The Priest (2021) Sinhala Subtitles | මළවුන්ගේ පළිගැනිම! [සිංහල උපසිරසි]

බයිස්කෝප් රසික රසිකාවියෝ සියලු දෙනාට ලැබුවාවූ සිංහල හිංදු අලුත් අවුරුද්ද සුභම සුභඅලුත් අවුරුද්දක්ම වේවා! 2020 අවුරුද්ද කියන්නේ කොවිඩ් වසංගතය හින්දා සිනමා කර්මාන්තය පසුබෑමකට ලක්වුණු අවුරුද්දක්. 2020 අවුරුද්ද ගෙවිලා 2021 අවුරුද්ද පටන් ගද්දි බිඳවැටි තිබු සිනමා කර්මාන්තය ලොව පුරා විවිධ සිනමා නිර්මාණ එක්ක නැවත නැගී සිටින්න පටන් ගත්තා. මේ විදියට 2021 අවුරුද්දේ මලයාලම් සිනමාවට සුබවාදී බලාපොරොත්තුවක් අරන් ආපු කේරළ මෙගා ස්ටාර් Mammootty ගේ සහ මලයාලම් Lady Super Star Manju Warrier ගේ ප්‍රථම සිනමා සුසංයෝගය The Priest (2021) සිනමා නිර්මාණයට සිංහල උපසිරැසිය අරගෙනයි මං අද බයිස්කෝප් අඩවියට ගොඩවැදුනේ. මේ උපසිරැසියේ ප්‍රථම භාගය නිර්මාණය කරන්න සහයෝගය දුන්න MTR තරිඳු රුක්ෂාන් පෙරේරා සොහොයුරාවත් මේ වෙලාවේ ස්තූති පූර්වකව මතක් කරනවා. තරිඳුගේ උදව්ව නැතිනම් අද දවසෙදි මේ සිංහල උපසිරැසිය ලබා දෙන එක ඇත්තටම කරන්න බැරි දෙයක්.

2020 අගොස්තු මාසේ තිරගත කරන්න සූදානම් කරලා තිබුණු The Priest කොවිඩ් වසංගතය එක්ක 2021 පෙබරවාරි 04 වෙනිදා වෙනකල් කල්යනවා. නැවතත් 2021 මාර්තු 04 වෙනිදා තිරගත කරන්න තීරණය කරනවා. ඒත් කේරළ ප්‍රාන්ත රජයෙන් රාත්‍රී දර්ශන වාර සඳහා අවසරය නොලැබීම නිසාවෙන් නැවතත් තිරගත කරන දිනය කල් දානවා. අවසානයේදි 2021 මාර්තු 11 වෙනි දින එක්සත් ආරාබි එමීර් රාජ්‍යයේ සහ ඉන්දියාවේ කේරළයේ සිනමා ශාලා 300 කට වැඩි ප්‍රමාණයක දිනකට දර්ශන වාර 04 බැගින් සීමාකර තිරගත කිරීම ආරම්භ කරනවා. මේ විදියට බාධා මධ්‍යයේ තිරගත කකරපු The Priest පසුබෑමකට ලක් වෙයි කියලා හිතනවාද? අපොයි නෑ. තාමත් මලයාලම් සිනමාවේ සුපිරි තරුව Mammootty වෙනුවෙන් රසිකයෝ පෙළගැහෙනවා. බොහෝ සිනමා ශාලා පිරී ඉතිරී යනවා. කොවිඩ්-19 වසංගතය මැද තිර ගත වූ මේ සිනමා නිර්මාණය කෝටි 15 කට ආසන්න නිෂ්පාදන පිරිවැයකින් නිමැවී ඇති අතර චිත්‍රපටය තිරගත කිරීම ආරම්භ කර දින 05 කට පසු ඉන්දියානු රුපියල් කෝටි 32 ක ආදායමක් උපයාගෙන තිබෙනවා.එම ආදායම කේරළයේ පමණක් ඉන්දියානු රුපියල් කෝටි 09 ඉක්මවා තිබෙනවා. ඒ නිසාවෙන් මේවන විට 2021 වර්ෂයේ Lockdown කිරීමෙන් පසුව වැඩිම ආදායමක් ලබාගත් මලයාලම් සිනමාපටය බවට පත්වෙමින්ද, ප්‍රථම වරට සෞදි ආරබිය තුල ආදායම ඉන්දියානු රුපියල් කෝටිය ඉක්මවූ චිත්‍රපටය ලෙසද වාර්තාවක් තබමින් The Priest සිනමාපටය ඉතිහාස ගතවෙනවා. දින විස්සක් තුලදි සමස්ථ ආදායම දළ වශයෙන් ඉන්දියානු රුපියල් කෝටි 48 ක් වාර්තා කර තිබෙනවා.එසේම චිත්‍රපටය තිරගත කර අවසාන වන විට සමස්ථ ආදායම ඉන්දියානු රුපියල් කෝටි 57 ක් ලෙස දක්වා තිබෙනවා.

චිත්‍රපටය තිරගත කල බොහොමයක් සිනමාශාලා පිරිගිය ආකාරය සහ චිත්‍රපටය ප්‍රදර්ශනය කල දර්ශණ වාරයන් ප්‍රමාණය,ආදායම් වාර්ථාවන් ගැන සමාජජාලා මාධ්‍යන්හි පලවී තිබු ආකාරය.

මේ වෙද්දි 3139 දෙනෙකුගේ මනාපයෙන් IMDb 7.1/10 අගයක්, 4059 ගූගල් පරිශීලකයින්ගේ මනාපයෙන් 91% වගේම 23,914 දෙනෙකුගේ මනාපයෙන් bookmyshhow හි 74% දිනා ගන්න The Priest සමත් වෙලා තියෙනවා.

ප්‍රේක්ෂක ප්‍රතිචාරයන් කිහිපයක්…

විචාරක ප්‍රතිචාරයන් කිහිපයක්…

The Priest සිනමා නිර්මාණයෙන් සිනමා අධ්‍යක්ෂණයට අත්පොත් තබන Jofin T Chacko අතිසාර්ථක අධ්‍යක්ෂකවරයෙකු වීමේ ලක්ෂණ පෙන්නුම් කරලා තියෙන වග මේ වෙනකොට The Priest වෙනුවෙන් පලවෙලා තියෙන ප්‍රේක්ෂක සහා විචාරක ප්‍රතිචාර තුළින් තේරුම් ගන්න පුළුවන්. Shyam Menon, Deepu Pradeep ගේ විශිෂ්ඨ තිර රචනය, Rahul Raj ගේ විශිෂ්ඨ සංගීතයෙන් වගේම Akhil George ගේ සිනමාරූපණයෙන් සන්නද්ධ වූ මේ සිනමා නිර්මාණයේ Mammootty, Baby Monica, Manju Warrier, Nikhila Vimal, Saniya Iyappan, Sivadas Kannur, Lishoy, Shivaji Guruvayoor, Ramesh Pisharody ඇතුළු විශාල නළු නිලි පිරිසක් රංගන දායකත්වය ලබා දීලා තියෙනවා.

කතාව ගැන ටිකක් කියනවා නම් Carmen Benedict පියතුමායි (Mammotty), පොලිස් නිලධාරියෙකුයි එකතු වෙලා සියදිවි නසා ගැනීම් මාලාවක අභිරහසක් විසඳන්න උත්සාහ කරනවා. විමර්ශනය අවසන් වෙන්නෙ ඔවුන්ට තවත් අපරාධයක සුලමුල හෙළිකරලා දීලා.ඉතිරිය චිත්‍රපටිය බලලාම දැනගන්න.

එසේනම් සුපිරි අභිරහස්, ත්‍රාසජනක සිනමා අත්දැකීමක් විඳගන්න ආරාධනා කරමින් නැවතත් සිංහල උපසිරැසියකින් හමුවීමේ බලාපොරෛාත්තුවෙන් අදට සමුගන්නවා. නැවතත් සියලුදෙනාටම සාමය සතුට පිරි සෞභාග්‍යමත් සුභම සුභ සිංහල දමිළ අලුත් අවුරුද්දක් වේවායි ප්‍රාර්ථනා කරනවා.!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි  WEB / HD පිටපත් සඳහා අදාළ වේ.

15,589 downloadsDownload The-Priest-2021.zip50 KB

මේ ලබා දී ඇති සිංහල උපසිරැසි පිළිබද “රේණුකා සුභාෂිණි” සොයුරියට සහ “ M.T.R. තරිදු රුක්ෂාන් පෙරේරා ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.