The Apartment (1960) with Sinhala Subtitles | කියාගන්න බැරි ආදරයක්… [සිංහල උපසිරසි සමඟ]

සුභ දවසක් ප්‍රාර්තනා කරනවා ඔයාලා හැමෝටම. ඔන්න ටික දවසකට පස්සෙ ආපහු සැරයක් සබ් එකක් අරගෙන ආවා. මේ වතාවේ අරගෙන ආවේ ගොඩක් පැරණි Black & White චිත්‍රපටයක්. ඉතාමත් සරල කතන්දරයක් අන්තර්ගත මෙම නිර්මාණය, එක හුස්මට බලලා ඉවර කරන්න පුළුවන් එකක්. පැරණි චිත්‍රපට රසිකයෙකු අනිවාර්යෙන්ම නැරඹිය යුතු චිත්‍රපටයක් ලෙස මෙම නිර්මාණය හඳුන්වන්න පුළුවන්.

1960 වර්ෂයේදි තිරගත වු මෙම චිත්‍රපටය Drama / Romance / Comedy යන වර්ග වලට අයත් වන්නක්. මෙම චිත්‍රපටය අධ්‍යක්ෂණය කර තිබෙන්නෙ Double Indemnity, Some Like It Hot, Sunset Boulevard වැනි ප්‍රකට චිත්‍රපට ගණනාවක් නිපදවු Billy Wilder විසින්. මෙම චිත්‍රපටයට Jack Lemmon, Shirley MacLaine, Fred McMurray යන නළු නිළියන් රංගනයෙන් දායක වී තිබෙනවා. මෙයට එම වසරේ පැවැති ඔස්කා සම්මාන උළලේදී හොඳම චිත්‍රපටය, හොඳම අධ්‍යක්ෂණය ඇතුළු ප්‍රධාන පෙළේ ඔස්කා සම්මාන 5 ක්ම හිමි වී තිබෙනවා. එමෙන්ම ඇමරිකන් ඩොලර් මිලියන 25කට ආසන්න ආදායමක් උපයමින් එම වසරේ ලොව වැඩිම ආදායම ඉපැයු චිත්‍රපට පහ අතරට එක්වන්නත් සමත් වෙලා තියෙනවා. ” එමෙන්ම මෙම චිත්‍රපටය 8.3 ක් වැනි ඉහල මට්ටමේ IMDB අගයක් හිමිකරගෙන IMDB දර්ෂකයේ 108 වෙනි ස්ථානයේ පසුවෙනවා”. ඉතිං මෙම චිත්‍රපටය හොලිවුඩ් සිනමාවේ එදා මෙදාතුර බිහිවුණු විශිෂ්ට ගණයේ සිනමා සිත්තමක් බව පැහැදිළියි.

නිව්යෝක් නුවර වාසය කරන, රක්ෂණ සමාගමක සේවය කරන අවිවාහක තරැණයෙක් වටා තමා මෙම චිත්‍රපටයේ කතාව ගොඩනැගිලා තියෙන්නෙ. මං මේකේ කතාව ගැන නම් එච්චර විස්තරයක් කරන්න කැමති නෑ. මොකද මෙහි අන්තර්ගත වෙන්නෙ ඉතාමත් සරල කතන්දරයක්. ඉතිං එය විස්තර කරන්න යන එකෙන් කතාවේ රසයට ලොකු හානියක් වෙන්න පුළුවන්. ඒ හින්දා චිත්‍රපටය නරඹා හොඳ නරක තීරණය කිරීම ඔබටම භාරයි. විනාඩි 125ක ධාවන කාලයක් සහිත මෙම චිත්‍රපටය කිසිම කම්මැලිකමක් නැතුව නරඹන්නට පුළුවන්. ඉතිං ඔබ පැරණි චිත්‍රපට වලට ප්‍රිය කරන කෙනෙක් නම් අනිවාර්යෙන්ම මෙය නරඹන්න. ඒ වගේම මේක මගේ 23 වෙනි සබ් එක. තවත් හොඳ චිත්‍රපටියකට උපසිරසක් ඉක්මනින්ම රැගෙන එන බලාපොරොත්තුවෙන් මං දැනට සමුගන්නවා.

ඔබ සැමට ජයෙන් ජය පතමි !!!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

1,883 downloadsDownload The-Apartment-1960.zip72 KB

https://d36zzuvfojr38z.cloudfront.net/wp_content/uploads/2014/09/Normal.jpg මේ ලබා දී ඇති සිංහල උපසිරැසි පිළිබද “James DC” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.