Cô Haû Gaí (2016) AKA The Housemaid Sinhala Subtitles | මරණයේ වතුයාය…. (18+) [සිංහල උපසිරැසි සමඟ]

හොඳයි ඔන්න එහෙනම් මේ සුදානම් වියට්නාම චිත්‍රපටයක් අරගෙන එන්නටයි, මේක Horror, Romance නියෝජනය කරන කාලෙකින් මාව ටිකක් පුදුම කරන්න සමත්වුණ සිනමා නිර්මාණයක්. මේ ටිකේම ටිකක් වෙනස් වැඩි දෙනෙක් බලන්නේ නැති ඒවා අරගෙන ආව එකේ එහෙම්ම වැඩේ දිගටම කරගෙන යන්නට හිතුවා… :D. මුලින්ම කියන්න ඕන මේක 18+ කියලා නම් කරලා තියෙන්නේ දර්ශන කිහිපයක් නිසා නමුත් මට හරියටම හිතාගන්න බැහැ මේක 18+ ද, නැද්ද කියන එක කෝකටත් ආරක්ෂාවට හොඳ නිසා එහෙම වර්ගීකරණය කලේ.

කතාව මෙහෙමයි, ලින් නම් වූ ඇය බොහොම දුර බැහැර පලාතක උපත ලබලා උස් මහත් වෙලා පවුලේ හැමෝම යුද්ධය නිසාවෙන් මෙලොව හැරගියහම රස්සාවක් හොයාගෙන තමයි මේ අපේ කතාවට මුලික වෙන වතුයාය වෙත එන්නේ. ඇය ගැන අනුකම්පා කරන ගෙදර ප්‍රධාන ගෘහ පාලිකාව ඇයට මේ ගෙදර රැකියාවක් ලබා දෙනවා. නමුත් කතාවේ හැටියට, ලින් මේ වතුයාය ගැන කිසිම දෙයක් යන්නේ නැහැ… ඉතින් ඇයට මේ වතුයාය ගැන අහන්න ලැබෙන්නේ මෙහෙම දෙයක්….

සා-කැට් කියන්නේ මරණය හා සම්බන්ධ තැනක්. මිනිස්සු සිය ගණනක් මෙහෙ මේ වතුයායේ මැරිලා තියනවා. ඉස්සර ප්‍රංශ වැඩ පාලකයන් වියට්නාම කම්කරුවන්ව බොහොම ප්‍රචණ්ඩ විදිහට අපයෝජන කරන්න පුරුදු වෙලා හිටියා මේක ක්‍රියාකාරී වතුයායක් වුන කාලේ. ප්‍රංශ ජාතිකයන් එයාලව රට පුරා ගිහින් වැඩට ගන්නවා. හොඳ පඩියක් හා ගෙයක් දොරක් දෙනවා කියලා බොරු කියල. අසරණ සේවකයන් මෙහෙට ආවහම… සේවකයන්ට මැරෙනකම් කසපාර දුන්නා. ගැහැණු දුෂණය කළා. ළමයින් පවුල්වලින් ඈත් කළා. සිරුරු සිය ගණනක් අර රබර් ගස් යට වැළලිලා තියනවා සොහොන් කොත් නැතුව. බොහොම අය කියනවා වතුයායට පොහොර ලැබෙන්නේ සේවකයන්ගේ සිරුරුවලින් කියල. ආත්ම බොහොම ගණනක්…ඔය වනාන්තරයේ සැරිසරනවා.

නමුත් ඉතින් ඇයට මේ සියල්ල හැරදා යන්නට බැහැ, යන්න තැනක් නැහැ.ඉතින් ඇය රැදෙනවා මේ වතුයායේ නමුත් සියල්ල වෙනස් වෙන්නේ වතුයායේ හිමිකරුවා වෙඩි ප්‍රහාරයක් නිසා තුවාල වෙලා නිවසට පැමිණි මොහොතේ… ඔහුගේ සාත්තුවට ඇපකැප වෙන ඇය ඔහුගේ හිතටත් ටික ටික ඇතුල් වෙනවා… නමුත් දැන් තමයි කතාවේ භයානක කොටස ආරම්භ වෙන්නේ ඒ ඔහුගේ මියගිය බිරිදගේ නාමයෙන්… එතනින් එහා නම් කියන්නට සුදානම් නැහැ… නමුත් මේ ටික කියන්නම් අවසාන වශයෙන් කතාව ගැන… මේ කතාව උඩින් ඔබ දකින කතාව නොවෙයි… සියල්ල උඩු යටිකුරු වෙන සිදුවීම් දෙකක් එකක් ඇයි මුල සිට වෙන සිදුවීම් සිද්ධ වුනේ කියන එක දැකගන්න ලැබෙන මොහොතේ ඔබ පුදුම වෙනවාට සැක නැහැ… නමුත් කතා රචකයා එතනින් නතර වෙන්නේ නැහැ කතාවේ අවසාන මොහොතේත් අපේ සිත උඩු යටිකුරු කරන්නට ඔහු තවත් සැලසුමක් දිගහැරලා තමයි නික්ම යන්නේ…

ඉතින් එහෙව් කතාව අධ්‍යක්ෂණය කරලා තියෙන්නේ Derek Nguyen, පිටපතත් ඔහුගේමයි. තිරයේ දකින මුහුණු වෙන්නේ සුරුපී Kate Nhung සහ Jean-Michel Richaud, Kim Xuan, Svitlana Kovalenko වගේ පිරිසක්. IMDB මීටරයේ මේකට හිමිවෙන්නේ 6.2 ක් වගේ අගයක්, භයානක චිත්‍රපටයක් නිසාවෙන් විශේෂයෙන්ම ඉංග්‍රීසි නොවන ආසියානු රටක නිර්මාණය වුන භායනක චිත්‍රපටයකට ඒක ලොකු අගයක්. ඒ වගේම රෝටන් ටෝමාටෝ මීටරයේ 63% වගේ අගයක් ලබාගන්න මේ පැය 1 කුත් මිනිත්තු 45 ක් වගේ කාලයක් පුරා දිවයන සලරුව සමත් වෙලා තියනවා.

2016 හැටියට නම් වෙලා තියෙන්නේ මේක චිත්‍රපට උළෙල හා වියට්නාමයේ නිකුත් වුනේ 2016 නිසාවෙන් ලෝකයේ නිකුත් වීම හා Streaming සේවාවන් වනුවෙන් නිකුත් වෙන්නේ 2018 පෙබරවාරි 16 වැනිදා. ඊයේ තමයි මම නම් පිටපතක් තියනවා දැක්කේ. කොහොම නමුත් කාලෙකින් මම පුදුම වුන මේ කතාව ඔබට භාරයි, බලන ටික දෙනා අදහසක් දක්වලා යාවි කියලා හිතනවා… එහෙනම් ආයෙත් උපසිරසක් එකක් හමුවෙමු, ඔබ සැමට ජය වේවා !!!

 

 

 

Due to copyright issues, we do not provide any torrent links.

ලබා දී ඇති උපසිරසිය BR පිටපත් සඳහා අදාළ වේ.

 

https://d36zzuvfojr38z.cloudfront.net/wp_content/uploads/2018/03/28616527_1854152187963064_3150036820179633625_o-e1520102326421.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.