The Judge (2014) Sinhala Subtitles | පියපුතු සෙනෙහස [සිංහල උපසිරසි සමඟ]

කොහොමද හැම කෙනෙක්ටම. මේ අරගෙන ආවේ මමම මිට කලින් උපසිරසි දීල තියෙන, නමුත් අඩුපාඩු තියෙනවා කියලා රසිකයින් විසින් අපිව දැනුවත් කිරීමක් කල සිංහල උපසිරසියක්. ඇත්තම මම උපසිරැසිකරණයට එකතු වෙච්ච මුල් කාලේ, ඒ කිව්වේ වසර හයකට කලින් මගෙ දෙවැනි උපසිරැසිය විදිහට තමයි The Judge චිත්‍රපටයෙ උපසිරැසිය කලේ. උපසිරැසිය ගැන ඒ හැටි බැරෑරුම් විදිහට සලකන්නෙ නැතුව මේ උපසිරැසිය කරපු නිසා මගෙ අතින් අත්වැරදී කීපයක්ම සිද්දවෙලා තිබුනා. මේ නිසාම තමයි පුලුවන් උපරිමෙන්ම මුල ඉදලා ආයෙත් මේකට උපසිරැසිය නිර්මාණය කලේ.

ඒත් කණගාටුවෙන් වුනත් කියන්න මේ උපසිරැසියෙ අඩුපාඩු කියන්න සමහරු පාවිච්චි කලේ ගූගල් ට්‍රාන්ස්ලේට් කරලා උපසිරැසි ලබාදෙන අනික් වෙබ්අඩවි ගානටම දාලා. උපසිරැසියට යොදන්න සුදුසු ව්‍යවහාරය යොදාගන්නෙ නැතුව කරලා තිබුනත් මමනම් අදටත් පුද්ගලිකවම ගූගල් ට්‍රාන්ස්ලේට් පාවිච්චි කරලා උපසිරැසි කරලා නැහැ. කොටින්ම ගූගල් ට්‍රාන්ස්ලේට් පාවිච්චි කරලා කරන උපසිරැසි මේ වෙබ්අඩවියෙ පල වෙන්නෙ නැහැ වගේම එහෙම කෙනෙක් හිටියොත් තියාගන්නෙත් නැහැ. උපසිරැසියෙ වෙලා තිබුණු වැරදි වහන්නවත්, හරිහැටි අවබෝධයක් නැතිව පිටින් ඉදන් ඇගිල්ල දික් කරන අය හිත විදිහ වෙනස් කරන්නවත් හිතාගෙන නෙවෙයි මේ දේ කියන්නෙ, දැනුවත් කිරීමක් කරන්න ඕන නිසයි කිව්වේ.

2021-10-07

ඔන්න මම මගේ පලවෙනි උපසිරැසි නිර්මාණයේ කිව්වා වගේ දෙවැනි උපසිරැසියෙන් ආයෙත් ඔයාලා හම්බවෙන්න ආවා. ඉස්සල්ලම මට සමාව ඉල්ලන්න ඕනේ සමීර සහෝ ඇතුළු, බයිස්කෝප් සිංහලෙන් හැමොගෙන්ම. මොකද මට මේ සබ් ඒක හදන්න දුන්නට, මට මේක හදන්න ගොඩක් කල් ගියා. දවස් පහයි. මොකද මට කාලය කළමනාකරණය කරගන්න බැරි උනා. ඒකට මම මෙතන හේතු කියන්න යන්නේ නැහැ. අපි කතාවේ විස්තර පොඩ්ඩක් හොයලා බලමු.

මෙම චිත්‍රපටිය තිරගත උනේ 2014 ඔක්තෝබර් 10. මේකේ ඔයලා ආස කරන සුපිරි නළුවෙක් ඉන්නවා. ඒ තමා 2014 වසරේ වැඩිම ආදායම් හිමි ලැයිස්තුවේ පලවෙනි තැන ගත්ත Robert Downey හෙවත් Iron Man. එහෙම කිව්වම ඔයලාට මතක් වෙන්න ඇති. මේ ෆිල්ම් එකේ සුපිරි දායකත්වයක් ලබා දෙමින් සුපිරි රංගනයක යෙදෙනවා. තව දෙයක් මේ ෆිල්ම් එක ඇක්ෂන් ෆිල්ම් එකක් නම් නෙවේ. මේක නියම සංවේදී ෆිල්ම් එකක්.7.5/10 IMDb අගයක් ලබා තියෙනවා. ඒ ඉතින් ෆිල්ම් එක සුපිරි නිසානේ.

මේකයි කතාවේ සාරාංශය. ලොකු නගරයක ඉන්නවා හෑන්ක් පාමර් කියලා නීතිඤයෙක් එයාගේ තාත්තා ඉන්දියානාවල විනිසුරුවරයෙක්. එයාගේ බිරිද මිය යාමෙන් කලකිරීමට පත්වී ඉන්න වෙලේ, විනිසුරු අතින් කෙනෙක්ව ඝාතනය වෙනවා. තමන්ගේ තාත්තව උසාවියේ නඩු වලින් බේරගන්න මෙයාලා පුදුම දුකක් විදිනවා. ඉතුරු ටික ඔයාලම බලන්න.

මගේ පලවෙනි උපසිරැසියට අදහස් දක්වපු හැමෝටම් ගොඩාක් ස්තුතියි. ඒ වගේම මගේ මේ දෙවැනි නිර්මාණයත් ඔයාලා හොදට රසවිදි කියලා මන් හිතනවා. එහෙනම් ඉතින් මන් යනවා. ඊලග උපසිරැසියක් මට දුන්නොත් ඒකෙන් නැවත හමු වෙමු. හැමෝටම් ජය…!!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Blu-Ray පිටපත් සඳහා පමණක් අදාළ වේ.

6,271 downloadsDownload The-Judge-2014.zip77 KB

මේ ලබා දී ඇති සිංහල උපසිරැසි පිළිබද “චාමර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.