The Osiris Child (2016) With Sinhala Subtitles | ඔසයිරිස් හි දරුවා [සිංහල උපසිරසි සමඟ]

සුබ දවසක් ඔබ සැමට. ඔන්න මම අද අරගෙන එන්නේ 2017 වසරේ නිකුත් වුණ ප්‍රධාන වශයෙන් Sci Fi ගණයට අයත් චිත්‍රපටයක්. හැබැයි මේක බාරඅරගෙන තිබ්බෙනම් මම නෙමේ. මමත් එකපාරක් ඉල්ලුවා එතකොටත් මේක අරගෙන තිබ්බේ. පහුගිය දවසක මම තවත් සහෝදරයෙක් එකක් එකතුවෙලා Snatched 2017 කියන චිත්‍රපටයට උපසිරැසි ගෙනා‍වා. ඒකට මම හවුල් වුනේ එයා ගොඩක් කාර්යබහුල හින්දයි. මේ චිත්‍රපටයත් එයාම බාරගත්ත එකක් තමා. නමුත් කාර්යබහුලත්වය නිසා එයා මේක මට කරන්න කිව්වා. ආසාවෙන් මේ චිත්‍රපටය ගත්තට කරගෙන යද්දි තමා තේරුනේ Sci Fi චිත්‍රපටයකට උපසිරැසි ගන්වනවා කියන්නේ කොච්චර අමාරු දෙයක්ද කියලා. ඒ මොකද කියනවානම් මේවගේ අඩංගු සමහර වචන ගොඩක් අසීරුයි. ඉතින් කොහොමින් කොහොම හරි ඔන්න සබ් එක කරලා අ‍රගෙන ආවා. ඇත්තටම කිව්වොත් මේක මගේ පළවෙනි Sci Fi චිත්‍රපට උපසිරැසිය. අඩුපාඩු එහෙම ඇති. ඒවා උපරිමයෙන් මගහරවාගෙන ඉස්සරහට උපසිරැසි ගේන්න තමයි ඉතින් බලාපොරොත්තුව. හරි ඔය ඇති එහෙනම් ඒ ගැන. දැන් මම ස්තූති කරන්න පටන් ගන්නවා. මුලින්ම මම මේකට ගොඩාක් ස්තූතිවන්ත වෙනවා මට මේක කරන්න කියලා දුන්නා අපේ පැතුම් චතුරංග අයියාට. එයා නැත්තම් මට මේක කරන්න වෙන්නෙ නෑ. ඊළඟට මට තව ගොඩාක් උදව් කරපු රවිඳු රුක්ෂාන් සහෝට, කළිඳු වසූක අයියාට, නිලුපුල් මධුකප්‍රිය අයියාට ගොඩක් ස්තූති වන්ත වෙනවා. තව නම් කී නොකී සියලු දෙනාට මම ස්තූති වන්ත වෙනවා. හැමදාම සබ් ගන්න කමෙන්ට් දාන සියලු දෙනාටත් ස්තූතිවන්ත වෙනවා.

ආරම්භය ඇති කියලා හිතුනා. එහෙනම් ෆිල්ම් එක ගැන පුංචි විස්තරයක් කරන්නම්. මේක රිලීස් වුනේ මට හොයාගන්න පුළුවන් වුන විදියට නම් 2017 මැයි 18 දිනයි. මේක ජාත්‍යන්තරව එළිදැක්වුන දිනයයි. ඉතින් මේක මූළිකවම අයිති වෙන්නේ Action, Adventure, Drama එහෙම නැත්තම් සිංහලෙන් කිව්වොත් ක්‍රියාදාම, ත්‍රාසජනක, නාට්‍යමය කියන වර්ගවලටයි. නමුත් මේකෙ ප්‍රසාරණය වුන වර්ගීකරණයක් තියනවා. ඒකත් මම කියන්නම්. ඒ තමයි Action, Adventure, Drama, Horror, Sci Fi, Thriller. මේක පැයයි විනාඩි 35ක පමණ කාලයක් ධාවනය වෙනවා. තව දෙයක්, හැබැයි මේකට ගොඩාක්ම ඉහළ IMDB අගයක්නම් ලැබිලා නෑ. ඒ අගය තමා 5.7. ඡන්ද 3007කින් තමා ඒ අගය ලැබිලා තියෙන්නේ. තව මේක ගැන විස්තර කිව්වොත් මේකෙ අධ්‍යක්ෂක හා මේක ලියලා තියෙන්නේ Shane Abbess. මම මේකෙ චරිත ටිකත් කියන්නම්. Sy Lombrok – Kellan Lutz, Lieutenant Kane Sommerville – Daniel MacPherson, Indi Sommerville – Teagon Croft ඔය තමා චරිත ටික. මුලින් චරිතයත් පසුව පණපොවපු කෙනාගේ නමත් දාලා තියනවා. මේක Lionsgate ආයතනය බෙදාහැරීමත් XYZ Films ආයතනය නිෂ්පාදනයත් කරලා තියනවා. තව දෙයක් තියනවා. මේකෙ අගය පහළ වුනත් මේ චිත්‍රපටය සුපිරි චිත්‍රපටයක් කියලත් කියන්න ඕණ.

ඉතින් කතාව ගැන කිව්වොත්, මේකෙදි වෙන්නෙ මේ කට්ටිය ඉන්නේ අභ්‍යවකාශයේ. කේන් වැඩකරන්නේ අභ්‍යවකාශ අයතනයක. මේ ආයතනය හිරගෙදරක් පාලනය කරනවා. මේ හිරගෙදර කොහොමහරි ඉන්න හිරකාරයෝ කඩනවා. තව වෛරස් එකක් පිටවෙනවා. මේ වයිරස් එක් මගින් වෙන්නේ ඒ වයිරසය වැලඳුන කෙනා ක්‍රීටර් නම් සතෙක් බවට පත්වෙනවා. මේ සත්තු මිනිස්සු මරාගෙන කන තත්වයකට පත්වෙනවා. මේ සත්තුන්ගේ කේඨය බැරිවෙලාවත් ගෑවුනොත් එහෙම ඒ ගෑවුන පුද්ගලයාත් ඒ ජාතියේ සතෙක් බවට පත්වෙනවා. ඉතින් මේක ව්‍යාපත් වෙන්න පැය 23ක් තියනවා. මේ පැය 23 ඇතුළත කේන් එයාගෙ දුව ඉන්ඩිව බේරගන්න යනවා. ඉතින් ඔය යන අතරතුරේ කේන්ට සයි කියලා කෙනෙක්ව හම්බවෙනවා. මෙයා එක්ක එකතු වෙලා දුවව බේරගන්න යන අතරතුරේ මහන්සිය නිවාගැනීමට කැෆේ එකකට ගොඩවෙනවාත මේ කැෆේ එක ගාව බස් එකක් තියනවා. කොහොම කොහොම හරි මේ කට්ටියම අර බස් එකේ ඉන්ඩිව බේරගන්න යනවා. ඉන්ඩි ඉන්න තැනට ගියාට පස්සේ ඒ ප්‍රදේශයත් අර ක්‍රීටර්ස්ලා වටකරලා. ඉතින් ඉන්ඩි හොයාගෙන කාමරේට ගියාට පස්සේ ඉන්ඩි එහි පේන්න නෑ. ඉන්ඩිට මොකද වුනේ? අන්තිමේදි කේනට, සයිට මොකද වෙන්නේ? කියලා දැනගන්න ඔයාලම මේ චිත්‍රපටය බලන්නකෝ. සේරම මම කියන එක හරි නෑනේ.

!!!!! ජය වේවා !!!!!
෴ ෴ ෴ බුදු සරණයි! ෴ ෴ ෴

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

8,051 downloadsDownload The-Osiris-Child-2016BD.zip92 KB

https://d36zzuvfojr38z.cloudfront.net/wp_content/uploads/2017/07/Mr.-Gentleman.jpg මේ ලබා දී ඇති සිංහල උපසිරැසි පිළිබද “C. R. ජයලත් (Mr. Gentleman)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-07-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.