The Assignment (2016) with Sinhala Subtitles | වෛරයෙන් පිරී ගිය කුලී ඝාතකයෙකුගේ දරුණු පළිගැනීම [සිංහල උපසිරැසි සමඟ] (18+)

ෆ්‍රෑන්ක් කිචන්…වෘත්තීමය කුලී ඝාතකයෙක්. ඝාතනය කිරීමට ඔහු සතු දක්ෂතාවය නිසාම, ඔහුගේ ක්ෂේත්‍රය තුල හිනි පෙත්තෙම රජයන පුද්ගලයෙක්. මුදල් වෙනුවෙන්, ඕනෑම ආකාරයක ඝාතනයක් සිදුකිරීමට පසුබට නොවන, දරුණු සිතක් සහිත, අනුකම්පා විරහිත දාමරිකයෙක්. කිසි දිනෙක නොවරදින සිය ඉලක්කය හේතුවෙන්, පාතාල නායකයින්ගේ සිත් දිනාගැනීමට හැකියාව ලද, ලොවෙන් සැඟවී ගිය චරිතයක් සහිත පුද්ගලයෙක්.

දිනක්, නොසිතූ අයුරින්, නගරයේ බලය සියතට ගෙන සිටින්නාවූ දරුණු පාතාල නායකයෙක් ඔහු හමුවට පැමිණෙනවා. මේ හමුවේ අවසානය සනිටුහන් වන්නේ, ඉහත කී කුලී ඝාතකයා සිහිසුන්ව ඇද වැටීමෙන්. සිය වෘත්තීය ජීවිතය තුල ප්‍රථම වතාවට පරාජය පිළිගැනීමට ඔහුට සිදුවෙනවා. අවසානයේ ඔහු පරාජය පිළිගනිමින්, දීර්ඝ නින්දකට වැටෙනවා.

නැවතත් ප්‍රකෘති සිහිය ලද ඔහුට, සිදුවී ඇති දෙය දැකීමෙන් ප්‍රකම්පා වී යනවා. මේ තාක් කාලයක් පුරාවට පිරිමියෙක්ව සිටියාවූ මෙම කුලී ඝාතකයා, තාවකාලිකව සිහිය අහිමිවීමෙන් අනතුරුව නැවතත් සිහිය ලැබෙන විට, පූර්ණ වශයෙන්ම කාන්තාවක් බවට පරිවර්තනය වී හමාරයි. සිදුවන්නේ කුමක්දැයි තේරුම්ගත නොහැකිව, ඇය අසරණ තත්වයට පත්වෙනවා. සිහිය විකල්වූ පුද්ගලයෙකු මෙන් හිස හැරුණු අත ගමන් කරනවා. නමුත්, අවසානයේ ඇයට සත්‍ය පසක් වෙනවා. සිදුවූයේ කුමක් වූවත්, තමාට යලිත්, පෙර සිටියාවූ තමන් බවට පත්විය නොහැකි බව. ඇයගේ බාහිර පෙනුම, සිතුම් පැතුම්, අභ්‍යන්තර ක්‍රියාකාරිත්වය ආදී මේ සියල්ලක්ම කාන්තාවකගේ ආකාරයට පරිවර්තනය වී හමාරයි. පෙර ජීවිතයෙන්, මේ වනවිටත් ඇයට ඉතුරුව ඇති එකම දෙය වන්නේ, කිසිදා නොවරදින තියුණු ඉලක්කය පමණයි.

අවසානයේ ඇය තීරණයකට පැමිණෙනවා…තමාට මේ දෙය කලේ කුමන පුද්ගලයෙකු හෝ වේවා, ඔවුන්ගෙන් අතිශය දරුණු අන්දමින් පලිගැනීමයි. පැටලුණු නූල් බෝලයක් බඳුවූ අභිරහසක් පියවරින් පියවර විසඳමින්, තමාට සිදුවූ අකටයුත්ත වෙනුවෙන් ඊට වගකිවයුතු පුද්ගලයින් සොයා, ඔවුන්ගෙන් පලිය ගැනීමට මෙම සුරූපී තරුණියට හැකියාව ලැබේවිද…?

Action, Crime, Thriller යන කාණ්ඩ යටතේ 2016 සැප්තැම්බර් මස 11 වෙනි දින මහජන ප්‍රදර්ශනය සඳහා නිකුත්වූ චිත්‍රපටයක්…Fast & Furious සහ Resident Evil යන චිත්‍රපට මාලාවන් හේතුවෙන් ප්‍රේක්ෂකයින් අතර අතිශය ජනප්‍රියත්වයක් හිමිකරගත් Michelle Rodriguez ගේ විශිෂ්ඨ ද්විත්ව රංගනයකින් හැඩ වැඩ ගැන්වී, සුප්‍රකට Alien චිත්‍රපට මාලාව නිෂ්පාදනය කල, Walter Hill ගේ අධ්‍යක්ෂණයෙන් ඔපමට්ටම්වූ සලරුවක්…සියළුම බයිස්කෝප් රසික රසිකාවියන් වෙත, නැරඹීමට කෙරෙන්නාවූ සුහද ආරාධනාවයි මේ.

ප.ලි. – චිත්‍රපටය තුල පූර්ණ නිරුවත් දර්ශන අන්තර්ගත වන හෙයින්, අතිශයින්ම වැඩිහිටියන්ට පමණක් උචිත චිත්‍රපටයක් බව කරුණාවෙන් සලකන්න.

චිත්‍රපටය සඳහා උපසිරැසි ගැන්වීමට අවස්තාව ලබාදුන් හසන්ත සොයුරාට විශේෂ ස්තුතිය.

 

 

 

 

Due to copyright issues, we do not provide any torrent links.

 

The Assignment (2016) 720p WEB-DL – 850MB – ShAaNiG

ලබා දී ඇති උපසිරසි සියළුම WEB-DL පිටපත් සඳහා අදාළ වේ.

5,153 downloadsDownload The-Assignment-2016.zip52 KB

 

https://d36zzuvfojr38z.cloudfront.net/wp_content/uploads/2014/09/Normal.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සහ  “යුශාන් පියුමාල්” යන සොහොයුරන් හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.