The Gunman (2015) | තුවක්කුව යළි අත නොදරන්නට… [සිංහල උපසිරසි සමඟ]

ස්වභාවික පරිසර සම්පත් වලින් පොහොසත් නමුත් ආර්ථික, සමාජීය සහ අධ්‍යාපනය යන අංශ වලින් දුප්පත් රටවල් බොහෝමයකම පාලනය එහෙම නැත්නම් ආධිපත්‍ය පවරාගෙන තිබෙන්නේ බටහිර රටවල්. ඒ රටවල් වල ජීවත් වෙන දියුණු යැයි සැලකෙන මිනිසුන් කොටසකගේ ඉල්ලුමට සරිලන සැපයුම සපුරාලනු පිණිස පෙර කී රටවල ස්වභාවික පරිසර සම්පත් හා මානව සම්පත් සූරාකන්නට බහු ජාතික සමාගම් කිසිදු පැකිලීමකින් තොරව වෙහෙසෙන බව ලොවට රහසක් නොවේ. නමුත් පොදුවේ ගත් කළ එකී රටවල් යම් කිසි වෙනත් ප්‍රශ්නයකට පටලවා එතුළින් රට අරාජික කර තම මඩිය තර කර ගැනීමයි ඔවුන්ගේ පැහැදිලිම වැඩ පිළිවෙල. ප්‍රධාන වශයෙන්ම එකී රටවල් තුළ ඇතිවෙන සිවිල් යුද්ධයන්ට පදනම් වන්නේ මෙවැනි ස්වභාවික සම්පත් තමන් සතු කර ගන්න වෙර දරන බලාධිකාරියන්ගේ ක්‍රියා පිළිවෙත්. මෑත ඉතිහාසයේ මැද පෙරදිග කලාපයෙන් සහ අප්‍රිකානු මහාද්වීපයෙන් මීට උදාහරණ අපිට දැකගන්න ලැබුණා. අද මේ අරගෙන ආපු චිත්‍රපටයත් මේ කාරණය පදනම් කරගනිමින් සිදුවෙන කුමන්ත්‍රණ වල හැඩය මොන වගේ විය හැකිද යන්න පෙන්වන සිනමා සිත්තමක්.

කොන්ගෝවේ පතල් හා කැණීම් කටයුතු පිළිබඳ අමාත්‍යතුමන්ගේ ඝාතනයෙන් වසර 8 ට පසු එරටින් පලා ගිය එම ඝාතනය සිදු කළ ඝාතකයා වූ ජිම් ටෙරියර් නැවත කොන්ගෝවට පැමිණෙනවා. මොළයේ ආබාධයකට ගොදුරු වී සිටන ඔහු තමන් කළ නරක දේවල් ගැන පසු තැවෙමින් කොන්ගෝවේ ජනතාව වෙනුවෙන් පානීය ජලය ලබා දෙන්නට වෙර දරන රාජ්‍ය නොවන සංවිධානයක් සමඟ එක්ව ළිං හෑරීමේ කටයුත්තේ නිරත වී සිටිනවා. ඒ අතරතුරේ ඔහුගේ ජීවිතය නැති කරන්න කවුරුන් හෝ දරන උත්සාහය අසාර්ථක වීමත් සමඟ ජිම් ලන්ඩනයට පැමිණෙනවා ඒ කවුරුන්ද ඒ වගේම තමන්ගේ ජීවිතය නැති කරන්න හදන්නේ කුමක් නිසාද යන්න සොයා බලන්නට. මේ පිළිබඳව කරුණු සොයන ඔහුට තේරුම් යනවා, මේ ආකාරයෙන් තමන්ව ඝාතනය කරන්නට සැරසෙන්නේ මීට වසර 8 ට පෙර තමන් විසින් සිදු කළ ඝාතනයේ ඉතිරි වූ සෙවැණැලි බව. තමන්ට වැළඳී තිබෙන රෝගාබාධයත් සමඟ ජිම් තම ජීවිතය වෙනුවෙන් සටන් කරද්දී, ඉන්ටර්පෝල් ඔත්තු සේවය ඔහුගේ ක්‍රියා පිළිවෙත දෙස විමසිල්ලෙන් සිටින්නේ තවත් අරමුණක් හිතේ පෙරදැරි කරගෙන. කතාව සම්බන්ධයෙන් කියන්නේ එපමණයි. නරඹන්න ඔබට බාරයි.

Pierre Morel විසින් අධ්‍යක්ෂණය කළ The Gunman ලෙසින් නම් කෙරුණු මේ සුන්දර සිනමා නිර්මාණය රසිකයින් වෙත නිදහස් කෙරුණේ 2015 මාර්තු 20 වෙනිදා ඇමරිකාවේදී. චරිතාංග නළු Sean Penn, Jasmine Trinca, Idris Elba වගේම Ray Winstone යන රංගන ශිල්පීන්ගේ දායකත්වයෙන් හැඩ වුනු මේ චිත්‍රපටයේ තිර රචනය, Jean-Patrick Manchette ගෙනි. IMDb ලකුණු පුවරුවේ 5.6 ක් ලබාගෙන තියෙන මේ චිත්‍රපටය ක්‍රියාදාම, අපරාධ, හා නාට්‍යමය කියන කාණ්ඩ වලට අයත්. පූර්ව ප්‍රචාරක පටය නරඹලාම චිත්‍රපටය බාගත කරගන්නා ලෙස මතක් කරන ගමන් තවත් චිත්‍රපට සිංහල උපසිරැසකින් හමුවෙන බලාපොරොත්තුවෙන් සමුගන්නවා. සැමට ජයම වේවා..! එලස්ස්ස්…

 

 

817 MB (720p BR) කොපිය මෙතනින් බාගන්න

29DBECF9C558BB81697FCCF63FDAF2D6A077EB2C

1.85 GB (1080p BR) කොපිය මෙතනින් බාගන්න

73D041915689295E33DE297153C87A427B23B276 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

5,813 downloadsDownload The-Gunman-2015-BR-UPDATE.zip180 KB

 

https://d36zzuvfojr38z.cloudfront.net/wp_content/uploads/2013/12/srimal.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.