The Garfield Movie (2024) Sinhala Subtitles | ගාෆීල්ඩ්ගේ කිරි හොරකම! [සිංහල උපසිරසි] (150)

 

The Garfield Movie (2024) Sinhala Subtitles

සුබ දවසක් කට්ටියටම! අද ගේන උපසිරසිය විශේෂයි, මොකද මේක තමයි මගේ තුන්වෙනි කඩයිම් උපසිරසිය හෙවත් 150 වෙනි සිංහල උපසිරසිය. ඉතින් ඒ වෙනුවෙන් පෙරේදා (9) අන්තර්ජාලයට නිකුත්වුණු The Garfield Movie (2024) චිත්‍රපටිය අරගෙන එන්න මම තීරණය කළා.

The Garfield Movie (2024) Sinhala Subtitles

ඉතින් සම්ප්‍රදායානුකූලව කඩයිම් ලිපියක මමත් මොනවහරි කියන්නෙපැයි නේද. හැම කඩයිමකම කිව්ව වගේ මම උපසිරසි ජීවිතේ ආරම්භ කරන්නේ 2021 වසරේ අගෝස්තු පළවෙනිදා Ben 10: The Secret of the Omnitrix (2007) චිත්‍රපටයෙන්. එදා ඉඳන් අවුරුදු 3ක් තිස්සේ විවිධාකාර චිත්‍රපටි සහ ටීවී එපිසෝඩ්ස් (වැඩිහරියක්ම කළේ ටීවී එපිසෝඩ් තමයි) ඔස්සේ මේ වෙනකොට උපසිරසි 150ක් නිර්මාණය කරන්න හැකිවුණා. ඒවගේම ළඟකදී ඉඳන් ඇනිමේවලටත් උපසිරසි හදන්න පටන්ගත්තා.

මේ අවුරුදු 3 ඇතුළේ මට අතහිත දුන්නු පිරිස බොහොමයි. ඉතින් නම් වශයෙන් කියන්න ගියොත් සෑහෙන දිග ලැයිස්තුවක් වෙනවා මේක. ඒවගේම එක නමක් හරි මඟඇරුණොත් ඒක ඒ කෙනාට කරන ලොකු අසාධාරණයක්. ඉතින් මෙච්චර කල් මට උදව් කරපු සහෝදර උපසිරසිකරුවන්ට වගේම සයිට් එක මෙච්චර කල් සාර්ථකව කරගෙන යන ඇඩ්මින් මඬුල්ලටත් හදපිරි ස්තුතිය පුද කරමින් ලිපිය ඉවරයක් කරන්නම්. ඒවගේම විශේෂ ස්තුතියක් හිමි වෙන්න ඕනේ වර්තමාන සංස්කාරක කටයුතු බොහොම මහන්සිවෙලා කරගෙන යන රවිඳු නවීන්, රවිඳු හෙෂාන්, විමා අයියා, හිරාන් එරන්ද සහ එල්. සී. දමැල් සහෝදරවරුන්ට.

ඒවගේම ස්තුති කරන්න ඕනේ මෙච්චර කාලයක් හදපු උපසිරසි 150 ඩවුන්ලෝඩ් කරගෙන බලපු සහ කමෙන්ට් කරලා මාව දිරිගන්වන ඔයාලට. ආදරෙයි . ඒවගේම මේ දවස්වල පැවැත්වෙන Best Web තරඟයෙන් වෝට් එකක් දීලා බයිස්කෝප් අඩවිය අංක 1 කරවාවි කියල බලාපොරොත්තු වෙනවා. සැලකිල්ලට සැලකිල්ල තමා ඉතින් බලාපොරොත්තු වෙන්නේ.

The Garfield Movie (2024) Sinhala Subtitles

එහෙනම් අපි දැන් ෆිල්ම් එක පැත්තට හැරෙමුකෝ. “ගාෆීල්ඩ්” නම ඇහුවාම නොදන්න කෙනෙක් ඉන්න විදියක් නෑ. මම හිතන්නේ තාමත් සිරසේ කාටූන් එක යනවා. සඳුදා දවස් පේන්න බැරි, ලසඤ්ඤාවලට පෙරේත, මේ කහපාට බඩජාරි පූසව දන්නේ නෑ කියන්නේ පුදුමයක් ඉතින්.

ගාෆීල්ඩ් කියන චරිතය Jim Davis කියන පුද්ගලයා මුලින්ම නිර්මාණය කරන්නේ පත්තරවල යන චිත්‍රකතා තීරු එහෙමත් නැත්නම් comic strip එකක් විදියටයි. ඒ, 1976 තරම් ඈත කාලෙකදී. ඒවගේම ලෝකයේ වැඩියෙන්ම පළවෙනු කොමික් ස්ට්‍රිප් එක විදියට ගිනෙස් ලෝක වාර්තා පොතට ඇතුළත් වෙන්න පවා ගාෆීල්ඩ්ට හැකි වුණා. ඉතින් අද වෙනකොට මේ iconic character එක පාදක කරගෙන ලයිව්-ඇක්ෂන් ෆිල්ම් දෙකක් සහ සීරිස් තුනක් නිර්මාණය වෙලා තියෙනවා.

මේ අරගෙන ඇවිත් තියෙන්නේ ගාෆීල්ඩ්ගේ අලුත්ම චිත්‍රපටිය. මේ වෙන්කොට IMDb දර්ශකයේ 5.7ක අගයක් ගන්න මේක සමත් වෙලා තියෙනවා. හඬකැවීම් ශිල්පීන් විදියට Chris Pratt (ගාෆීල්ඩ්), Samuel L. Jackson (වික්), Hannah Waddingham (ජින්ක්ස්), Ving Rhames (ඔටෝ), Nicholas Hoult (ජෝන්) ආදී ජනප්‍රිය නළු නිළියන් පිරිසක් යොදාගෙන තියෙනවා. ෆිල්ම් එකට මිනිස්සුන්ගේ අවධානය ඇදගන්න ලොකු ලොකු නළු නිළියන් යොදාගන්න එක ඉතින් හොලිවුඩ් එකේ තියෙන ට්‍රෙන්ඩ් එකක්. මේ ෆිල්ම් එකත් වෙනසක් නෑ.

එහෙනම් කට්ටිය ෆිල්ම් එක බලන්නකෝ. උපසිරසිය ගැන අදහසකුත් යටින් කොටාගෙනම යන්න. අලුත් උපසිරසියකින් වෙන දවසක හමුවෙමු. පීස් ✌️.

 

The Garfield Movie, The Garfield Movie (2024) Sinhala Subtitles, The Garfield Movie (2024), The Garfield Movie Sinhala Sub

 

මනාපය පලකරන ආකාරය දැනගැනීමට මෙතැනින් පිවිසෙන්න.

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත සඳහා ලබා දි ඇත.

12,887 downloadsDownload The-Garfied-Movie-2024-Sinhala-Subtitles.zip54 KB

මේ ලබා දී ඇති සිංහල උපසිරැසි පිළිබද “සනුප රන්මෙත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.

 

 

 

Subtitle Contributor Rank

ADMIN MEMBER
JOINING DATE – 2021-08-01
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.