ඒ ව්‍යාපාරය පටන් ගන්න ඒ හැටි ලොකු ආසාවක් නැහැ. ඒත් මෞජිට තියෙන මේ හැකියාව ගැන එයාගේ බිරිඳ මම්තා (අනුෂ්කා) නම් හොඳහැටි දන්නවා, ඒ නිසාම ඇයට වුවමනයි තමන්ගේ සැමියාගේ හැකියාවෙන් ලෝකය ජය ගන්න ඔහුට උදව් කරන්න. ඉතින් බිරිඳගේ දැඩි කැපවීම හා දිරිගැන්වීම නිසාවෙන් මෞජි මේ ගමන යන්න පටන් ගන්නවා. එහෙත් මේ ගමන යන එක නම් හිතන තරම් ලේසි නැහැ, මොකද එයාලට මේ ව්‍යාපාරය පටන් ගන්න පුළුවන් තරමේ වත්කමක් නැහැ, අඩුමතරමේ තමන්ටම කියා මහන මැෂිමක් නැහැ. ඒවගේම තාත්තගේ දැඩි විරෝධය. ඒ අතරම ලෙඩින් ඉන්න මෞජිගේ අම්මා. මේ සේරම දේවල් නිසා ඉස්සරහට යන්න තියෙන අවස්ථාව ඇහිරිලා යනවා. ඉතින් මේ සේරම බාදක බිඳගෙන ඉඳිකටුවෙන් හා නුලෙන් ජීවිතය මහන්න යන මෞජි ගෙයි මම්තාගෙයි කතාව බලන්න කියල ඔයාලා හැමෝටම ආරාධනා කරනවා.

ඒවගේම 6.8ක IMDb අගයක් චිත්‍රපටයට ලැබිලා තියෙනවා. මෙය ඉන්දියාවේ අති සාර්ථක විදිහට ප්‍රචාරය වුන චිත්‍රපටයක්. ඒවගේම වරුන්ගේ හා අනුශ්කගේ විශිෂ්ඨ රංගනය විචාරකයන්ගෙන් පැසසුමට ලක් වුනා. අවසාන වශයෙන් කියන්න ඕනේ උපසිරැසිය ප්‍රමාද වුනේ, ඉංගිරිසි උපසිරැසියේ තිබුන අඩුපාඩු නිසා ගොඩක් අවධානෙන් දෙබස් අසන ගමන් තමයි උපසිරැසිය කරන්න වුනේ. එහෙනම් රසවිඳින්න මම්තාගෙයි මෞජිගේයි කතාව. තවත් උපසිරැසියකින් හමුවෙමු, 🙂

 

 

 

Due to copyright issues, we do not provide any torrent links.

ලබා දී ඇති උපසිරසි HD පිටපත් සඳහා අදාළ වේ.

12,227 downloadsDownload Sui-Dhaaga-2018.update.zip61 KB

මේ ලබා දී ඇති සිංහල උපසිරැසි පිළිබද “ ගයේෂා සත්සරණී ” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2013-12-01
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.