The Intern (2015) | අත්දැකීම් කවදාවත් වයසට යන්නේ නෑ.. [සිංහල උපසිරැසි සමඟ]

කොහොමද ඉතින්. සතියෙන් සතිය සොම්බියට සබ් අරගෙන ආවාට ඔන්න ගොඩ දවසකින් තමයි ෆිල්ම් එකකට සබ් එකක් කරන්න පුලුවන් උනේ.  ඉතින් මේ කතාවේ පොඩි වෙනසක් තියනවා. කතාවේ නම අරගත්තොත් කියවෙන්නේ ආධුනිකයෙක් ගැන. සාමාන්‍යයෙන් අපේ සමාජයේ පලපුරුදු නොමැතිව රස්සාවකට යන ගොඩාක් අය යන්නේ ආධුනිකයෙක් විදියට.ඒ කියන්නේ පෙර පුහුණුවක් ලබන්න. ඒවගේම තමයි ඒ ආධුනිකයෝ වශයෙන් යොමුවෙන්නේ අපේ තරුණ උදවිය. අන්න එතන තමයි මේ කතාවේ වෙනස තියෙන්නේ. ඒ තමයි වයස 70 විශ්‍රාම ගියපු පුද්ගලයෙක් තමයි අලුතෙන් සමාගමක ආධුනිකයෙක් විදියට වැඩට යන්නේ.

ඔහුගේ නම තමයි බෙන් විටේකර්. ඔහු විශ්‍රාම අරගෙන ඉන්න අතරේ තමයි මේ වැඩේට යොමුවෙන්නේ. ඉතින් එයා මේ පුහුණුව ලබන්න යන ආයතනය අන්තර්ජාලයෙන් ඇඳුම් වෙළඳාම් කරන තැනක්. එයා කලින් වැඩ කරලා තියෙන්නේ දුරකථන නාමාවලි මුද්‍රණය කරන ආයතනයක. ඉතින් එතනින් විශ්‍රාම ගියාට පස්සේ එයාට මේ රස්සාවට යන්න අවස්ථාවක් හම්බෙනවා. වැඩේ කියන්නේ ඒ ආයතනය පවත්වාගෙන ගියපු ගොඩනැගිල්ලේමයි. ඉතින් බෙන්ව වැඩට වැටෙන්නේ සමාගමේ අයිතිකාරිනිය එක්ක. එයා තමයි ජූල්ස් ඕස්ටින්. මොනවා උනත් ඉතින් ලස්සන ගෑණු ලමයා ^_^ එයාට ඉතින් වැඩ කියන්නේ අහස උසට වැඩ. මුලින් මුලින් එයා කැමති වෙන්නේ නෑ බෙන් එයා ලඟට දැම්මාට. ඒත් අන්තිමේ බෙන්ව එයාට නැතුව බැරි කෙනෙක් බවට පත්වෙනවා. ඒක ඔයාලාට කතාව බලාගෙන යනකොට තේරේවි. Robert De Niro( බෙන්) සහ Anne Hathaway(ජූල්ස්) තමයි මේ චරිත දෙක.

ඉතින් මේ කතාවට 7.2 ක IMDb අගයක් ලැබිලා තියනවා. හොඳ ලස්සන කතාවක්. සමහර අය මේ වෙනකොට මේක බලලත් ඇති. ඇවිල්ලා ටික දවසක් ගියානේ. ඉතින් ඔන්න බලපු නොබලපු හැමෝටම මම ආරාධනා කරනවා මේක නරඹන්න කියලා. ඊලඟට comedy එකක් ගේන්න තමයි බලාපොරොත්තුව. වැඩි විස්තරයක් මේ ලිපියේ දැම්මේ නැත්තේ ඒකටත් වෙලාව අඩුවෙන නිසා. එහෙනම් ඉක්මණින්ම හම්බෙමු. ගිහින් එන්නම්. ජයෙන් ජය!!!!

 

 

8,384 downloadsDownload The-Intern-2015-baiscopelk.zip160 KB

මේ ලබා දී ඇති සිංහල උපසිරැසි පිළිබද “නුවන්ත දුලාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.