The Cassandra Crossing (1976) with Sinhala subtitles |පැරණි ස්වර්ණමය ඉංග්‍රීසි සිනමාවේ, ආන්දෝලනාත්මක චිත්‍රපටයක් ! [සිංහල උපසිරැසි සමඟ]

මෙහි කතා සාරාංශය වන්නේ “ජිනීවාහි ලෝක සෞඛ්‍ය සංවිධාන ගොඩනැගිල්ල පුපුරවා හැරීමට පැමිණෙන ත්‍රස්තවාදීන් තිදෙනෙකුගෙන් එක් අයෙක් එතැන දී වෙඩිවැදී මියයන අතර අනෙක් දෙදෙනා ජීව විද්‍යාත්මක බැක්ටීරියා තැන්පත් කර ඇති රසායනාගාරයට කඩාවදී. මෙහි දී සිදුවන වෙඩි හුවමාරුවෙන් දෙදෙනාගෙන් කෙනෙකුට වෙඩි වදින අතර බිඳීගිය භාජනයක තිබූ මහාමාරිය බැක්ටීරියාව තැවරුණු අනෙකා කවුළුවකින් පැනයයි. ජිනීවා දුම්රියපොළට පැමිණෙන මොහු පිටත්වීමට ආසන්න දුම්රියකට නැඟ ගනී. ධාවනයවන දුම්රියේ මැදිරි තුළ කලබලයෙන් ගමන් කරන මෙම පුද්ගලයා නිසා බැක්ටීරියාව තවත් මගීන්ට ආසාදනය වේ. පලාගිය පුද්ගලයා සොයන ආරක්ෂක අංශ, මොහු එම දුම්රිය තුළ සිටිනා බවට තොරතුරු සොයා ගනී. පසුව එම පුද්ගලයා දැඩි ආසාධිත තත්වයෙන් දුම්රිය තුළදී ම මියයයි. දුම්රිය තුළ සිටින මගීන් කීපදෙනෙක් ද මෙම බැක්ටීරියා ආසාදනයට ගොදුරුවේ. ඉහත අවදානම් තත්වයට පිළියමක් ලෙස දුම්රිය තුළ සිටින සියලු මගීන්ව ආසාධිතයන් ලෙස සලකා වෙනත් ජන ශුන්‍ය ප්‍රදේශයකට ගෙනගොස් ප්‍රතිකාර ලබාදීමට සෞඛ්‍ය අංශ සහ ආරක්ෂක අංශ තීරණය කරයි. සෞඛ්‍ය ආරක්ෂිත ඇඳුම් පැළඳගත්, ගිනි අවි සහිත ආරක්ෂක භටයන් දුම්රිය මගීන් පාලනය කිරීමට යොදවා දුම්රියෙන් පිටවිය හැකි සියලුම කවුළු පාස්සා වසා දැමීම සිදු කළ අතර එම අවස්ථාවේ කලබල කළ මගීන්ට වෙඩි තැබීම ද සිදුවේ. මගීන් සහිත දුම්රිය ගෙනයාමට තීරණය කළ ජන ශුන්‍ය ප්‍රදේශය පිහිටා ඇත්තේ අබලන්, අත්හැර දැමූ දීර්ඝ දුම්රිය පාලමක් වූ “කසැන්ඩ්‍රා පාලම” හරහා ය. එය ඉතා අවදානම් ගමනක් බැවින් මගීන් එයට එරෙහිව කැරැල්ලක් දියත් කරයි. එයට මූලිකත්වය දෙන්නේ දුම්රිය තුළ සිටි මගියෙක් වූ දොස්තරවරයෙකි. ඔවුන්ගේ කැරැල්ල සාර්ථක වේ ද? පාලම කඩා වැටේ ද? රෝගීන් සුවපත් වේ ද? එය නරඹලාම දැනගන්නට සුහදව ආරාධනා කරන්නෙමි!

මෙය ලෝක සිනමාව තුළ මෙතෙක් බිහි වූ, මා පෞද්ගලිකව ඉතාමත්ම ප්‍රිය කරන චිත්‍රපටයක්. එම නිසා ඉතාමත් ආශාවෙන් උපසිරසි කළේ. කූතුහලය පිරි කතාවක් රැගත් මෙම ඉංග්‍රීසි චිත්‍රපටය ද, ඔබ ඉතා කැමැත්තෙන් නරඹනු ඇතයි මා සිතන්නෙමි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. ශ්‍රී ලංකා රූපවාහිනී සේවාවක විකාශය වෙද්දී මා ඉතා කුතුහලයෙන් මෙය නරඹා ඇත්තෙමි.

මා විසින් මීට පෙර සිංහල උපසිරසි යෙදූ “බයිස්කෝප් වෙබ් අඩවිය” තුළ ඇති “දෝස්ති”, “ආයි මිලන් කී බේලා”, ඇන් ඊවිනින් ඉන් පැරිස්”, බූට් පොලිෂ්”, “සංගම්”, “සාති” යන පැරණි හින්දි චිත්‍රපට හය සිංහල උපසිරසි සහිතව ඩී.වී.ඩී. අලෙවි සැල්වල ප්‍රදර්ශනය කර තිබෙනු දැකීමෙන් මා හට අපමණ සතුටක් දැනේ. එක්තරා යුගයක අතිශය ජනප්‍රිය වූ මෙම චිත්‍රපට පසුගිය කාලයේ ඇහැට දකින්නටවත් නොතිබූණි. ජනප්‍රිය පැරණි සිනමා චිත්‍රපට ගොනුව හැකි තරමින් රට පුරා සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි.

මෙය මාගේ “බයිස්කෝප් වෙබ් අඩවිය” හරහා දෙනු ලබන අටවන සිංහල උප සිරසිකරණයයි. මේ චිත්‍රපටය පිළිබඳව ද ඔයාලාගේ අදහස් දක්වන්න. ස්තූතියි!

 

 

 

1.54 GB (DVD) කොපිය මෙතනින් බාගන්න

D14682FBADB9FEFD7FD97CE3CBD7E0AA0CADC4D4 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

740 downloadsDownload The-Cassandra-crossing-1976.zip39 KB

 

https://d36zzuvfojr38z.cloudfront.net/wp_content/uploads/2015/03/PriyanthaD.jpg මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.