The Last of the Mohicans (1992) | මොහිකන්ස් ගෝත්‍රයේ අවසන් පුරුක [සිංහල උපසිරසි සමඟ]

ඇමෙරිකානු ගෝත්‍රික පෙළපතක අවසානය ගැන කියවෙන ඉතා අනගි සිනමා සිතුවමක්. Uncas ලෙසින් Eric Schweig ද, ඔහුගේ පියා Chingachgook ලෙසින් Russell Means ද, ඔහු විසින් හදාවඩා ගත් දරුවා Hawkeye ලෙසින් Daniel Day-Lewis ද රංගනයෙන් දායක වෙයි. මොහිකන්ස් නම් ගෝත්‍රයකට අයත් මොවුන් කිසිදු හැල හැප්පීමකින් තොරව බ්‍රිතාන්‍යය කොලණියක සහයෝගයෙන් හා සාමයෙන් ජීවත් වෙයි. නිර්භීත ගෝත්‍රික ජනතාවක් වන මොවුන්ට හදිසියේ නොසිතූ විරූ අන්දමක සිදුවීමකට මුහුණ පෑමට සිදුවෙයි. බ්‍රිතාන්‍ය හමුදා නිලධාරියෙකුගේ දුවරු දෙදෙනෙක් ( Madeleine Stowe හා Jodhi May) කැලය මැදින් පිරිවර භටයින් සමඟ ගමන් කරද්දී වෙනත් ගෝත්‍රයක ද්‍රෝහී චරපුරුෂයෙකු විසින් ඔවුන්ව පැහැර ගැනීමට තැත් කරයි. අහඹුවෙන් මෙන් මෙම සිදුවීම ඇස ගැටෙන මේ ගොත්‍රිකයින් තිදෙනා වෙඩි වරුසා හා ප්‍රහාර මැදින් මෙම කාන්තාවන් දෙදෙනා බේරා ගෙන ඔවුන් ආ ගමන නොනවත්වා යාමට කැලය මැදින් ආරක්ෂාව සපයයි. තමන්ට අවශ්‍ය නොවූ සිදුවීමකට සම්බන්ධ වන මේ තිදෙනාට අවසානයේ තමන්ගේ ජීවිතය අහිමි වෙන තැනට කටයුතු යෙදෙයි. මොවුන ජීවිත බේරා ගනීවිදි? කාන්තාවන් දෙදෙනාගේ ජීවිත රැකෙයිද?

IMDb දර්ශකයේ 7.8 ක අගයක් අරන් තියෙන සුපිරි සලරුවක් මේ. අධ්‍යක්ෂණය Public Enemies (2009), Collateral (2004) වගේ චිත්‍රපටි කරපු Michael Mann නම් අධ්‍යක්ෂවරයාගෙන්. ඔහුගෙම Blackhat (2015) කියලා සලරුවකින් ලබන වසරේ එන්න නියමිතයි. චිත්‍රපටියට පාදක කරගෙන තියෙන වනාන්තර ආශ්‍රිත ප්‍රදේශ ඉතාමත් ලස්සනට අරන් තියෙනවා. පරණ චිත්‍රපටියක් වුණත් ගුණාත්මක භාවයෙන් හා කැමරාකරණයෙන් විශිෂ්ටයි. මෙහි ගෝත්‍රිකයින් කතා කරන භාෂාව වෙනුවෙන් අලුතෙන් Time lines හදලා උපසිරැසි යෙදීමට සිදුවන බව මතක තබා ගන්න. මොකද චිත්‍රපටිය බලද්දීTime line එකේ පොඩි පොඩි වෙනස් කම් දැනෙන්න පුළුවන් නිසයි එහෙම කීවේ…

 

 

4,833 downloadsDownload The.Last_.of_.the_.M.1992.baiscopelk.zip31 KB

 

 

මේ ලබා දී ඇති සිංහල උපසිරැසි පිළිබද “දමිත් තරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.