The Great Indian Kitchen (2021) Sinhala Subtitles | මුළුතැන්ගෙය හැර ගියාය! [සිංහල උපසිරසි]

“Birds born in a cage think flying is an illness.”
– Alejandro Jodorowsky

සුභ දවසක් වේවා. අද මං සිංහල උපසිරැසි අරගෙන ආවේ 2021 වසරේ ජනවාරි 15 වෙනිදා නිකුත් වූ මලයාලම් සිනමාව තුල කතාබහට ලක්වූ සිනමා නිර්මාණයක් වූ The Greta Indian Kitchen (2021) වෙනුවෙනුයි.

උපාධි, පශ්චාත් උපාධි ලබා තමන්ගේ දැනුම, ආසාවන්, සිහින මුළුතැන්ගෙය තුල දිය කර හරිමින් තමන්ගේ ස්වාමියාගේ දරුවන්ගේ සුඛවිහරණය උදෙසා ජීවත් වෙමින් නිවසේ සියළුම වැඩ කටයුතු නොපිරිහෙලා ඉටු කර තමන්ගේ සැප පහසුව නොතකා තමන් විවාහ කර ගන්නා පිරිමින් වෙනුවෙන් සියළු යුතුකම් ඉටු කරමින් වෙහෙසනා ගැහැණුන්.

තමන්‌ගේ බිරිඳගෙන් ඉටුවිය යුතු යුතුකම් සියල්ල 100% බලාපොරොත්තු වන, ඔවුන්ගේ සැප පහසුව වෙනුවෙන් ගැහැණු තලා පෙලා දමන, ඔසප් දින වලදී තමන්ගේ බිරිඳගේ ස්පර්ශය නිසා නිවසේ බඩු භාණ්ඩ පවා අපිරිසිදු වේ යැයි විශ්වාස කර එවන් දින වල ඇය දැකීම, ස්පර්ශ කිරීම පවා ප්‍රතික්ෂේප කරනා පිරිමින්.

මෙවන් වූ ගැහැණු හා පිරිමින් මුණ ගැහෙන, විවාහය තමන්ගේ ජීවිතය කරගත් දකුණු ආසියාතික ගැහැණුන්ගේ විලාපය The Great Indian Kitchen සිනමා නිර්මාණය අනිවාර්යෙන්ම නැරඹිය යුතු සිනමා නිර්මාණයක් බව කිව යුතුමයි.

අද දවස වන විට 2369 දෙනෙකුගේ මනාපයෙන් IMDb දර්ශකයේ 8.5/10 ක් 89% ක Google පරිශීලක අගයක් දිනා ගන්න සමත් වූ මෙම Jeo Baby ගේ අධ්‍යක්ෂණයක්. Nimisha Sajayan, Suraj Venjaramoodu , T. Suresh Babu , Ramadevi , Kabani , Sidhartha Siva ඇතුළු පිරිසගේ විශිෂ්ඨ රංගනය මේ සිනමා නිර්මාණය තුළ දැක ගන්න ලැබෙනවා.

නර්තනයට දැඩිව ආශා කළ තරුණියක් දෙමව්පියන්ගේ යෝජනාවක් මත සම්ප්‍රදායික ලෙස සිතන පතන කටයුතු කරන පවුලක වෘත්තියෙන් ගුරුවරයෙකු වන තරුණයෙකු හා අතිනත ගනියි. දහසක් සිහිනයන් සිත්හි තබාගෙන විවාහ වෙන තරුණියට ඇයගේ සිහිනයන් මුළුතැන්ගෙයින් එලියට ඇද දමන්න සිද්ධ වෙනවා. අවසානයේ තමන්ගේ ජීවිතය ගැන සිතා ඇයට ඇයගේ අනාගතය පිළිබඳව මොන වගේ තීරණයක් ගන්න වෙයිද කියලා සිනමා නිර්මාණය නරඹලාම දැන ගමු.

ඇත්තටම මේ චිත්‍රපටිය වෙනුවෙන් Hardcoded Sub එකක් ඇවිත් තිබුණෙ, කාලරාමු නිර්මාණය කරගෙන උපසිරැසිකරණය කරපු හින්දා හිතුවට වඩා කාලයක් ගත උනා. කාලරාමු නිර්මාණය කරගෙන කරපු පළවෙනි උපසිරැසි ගැන්වීම හින්දා අඩුපාඩු තියෙන්න පුළුවන්. ඒ ගැන සමාව ඉල්ලනවා. සිංහල උපසිරැසිය එක්ක මේ චිත්‍රපටිය නරඹලා ඔයාලගේ අදහස් පහලින් සටහන් කරන්නත් අමතක කරන්න එපා. තවත් සිංහල උපසිරැසියකින් නැවත හමුවෙමු. සුභ දවසක් වේවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි  HDRip පිටපත් සඳහා අදාළ වේ.

12,361 downloadsDownload The-Great-Indian-Kitchen-2021.zip28 KB

මේ ලබා දී ඇති සිංහල උපසිරැසි පිළිබද “රේණුකා සුභාෂිණි” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2020-02-12
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.