The Book of Life (2014) | මියැදුනත් ඔබ මගේ… [සිංහල උපසිරැසි සමඟ]

වෙනසකටත් එක්ක අපි අද ආදරණිය සුරංගනා කතාවක් බලමුද? දැන් ගොඩක් අයට හිතෙනවා ඇති නේද කුමාරයෙකුයි කුමාරිකාවකුයි ඉන්නවා තව දුෂ්ටයෙකුත් ඉන්නවා, ඊට පස්සේ කුමාරයාගෙයි කුමාරිකාවගෙයි ආදරයට දුෂ්ටයා හරස් වෙනවා, අර සෙල්ලම් මේ සෙල්ලම් දාලා කොහොම හරි අන්තිමේට කුමාරයා දුෂ්ටයාව පරද්දලා එයාලගේ ආදරය දිනාගන්නවා කියලා. හැබැයි මේ කතාවේදි නම් එහෙම නෙවෙයි වෙන්නේ. මම මේ චිත්‍රපටිය ගැන මෙහෙම කියන්නම්කෝ… . .

මෙක්සිකෝවේ ‘සන්‍ එන්හැල්’ කියන ගමේ ඉන්න හොදම යාලුවෝ වුන ‘මනෝලෝ’ සහ ‘ඔකින්’ කියන ‍පුංචි ආදරවන්තයෝ දෙන්නා ‘මරියා’ කියන ලස්සන ගැහුණු ළමයට හිතින් ආදරේ කරනවා. ඒත් මේ දෙන්නගේ අවාසනාටද කොහෙදෝ එන්හැල් ගමේ හිටපු මරියාගේ තාත්තා මරියාගේ දග වැඩ නිසා එයාව ස්පාඤ්ඤයට යවනවා. මේ අතරේ කවුරුවත් හිතපු නැති විදියට මේ ගමේ අනාගතය මරියා විවාහ වෙන්න කැමති වෙන‍ කෙනාගෙන් තිරණය වෙන්න යනවා. ඒ කොහොමද?

මෙහෙමයි අපේ දිව්‍ය‍ ලෝකයයි අපායයි කියලා තැන් දෙකක් තියෙනවා වගේ මේ අයගේ ‘මතක ලන්තය’ සහ ‘අමතක ලන්තය’ කියලා ලෝක දෙකක් තියෙනවා. කෙනෙක් මැරුණාම එයාව ජිවත්වෙලා ඉන්න අයට මතකයි නම් එයා මතක ලන්තයේ සතුටින් ජිවත් වෙනවා. හැබැයි මැරුණ කෙනා ගැන ජිවත් වෙලා ඉන්න කාටවත්ම මතක නැත්නම්…  . . එයා අමතක ලන්තයට ගිහින් සදහටම නැති වෙනවා. ගමේ දේවල් ඒ විදියට වෙද්දි මතක ලන්තයේ සහ අමතක ලන්තයේ  පාලකයෝ වුන ‘ලා මොරේටේ’ සහ ‘සිබයිබා’ මරියා විවාහ වෙන්නේ මනෝලද ඔකින්ද කියලා ඔට්ටුවක් දානවා. දිනින කෙනාට අනිත් ලෝකය පාලනය කරන්න අයිතිය ලැබෙන්න තමයි මේ ඔට්ටුව දාන්නේ. හැබැයි මේ ඔට්ටුව සිබයිබා දින්නොතින් නම් වෙන්නේ ලොකු විනාශයක්. කොහොම හරි දිනින්න බලාගෙන ලා මොරේටේට හොරෙන් සිබයිබා පොඩි හොරයක් කරනවා. ඉතින් ඒකෙන් මේකෙන් කාලය ගත වෙලා මනෝලා සහ ඔකින් ඇගපත තියෙන ලොකු කොල්ලෝ දෙන්නෙක් වෙලා. ඒ වගේම මරියත් ස්පාඥ්ඥයේ ඉදන් ආපහු එන්හැල් ගමට එනවා. මේ කොල්ලො දෙන්නා මරියාගේ හිත දිනාගන්න කරන දේවල් ගැන මම අමුතුවෙන් ඔයාලට කියන්න ඕනි නෑ නේද? 🙂 ඒත්….

සිබයිබා තවත් ලොකු හොරයක් කරනවා. එයා සර්පයෙක් යවලා මනෝලෝට දෂ්ට කරවලා එයාව මරලා දානවා. (කලින් මේක වෙනස් කතාවක් කිවට වෙනස් නෑනේ. දුෂ්ටයා කොල්ලව මරනවා. ඊට පස්සේ අනිත් කොල්ලා කෙල්ලව කසාද බදිනවා, ඒ නිසා දුෂ්ටයා ඔට්ටුව දිනනවා කියලා හිතිලා), එතනින් කතාව ඉවරයි කියලා හිතුනා නේද? නෑ මෙතනින් තමයි මේ ආදර කතාව කතාව පටන්ගන්නේ. මැරුණ මනෝලාගේ ආත්මය මතක ලන්තයට යනවා. එතනට ගියාට එයාගේ හිතේ මරියා වෙනුවෙන් තිබුන ආදරය නම් මැරිලා නෑ. මෙයා කොහොම හරි ආයෙත් මරියාගේ හිත දිනාගන්න තමයි උත්සහ කරන්නේ. මලවුන්ගේ ලෝකයේ ඉදන් එයාට මේක කරන්න පුලුවන් වෙයිද? ඒ ගැන දැනගන්න නම් ඔයාලට මේ ලස්සම ලස්සන පුංචි ආදර කතාව බලන්න වෙනවා.  

ඔන්න අද කලින්ම චිත්‍රපටියේ වෙන දේ කිවානේ. දැන් ඉතින් ටිකක් පදුර වටේ තලමු. 🙂 මේ BOOK of LIFEකියන ඇනිමේෂන් චිත්‍රපටිය නිකුත් වුනේ 2014 ඔක්තොම්බර් මාසයේ 17 වෙනිදයි. ඇත්තම කිවොත් මේක 2007 දි DreamWorks Animation විසින් හදන්න පටන් ගත්තත් ඒක නැවතිලා තිබිලා ආයෙත් 2012 දි වැඩ පටන්ගෙන 2013 ඔක්තොම්බර් 16 වෙනිදා තිරගත වෙන්න තිබුන කතාවක්. මෙච්චර පරක්කුවුනේ මොකද කියලා හිතෙනවා නේද? පොඩි පොඩි ප්‍රශ්න නිසා තමයි ඉතින්. අපිටත් මෙච්චර ප්‍රශ්න තියෙන එකේ චිත්‍රපට නිෂ්පාදක කණ්ඩාමට ප්‍රශ්න එන එක අහන්නත් දෙයක්ද. 😀  Jorge Gutierrez විසින් අධ්‍යක්ෂණය කරලා Reel FX Creative Studios ආයතනය විසින් නිෂ්පාදනය කරපු මේ චිත්‍රපටිය 20th Century Foxආයතනය තමයි බෙදාහරින්නේ.

පරක්කු වෙලා, කල් ගිහිල්ලා මේ චිත්‍රපටිය නිකුත් වුනත් කවුරුවත් නොහිතපු විදියට මේ චිත්‍රපටිය ජනප්‍රිය වුනා. 2014 වර්ෂය වෙනුවෙන් පැවැත්විම නියමිත 42nd Annual Annie Awards සම්මාන උ‍ළෙලේ

•  හොදම ඇනිමේෂන් විශේෂාංගය
•  ඇනිමේෂන් නිර්මාණයක හොදම ඇනිමේෂන් ප්‍රයෝග
•  ඇනිමේෂන් නිර්මාණයක හොදම චරිත නිර්මාණය
•  ඇනිමේෂන් නිර්මාණය හොදම අධ්‍යක්ෂණය
•  ඇනිමේෂන් නිර්මාණය හොදම නිෂ්පාදන සැලැස්ම

කියන සම්මාන 5ට මේ චිත්‍රපටය නි‍ර්දේශ වෙලා තියෙනවා. ඒ වගේම කියන්නම ඕනි මේ ඇනිමේෂන් චිත්‍රපටියේ ලස්සන සින්දු ගොඩක් තියෙනවා. එකක් දෙකක් නෙවෙයි 15ක් විතර තියෙනවා. මෙක්සිකානු ආභාෂය තියෙන මේ සින්දු ඇහුවොත් ඔයාලා පුදුම වේවි. ඒවා ඒ තරමටම ලස්සනයි.

ගොඩක් විස්තර කීවා නේද? එහෙනම් මේ ලස්සන ඇනිමේෂන් නිර්මාණය බාගෙන රසවිදින්නකෝ. ලස්සනම ලස්සන ආදරය පිරුණු අමුතුම කතාවක්. මම නෙවෙයි කියන්නේ අනිත් රටවල්වල බලපු අය තමයි එහෙම කියන්නේ. එහෙනම් ඉක්මනින්ම තවත් පුදුම හිතෙන උපසිරසියකින් හමුවෙමු.. . .  ^_^

හැමදාම baiscopelk එක්ක ඉන්න ඔයාලා හැමෝටම  ලබන්නාවු 2015 අවුරුද්ද, චිත්‍රපටිවලින් පිරුනු නව  වසරක් වේවා… . . !

 

 

334 MB (HD) කොපිය මෙතනින් බාගන්න F57836B91FF4A234DB309CF461C8405F1C2FE758 750 MB (WEB) කොපිය මෙතනින් බාගන්න 79DA2F51619631A5EDF48036D5295E87C23A0581 1.37 GB (HD) කොපිය මෙතනින් බාගන්න B112FC142F4459E686F8C1072E0F401D8E014DA7 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. 750 MB (WEB) කොපිය මෙතනින් බාගන්න (Direct Link)

 

4,716 downloadsDownload The-Book-of-Life-2014.zip315 B

https://d36zzuvfojr38z.cloudfront.net/wp_content/uploads/2014/12/Kavidu-Gimhana-e1419784887885.jpg මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.