Tell No One (2006) with Sinhala Subtitles | කාටවත් නොකියූ රහසක්! [සිංහල උපසිරැසි සමඟ]

ඔන්න ඉතිං කාලෙකට පස්සේ මං ආයෙමත් “මිනීමැරුමක් ” කළා! මේ වතාවේ මං ඔබ වෙත ගෙන එන්නේ  ප්‍රංශ චිත්‍රපටයක්. මේක Guilaume Canet විසින් අධ්‍යක්ෂණය කළ අබිරහස් මිනීමැරුමක් වටා ගෙතුණු ත්‍රාසජනක කතාවක් අන්තර්ගත චිත්‍රපටයක්. මේ චිත්‍රපටයට පාදක වෙන්නෙ Harlen Coben නම් ලේඛකයා විසින් රචනා කළ Tell No One නවකතාවයි. ජාත්‍යන්තර චිත්‍රපට දර්ශකයේ ( IMDb) 7.6/10 ක අගයක් ලබාගත් Tell No one චිත්‍රපටය මුල්වරට තිරගත වුණේ 2006 වසරේ නොවැම්බර් 1 වැනිදා ප්‍රංශයේ දියි. ඇමෙරිකානු ඩොලර් මිලියන 13ක නිෂ්පාදන වියදමකින් තැනුණු Tell No One චිත්‍රපටය ඉපයූ සමස්ත ආදායම ඇමෙරිකානු ඩොලර් මිලියන 33 ඉක්මවා යනවා. Tell No One චිත්‍රපටය ප්‍රංශයේ Cesar Awards (2007 වසරේ) සම්මාන උළෙලේදී හොඳම අධ්‍යක්ෂණය (Guilaume Canet), හොඳම නළුවා (Francois Cluzet), හොඳම සංස්කරණය  සහ හොඳම සංගීත අධ්‍යක්ෂණය වෙනුවෙන් සම්මාන හතරක් දිනා ගත්තා.

මේ චිත්‍රපටයේ කතාව මෙහෙමයි:

වෛද්‍ය ඇලෙක්සැන්ඩර් බෙක්  කියන්නෙ, තමන්ගේ බිරිඳ වන මාගෝ , එක්තරා දාම ඝාතකයෙක් අතින් ඝාතනයට ලක්වුනාට පස්සේ, තමන්ගේ ජීවිතය හෙමින් හෙමින් යථා තත්වයට පත් කරගන්න උත්සහ කරන වෛද්‍යවරයෙක්. මුලදී ඒ මිනීමැරුමට චෝදනා එල්ල වෙන්නෙ වෛද්‍ය බෙක් ටයි. එහෙත් එම චෝදනාව ඔප්පු කිරීමට ප්‍රමාණවත් සාක්ෂි හොයාගන්න පොලිසිය අපොහොසත් වෙනවා. එයින් වසර 8කට  පසුව ඔහුගේ එම හුදෙකලා ජීවිතය උඩුයටිකුරු වෙන්නෙ ඝාතනයට ලක්වුණු තවත් පිරිමින් දෙන්නෙකුගේ මළසිරුරු හමුවීමත් සමඟයි. ඒ ඔස්සේ විමර්ෂණ දියත් කරන පොලිසියට හමුවෙන සාක්ෂි බොහොමයක් නිහඬව කිව්වේ වෛද්‍ය බෙක් විසින් මේ මිනීමැරුම්  සිදු කළා කියලයි. එහෙත් ඔහු එය නොකළ බවටත් සැලකිය යුතු තරම් සාක්ෂි එකතු වෙනවා. මේ දවසෙම බෙක්ට අබිරහස් ඊමේල් පණිවිඩයක් ලැබෙනවා. පෙනෙන හැටියට ඒක ඇවිත් තියෙන්නෙ ඔහුගේ මියගිය බිරිඳගෙන්! මේ නිසා වෛද්‍ය බෙක් තමන්ගේ බිරිඳ ගැන තොරතුරු හොයමින්, ඇයගේ මරණ පරික්ෂණ වාර්තා පවා සැක කරමින් ඇය ගැන තොරතුරු හොයන්න උත්සහ කරන්නේ, ඇය ජිවතුන් අතර ඇති බවට අල්ප විශ්වාසයක් ඇතුවයි. මේ අතර ඔහුට එරෙහිව ක්‍රියාත්මක වන නීතියෙන් ගැලවී වරින් වර පළා යාමටද ඔහුට සිදු වෙනවා. ඇත්තටම ඔහුගේ බිරිඳ මියගිහින් ද? විල අසළින් හමුවුණු මිනිසුන් දෙදෙනාගේ ඝාතකයා කවුද?  වෛද්‍ය බෙක් අබිරහස් ඊමේල් පණිවුඩ එවන්නේ කවුද?

දිගටම කුතුහලය නොනැසී රසවිඳිය හැකි හොඳම කතාවක් අන්තර්ගත වෙන චිත්‍රපටයක්. මේක මගේ දහඅට වැනි උපසිරැසි නිර්මාණය වෙනවා. මේ චිත්‍රපටයට උපසිරැසි කරන්න ඉල්ලගෙන දැන් ගොඩක් කල් වෙනවා. එක එක හේතු හින්දා මේක අවසන් කරන්න ටිකක් කල් ගියා. පරක්කු වෙලා හරි වැඩේ මට පුළුවන් තරම් හොඳට කළා.  කතාව මුලදී ටිකක් කම්මැලියි වගේ පෙනුනත් දිගට බලනකොට මේක පට්ටම කතාවක්. හැබැයි අමතක නොකර කියන්න ඕනේ දෙයක් තමයි මේකේ සම්පුර්ණ නිරුවත් දර්ශන අඩංගු වෙන නිසා 18+ ලෙස වර්ග කළ යුතු එකක් බව.  ඔන්න ඉතිං වැඩි විස්තර වලට නොයා මම ලිපිය අවසන් කරනවා. ඔයාලා මේකත් බාගෙන බලන්නකෝ !!  අමතක නොකර කතාව බලලා Comment එකකුත් දාන්න! අළුත් උපසිරැසියකින් නැවත හමුවෙනතුරු ඔබට ආයුබෝවන්!

තෙරුවන් සරණයි !!!

 

 

 

 

 

 

Due to copyright issues, we do not provide any torrent links.

 

Tell.No.One.2006.720p.BluRay.x264.anoXmous

මෙම ලබා දී ඇති උපසිරැසි ඉහත පිටපත සඳහා අදාළ වේ.

1,638 downloadsDownload Tell.No_.One_.2006.Baiscopelk.com_.rar34 KB

 

https://d36zzuvfojr38z.cloudfront.net/wp_content/uploads/2016/02/Kesara-Withanage.jpg මේ ලබා දී ඇති සිංහල උපසිරැසි පිළිබද “ප්‍රබුද්ධ කේ්‍සර විතානගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.