The Addams Family (2019) Sinhala Subtitles | ඇඩම්ස් පවුල [සිංහල උපසිරසි සමඟ]

ඇඩම්ස් පවුල, 2019 අග භාගයේදී තිරගත වුනු කොන්රඩ් වර්නන් අතින් අධ්‍යක්ෂණය වුනු වෙනස්ම ආකාරයක ත්‍රිමාන සජීවීකරණ චිත්‍රපටයක්. වෙනස් නැතහොත් සාමාන්‍යයෙන් කියන ආකාරයට විකාර පුද්ගලයෝ, නැත්නම් අස්වාභාවික මනුෂ්‍ය පවුලක් වටා මේ කතාන්දරය ගෙතිලා තියෙන්නේ. ගෝමස් සහ මෝටීසියා කියන දෙදෙනාගේ විවාහ උත්සවයෙන් කතාන්දරය පටන්ගන්නේ. නමුත් ඒක ලස්සනට කරගන්න නම් වෙන්නේ නෑ, මොකද කෝපයට පත් සාමාන්‍ය ගම්වාසීන් මෙතනට කඩා වැදිලා උත්සවය කඩා කප්පල් කරනවා, මේ වගේ අස්වාභාවික මිනිසුන් තමන්ගේ ගමට අවශ්‍ය නෑ කියමින්. ඒ නිසා මේ ඇඩම්ස් පවුලට සිදු වෙනවා පිළිසරණක් සොයා ගැලවී පලා යන්න සතර අතට. අලුත විවාහ වූ යුවලත්, තමන්ගේ ජීවිතය අලුතින් ආරම්භ කරන්න තැනක් හොයාගෙන යනවා.

මේ දෙදෙනාට හමුවෙනවා ඔවුන්ට වඩාත් ගැලපෙන, බිහිසුණු, අප්‍රසන්න, අපිරිසිදු, හොල්මන් ආත්ම පිරුණු මීදුමින් වැසී ගිය කන්දක් මුදුනේ හුදෙකලා වුනු උන්මත්තකාගාරයක්. නිකන් නෙවෙයි. ඔවුන්ට මෙහෙ කරන්න සද්ධන්ත මානසික-ව්‍යාධි ලෙඩෙකුත් එක්ක. ඉතින් මේ පවුලේ කතාවේ ඉතිරිය පටන් ගන්නේ එතන ඉඳන්. ඔවුන්ගේ පවුලට අලුතින් එකතු වෙන දරුවෝ, කාලයත් සමඟ ඔවුන්ගේ නිවාස අවට පෙදෙස් ජනාකීර්ණ සහ නාගරික වීමත් සමග ඔවුන්ට මුහුණ දෙන්න සිදුවෙන ගැටළු, සහ විශේෂයෙන්ම සාමාන්‍ය මිනිස්සු හමුවේ ඔවුන්ට ඇතිවෙන කම්කටොලු ඔස්සේ කතාව ගලාගෙන යනවා.

ඉතින් ඒ ගැන එච්චරයි. වැඩි දුර කතාව නොකියා මුල ටික විතරක් පැහැදිලි කලේ කතා රසය නොමරා ඉන්න ඕනි නිසයි. මම නම් කියන්නේ සාමාන්‍යයෙන් අපි දකින ලස්සන සුරතල් ආදරණීය චරිත අඩංගු සජීවිකරණ චිත්‍රපටියකට වඩා වෙනස් මේක. ඒ නිසාම අරගෙන බලන්න. චිත්‍රපටියේ තත්ත්වය අරගෙන බැලුවොත් IMDB රේටින් 5.8ක් අරගෙන රොට්න්ටොමැටෝ අගය 43%ක් එනකම් අරගෙන තියෙනවා. ඒ වගේම ඩොලර් මිලියන 40ක බජට් එකකින් මිලියන 197ක් ආදායම් අරගෙනත් තියෙනවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි WEB / Blu-Ray පිටපත් සඳහා අදාළ වේ.

14,746 downloadsDownload The-Addams-Family-2019-Blu-Ray.zip138 KB

මේ ලබා දී ඇති සිංහල උපසිරැසි පිළිබද “මාලින්ද පිටිගල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2016-07-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.