The Counselor (2013) | කෙටි මාර්ග විනාශය වඩාත් කෙටි කරයි… (18+)[සිංහල උපසිරැසි සමඟ]

අද මේ එකතු වෙන්න හදන්නේ තවත් හොලිවුඩ් සිනමා සිත්තමක් සමගයි. අමුතු තේමාවක් රැගත් සලරුවක් ඒ වගේම ජනප්‍රිය තරු රසක් රංගනයෙන් දායක වෙලා තියෙනවා. Michael Fassbender, Penélope Cruz, Cameron Diaz සහ Brad Pitt මෙහි රංගන දායකත්වය සපයනවා. චිත්‍රපටිය තුල දිව යන කතාව යම් ආදර්ශයක් ලබාදෙන්න හදනවා. ඒ තමයි කෙනකුට ඕනෙම දෙයක් ඉක්මනින් ලබා ගන්න හිතුනොත් එය ඊට සමාන්තරව  විනාශයද ඉක්මන් කර ගැනීමක් බව. ඕනෙම දෙයක් මහන්සියෙන් ලබා ගැනීම සහ මහන්සියකින් තොරව ලබා ගැනීම අතර වෙනස්කම් රැසක් තියෙනවා. පළමුවැන්න එයින්  කිසිම ආත්ම තෘප්තියක් නැතිකම, ඒ වගේම එයින් හිතට තවත් බරක් පටවා ගැනීම සහ එමගින් කොයි වෙලේ තමන් වැරදි කරු වේද කියන උභතෝකෝටික ගැටලුව වගේ කරුණු කාරණා. මහන්සියෙන් තොර දෙයක් ලබා ගැනීම ගැන කෙටියෙන්ම කියනවා නම් එහි සමාජීය ව්‍යවහාරය වෙන්නේ “හොරකම” මේ දේ අපි හැමෝටම පොදුයි අපි හැමෝටම සෑම පැතිකඩක් ඔස්සේ අත් දකින්න වෙන සුලබ දෙයක්. ඉතින් වටපිටාව විස්තර කලා මදැයි නේද? මොකද කොච්චර කිව්වත් රටේ ඉහල තැන ඉඳන් පහලටම දෙයියන්ගේ පිහිටෙන් මහා සහ සුළු පරිමාණ වලින් කෙරීගෙන යන එකම දේ තමයි හොරකම. එකක් කියන්න ඕනේ ඊට සුළු පැවත්මක් තියෙන්නේ. මොකද හොරකමට වැඩි ආයුෂ නැහැ. 

ඒ වගේම මේ සලරුව තිරගතවීම ආරම්භ කලේ පසුගිය වසරේ ඔක්තෝබර් 25. මේ සඳහා පිරිවැය වශයෙන් ඇමෙරිකානු ඩොලර් මිලියන 25ක් දරලා තියෙනවා. ඒ වගේම මෙහි ලොව වටා අදායම විදිහට ඩොලර් මිලියන 70ක් ලබාගෙන තිබෙනවා. මේ චිත්‍රපටය අධ්‍යක්‍ෂණය කර තිබෙන්නේ Ridley Scott විසින්. 

මෙහෙමයි කතාව මෙහි කතාව දිව යන්නේ එක්තරා නීතිඥයෙක් ගැන ඔහු නමින් කවුන්සිලර්. මේ පුද්ගලයා කලින් විවාහ වී දෙවන වර ලෝරා නමැති කාන්තාවක් සමඟ විවාහ ගිවිසගෙන ඉන්නේ. ඉතින් මෙයාගේ තවත් මිත්‍රයෙක් ඉන්නවා මෙක්සිකෝව තුල රීනර් කියලා ඔහු සල්ලි තියෙන විනෝදයට බර පුද්ගලයෙක්. ඔහුගේ වර්තමාන තාවකාලික පෙම්වතිය තමයි මල්කිනා. ඒ වගේම කවුන්සිලර් ඉක්මනින් සල්ලි හොයන්න මාර්ගයක් හොයනවා. ඒක එතරම් හොඳ විදිහක් නම් නෙමේ. ඔහුගේ හවුල්කරු වෙස්ට්‍රේ කිව්වත් ඉක්මන් කොටයි කියලා එත් ඔහු මේ මාර්ගයට යොමු වෙනවා. එත් වෙන්නේ මොකද්ද? ඇත්තටම ඉක්මන් කොටද? කවුන්සිලර් සල්ලි හොයන්න යන ඉක්මන් මාර්ගය මොකද්ද? ඊටත් වඩා කවුන්සිලර් දකින ලෝකය තුල තවත් සැඟවුන ඊට හාත්පසින් වෙනස් ලෝක කීයක් නම් ඇද්ද? මේවා තමා ඔයාලට ලැබෙන ප්‍රශ්න. එහෙනම් ඔන්න බාරයි ඔයාලට මෙතන ඉඳන් ආයෙත් මේ වගේම සලරුවකින් හමුවෙන තෙක් හැමෝටම ජයෙන් ජය!!!

 

 

” Due to copyright issues, we do not provide any torrent links. “

සියලුම බ්ලුරේ(BR) පිටපත් සඳහා අදාළ වේ.

 

4,679 downloadsDownload The-Counselor-2013.zip250 KB

https://d36zzuvfojr38z.cloudfront.net/wp_content/uploads/2013/10/Hasantha.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.