The Little Witch (2018) AKA Die kleine Hexe Sinhala Subtitles | බලවත්ම මායාකාරිය [සිංහල උපසිරසි සමඟ]

සුබ දවසක් වේවා හැමෝටම, අද මම ඔයාලට අරගෙන ආවෙ ජර්මන් ළමා කතාවක්. සුපිරි කතාවක්, මුලින්ම කියන්න ඕනෙ මේක කරන්න පාදක උන හේතුව. පහුගිය දවසක සෙනසුරාදා උදේ මමයි මගෙ නෝනයි TV එකේ ගිය සිංහල හඬකැවූ The Little Witch කියන චිත්‍රපටය බල බලා හිටියෙ. කතාව පැය බාගයක් විතර යද්දි මේ දවස් වල දිනපතා සිදුවෙන විදුලි විසන්ධි සුපුරුදු විදියටම උනා. ඉතිං මොනවා කරන්නද, නෙට් එකෙන් බාලා බලන්න කියලා හදද්දි ඒකෙ සිංහල සබ් එක කවුරුවත් කරලා තිබ්බෙ නෑ. කොහොමින් කොහොමින් හරි සබ් එක කරන්න ඕනෙ කියලා බලද්දි ඒක ජර්මන් ෆිල්ම් එකක්. මගෙ වගේම මගෙ බිරිඳගෙත් ඉල්ලීම හින්දම අපේ බයිස්කෝප් සයිට් එකෙන් මේක වෙන් කරගත්තා. ඔන්න ඔහොමයි මගෙ නෝනා කැමැත්තෙන් සබ් එකක් කරන්න පළවෙනි වතාවට කිව්වෙ…

එහෙමනම් කතාව පැත්තට ටිකක් හැරෙමු. Kleine Hexe නැත්නම් පුංචි මායාකාරි කියන්නෙ අවුරුදු 127ක (තරුණ) මායාකාරියක්. එයාගෙ එකම ආසාව තමයි ලොකු මායාකාරියො අවුරුද්දකට සැරයක් එකතුවෙලා සමරන ගිනිමැල රාත්‍රියට සහභාගී වෙන එක. ඉතිං ඒකට වැඩිහිටි මායාකාරියො එයාට එක කොන්දේසියක් පණවනවා. ඒක තමයි මන්තර දාස්ගානක් තියෙන මන්තර පොතක් අවුරුද්දක් ඇතුලත කටපාඩම් කරන එක. එහෙම කරලා එයා හොඳ මායාකාරියක් වෙන්න ඕනෙ. එහෙම උනොත් විතරයි එයාට ඊළඟ අවුරුද්දෙ සැමරුම් උත්සව රාත්‍රියට සහභාගි වෙන්න ලැබෙන්නෙ. ඒ අතරම එයා ගැන හොයන්න රම්පම්පල් කියන මායාකාරියක් පත් කරනවා. ඉතිං මේ අවුරුද්ද ඇතුලත එයාට මේ පොත පාඩම් කරගන්න පුළුවන් වේවිද, හොඳ මායාකාරියක් කියලා එයා හිතන්නෙ ප්‍රදාන මායාකාරියො බලාපොරොත්තු වෙන දේමද, ඇයට ඊළඟ අවුරුද්දෙ සැමරුම් උත්සවයට සහභාගි වෙන්න ලැබේවිද කියල දැනගන්නනම් ඔයාලට කතාව බලන්නම වෙනවා.

එහෙනම් ඔයාලට කතාවෙ නිර්මාණ දායකත්වය ගැන ටිකක් කියන්නම්. මේක 1957 දි Otfried Preußler විසින් රචිත The Little Witch කියන පොත පාදක කරගෙන නිපදවනු ලැබුවක්. එතකොට මේක අධ්‍යක්ෂණය කරලා තියෙන්නෙ Mike Schaerer විසින්, එතකොට නිෂ්පාදනය කරලා තියෙන්නෙ Jakob Claussen සහ Ulrike Putz විසින්. විනාඩි 103ක් පුරා දිවෙන මේ කතාව එක දිගට බලාගෙන ඉන්න පුළුවන් Fantasy, Comedy Drama සහ Family යන ඛාණ්ඩ වලට අයත් වෙනවා. මේක මුලින්ම ප්‍රදර්ශනය ආරම්භ කරලා තියෙන්නෙ 2018 පෙබරවාරි පළවෙනිදා ජර්මනියෙදි. එහෙම කිව්වෙ ඒ අවුරුද්දෙම විවිධ දවස් වල ඒක වෙනත් රටවල් වල ප්‍රදර්ශනය ආරම්භ කරලා තියෙනවා. Imdb 6.3 ක අගයක් ලබාගෙන තියෙන මෙහි Karoline Herfurth, Axel Prahl, Suzanne of Borsody වගේ අය රංගනයෙන් දායකවෙනවා. ඒවගේම කියන්න ඕනෙ

*Bavarian Film Award , Laureate 2017 in the category Picture Design
* Swiss Film Award 2018 in the category Best Film Music
* German Film Award 2018 , nomination in the category Best Children’s Film
* Romy Ceremony 2018 , nomination in the category Best Picture Design Cinema-Film
* Guild Film Award 2018 – Best Children’s Film

කියන සම්මාන වලට හිමිකම් කියන්න සමත් වෙලා තියෙනවා. එහෙනම් මීටවඩා කියන්න දෙයක් නෑනෙ. ඔයාලට ආරාධනා කරනවා මේක බලන්න එන්න කියල. ලස්සන පසුබිම් හා වර්ණ ඇතුළු කතාවක් සහිත මෙය ඇත්තටම බලන්න ආස හිතෙන එකක්.

එහෙනම් තවත් උපසිරසියකින් නැවත හමුවෙමු, එතකල් ගිහින් එන්නම්…

ඔබට ජය…

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

5,326 downloadsDownload The-Little-Witch-2018.zip42 KB

මේ ලබා දී ඇති සිංහල උපසිරැසි පිළිබද “ගයාන් චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-12-15
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.