The Myth (2005) | සැබෑ වූ පුරාවෘත්තය. [සිංහල උපසිරසි සමඟ]

ආයුබෝවන් යාළුවනේ,ඔන්න ඉතින් මම අද ආවේ මගේ පළවෙනි උපසිරැස අරගෙන. හැමදාම බයිස්කෝප් එකෙන් සබ් අරන් ෆිලුම් බලනකොට මටත් ආශාවක් ආව සබ් එකක් කරන්න. ඉතින් කොහොමහරි ෆිල්ම් එකක් හොයාගෙන සබ් එක කරා. ඇත්තටම ඒක ගොඩක් ලොකු සතුටක්.

ඔන්න ඉතින් මගේ පළවෙනි උපසිරැස විදිහට මම තෝර ගත්තේ මම ගොඩක් ආස නළුවෙක් වන ජැකී චෑන් ප්‍රධාන චරිතය රඟපාන චිත්‍රපටක්. මේක චීන චිත්‍රපටයක් නිසා ටිකක් අමාරු වුණත් ජැකී චෑන් ඉන්න හින්ද ගොඩක් අසාවෙන් කළා. Action, Adventure, Comedy යටතට අයිති වෙන මේ චිත්‍රපටය 2005 අවුරුද්දේ නිර්මාණය කරපු එකක්. මේක අධ්‍යක්‍ෂණය කරලා තියෙන්නේ Stanley Tong විසින්. ඒ වගේම මේ ෆිලුමට ජැකී චෑන්ට අමතරව කොරියානු නිළි Hee-Seon Kim හා ඉන්දීය නිළි Mallika Sherawat යන අයත් රංගනයෙන් දායක වෙනවා. මිනිත්තු 122ක් පුරා දිවෙන මේ චිත්‍රපටයට IDMBදර්ශකයේ 6.1 රේටින් එකක් හම්බුවෙලා තියෙනවා.

දැන් ඉතින් ෆිල්ම් එකේ කතාව දිහාට හැරෙමුකෝ, අපේ කතානායකයා වෙන ජැක් පුරාවිද්‍යාඥයෙක්. එයාට ටික දවසක ඉදන් අමුතු විදිහේ හීන වගයක් දකිනවා ඒවා වල පේන්නේ ජැක් පැරණි චීනයේ ජෙනරල් කෙනෙක් වෙලා කුමරියක්ව සතුරන්ගෙන් බේර ගන්න විදිහ. ජැක් මේ ගැන හිත හිත ඉද්දී පරණ යාළුවෙක් ජැක්ව හම්බුවෙන්න එනවා. විලියම් කියන මේ යාළුවා ජැක්ව ඉන්දියාවේ තියෙන පැරණි සොහොන් ගැබකට එක්ක යනවා කැණීම් වගයක් කරන්න. අහම්බෙන් ජැක්ට මේ සොහොන් ගැබේ තිබිලා අර හීනෙන් දකින කුමරියගේ චිත්‍රයක් හම්බුවෙනවා. හැම දෙයක්ම වෙනස් වෙන්න ගන්නේ ඔන්න ඔතනින්. ජැක් මේ කුමරිය ගැන විස්තර හොයනවා. සැරින් සැරේ කුමරිය ගැන හීනත් පේනවා. මේ කුමරිය ගැන රහස විසඳන්න එයා ලොකු උත්සහයක යෙදෙනවා. ජැක්ට මේ හීනවල පේන දේවල් මොනවද කියලා විසදගන්න පුළුවන් වෙයිද? මේ හීනවල ඉන්න කුමරියව එයාට හම්බවෙයිද? ජැක් මේ දකින්නේ තමන්ගේ පෙර ආත්මයද? මේවා ගැන දැන ගන්න චිත්‍රපටය බලන්න කියලා හැමෝටම ආරාධනා කරනවා.

අන්තිමටම කියන්න ඕනේ මේ මගේ පළවෙනි සබ් එක හින්දා වැරදි අඩුපාඩු තියෙන්න පුළුවන්. ඉතින් ඔයාල ඒ ගැන හිතෙන ඕනම දෙයක් comment කරන්න. ඒ වගේම මේ චිත්‍රපටය ගැන අදහසකුත් දාන්න. එහෙනම් බයිස්කෝප් අඩවිය ජය වේවා! ඔයාල හැමෝටමත් ජය වේවා!!!!!!!!!

 

 

879 MB කොපිය මෙතනින් බාගන්න

576edb4be256a1b07ab7d8536ad45f6657bef0a7 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

2,494 downloadsDownload The.Myth_.2005.baiscopelk.zip30 KB

 

https://d36zzuvfojr38z.cloudfront.net/wp_content/uploads/2015/04/YoshanB.jpg මේ ලබා දී ඇති සිංහල උපසිරැසි පිළිබද “යොහාන් භාතිය ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.