The Covenant (2023) Sinhala Subtitles | දිවි පරදුවට තබා රැකි ප්‍රතිඥාව [සිංහල උපසිරැසි]

සුබ දවසක් වේවා හැමෝටම. ඔන්න එහෙනම් අළුතින්ම ආපු ෆිලුමක් උණු උණුවෙම ඔයාලට අරන් ආවා. ඇත්තටම මේ වැඩේට මුල පිරුවේ අපේ ශාන් විමුක්ති සහෝ තමයි. The Covenant කියන්නේ හොලිවුඩයේ පතාක ක්‍රියාදාම අධ්‍යක්ෂවරයෙක් වෙන ගයි රිචී මහත්මයගේ නවතම ෆිල්ම් එක. මේ ෆිල්ම් එක බලන්න එතුමගේ නම දැක්කත් ඇති බව දැනටමත් ඔයාලා දන්නවා ඇති. Rock n Rolla, Wrath Man, The Man from U.N.C.L.E , Snacth වගේ සුපිරි ෆිල්ම් රාශියක අධ්‍යක්ෂවරයා උනේ එතුමා තමයි.

මේ වෙද්දි IMDb හි 8.0 වැඩි ඉතා ඉහල අගයක් ලබාගන්නත්, 83% කුණු තක්කාලි අගයකුත්, 95% ගූගල් පරිශීලක මනාප ලබාගන්නත් The Covenant සලරුවට හැකි වෙලා තියෙනවා. අප්‍රේල් 21 වෙනිදා සිනමා ශාලවන්ට නිකුත් උන මේ චිත්‍රපටයේ වෙබ් පිටපත් ඊයේ (09) තමයි අන්තර්ජාලයට නිකුත් උනේ.

මේ සලරුව අධ්‍යක්ෂනය කලේ ගයි රිචී මහත්මයා බව දන්නවනේ. රංගනයෙන් අපිට සුපුරුදු මුහුණු කීපයක්ම දැකගන්න හැකි වෙනවා. ප්‍රධාන චරිතය වෙන සාජන් ජෝන් කින්ලි ලෙස සුපිරි නළු Jake Gyllenhaal එක වෙනවා. Daar Salim අහ්මඩ් ලෙසත්, වයිකිං කතාමාලාවේ බියෝන් අයන්සයිඩ් ලෙස රසික ජනාදරය දිනාගත් Alexander Ludwig සාජන් ඩෙක්ලන් ලෙසත්, The Boys කතාමාලාවේ හෝම්ලෑන්ඩර් ලෙස සුපිරි රංගනයක් ඉදිරිපත් කරන Antony Starr එඩී පාකර් ලෙසත්, Elementry කතාමාලාවේ ෂර්ලොක් හෙවත් Jonny Lee Miller කර්නල් වෝක්ස් ලෙසත් රංගනයෙන් දායකත්වය දෙනවා.

ජෝන් කින්ලි කියන්නේ තලෙයිබාන්වරුන්ට එරෙහිව යුධ සමයේදී ඇමරිකාව වෙනුවෙන් ඇෆ්ගනිස්තානයේ සේවය කල සාජන් වරයෙක්. ඇෆ්ගනිස්තානු බිමේ යුධ වැදීමේ පහසුව ජෝන් අහ්මඩ් කියලා ඇෆ්ගන් ජාතිකයෙක්ව ඇමරිකානු හමුදාවට බඳවා ගන්නවා. එහෙම බඳව ගන්නේ ඔහු සහ ඔහුගේ පවුලට ඇමරිකානු වීසා ලබාදෙන පොරොන්දුව මතයි. ඉතිං දවසක් තලෙයිබාන් ප්‍රහාරයක් හමුවේ ජෝන් කින්ලි සහ අහ්මඩ් දෙන්නා ඇෆ්ගනිස්තානු බිමේ අතරමං වෙනවා. ඒ අස්සේ කින්ලිට වෙඩි වැදිලා තවත් අසාධ්‍ය තත්වයට පත් වෙනවා. කොහොමින් හරි අහ්මඩ් දන්න සෙල්ලම් ඔක්කොම දාලා කින්ලිගෙ පණ බේරලා ඇමරිකාවට එව්වත් අහ්මඩ්ට ඇෆ්ගනිස්ථානයෙන් පිටවෙන්න බැරි වෙනවා.

රෝහලදි සිහිය එන කින්ලි මුලින්ම හොයලා බලන්නේ අහ්මඩ්ට උන දේ ගැන. ඒ වගේම තමන් අහ්මඩ්ට උන පොරොන්දුව ඉටු කරන්න බැරි උන එකට කින්ලි දැඩි කලකිරීමකින් ඉන්නේ. ඉතිං සාජන් ජෝන් කින්ලි තමන්ගේ පොරොන්දුව ඉටු කරන්න මොකක් ක්‍රයිද ? ඒකට උත්තර මේ ෆිලුම බැලුවම ඔයාලට දැනගන්න ලැබෙයි. එහෙනම් තාවත් ලිපිය දික් නොකර මම නවතින්නම්. ඒ වගේම මාව මේ වැඩේට සම්බන්ධ කරගත්තට අපේ විමා සහෝට ගොඩක් ස්තූති වන්ත වෙනවා. තවත් උපසිරසියකින් නැවත හමුවෙමු.

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත් සඳහා ලබා දි ඇත.

51,957 downloadsDownload Guy.Ritchies.The_.Covenant.2023.zip41 KB

මේ ලබා දී ඇති සිංහල උපසිරැසි පිළිබද “යුරාන් ධනුක” සොයුරාට සහ “ශාන් විමුක්ති [විමා]” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

Subtitle Contributor Rank
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.