The Ritual (2017) Sinhala Subtitles | ඇදහිල්ල [සිංහල උපසිරැසි සමඟ]

කොහොමද යාලුවනේ… ඔන්න මමත් කාලෙකින් ෆිලුමක් අරගෙන ආවා.. කරන වැඩ අස්සේ දැන් දැන් උපසිරසියක් කරන්න ලැබෙන කාලය සීමිත වේගෙන යන්නේ. ඒ වගේම කලින් වගේ උපසිරැසි ගන්න තියා ෆිලුමක්වත් නිදහසේ බලන්න බැරි කාලයක් ඇවිත් තියෙන්නේ. කොහොමහරි ඉතින් ඔන්න මමත් සති දෙකක් විතර අත ගාල ඇත ගාල උපසිරසියක් අරගෙන ආවා.. කාලය ගිය ඇත්තම හේතුව ඉතින් කරන්න වෙලාව නොලැබීම තමයි. ඒ කතා වැඩක් නැහැ. අපි ෆිලුම මොකක්ද කියල බලමු.

මේ ෆිලුම 2017 එන්න තිබුනට ඇත්තටම ආවේ 2018 දී. ඇවිල්ලා නම් දැන් සති 3ක් වගේ වෙනවා. මේක netflix වලින් කරපු ෆිලුමක්. ඉතින් ෆිලුම් ගැන දන්නා කෙනකේ නම් අරගෙන බලනවා ෂුවර්. horror කියන කාණ්ඩයට අයත් මේ ෆිලුම විනාඩි 90ක් එහෙම නැතිනම් පැය 1යි විනාඩි 30ක ධාවන කාලයක් තියෙනවා. ඒ වගේම IMDB ලකුණු 6.5 අරගෙන තියෙනවා. ඒ වගේම මේ ෆිලුම British Independent Film Awards වලදී Best Effects වලට හිමි සම්මානය දිනාගෙන තියෙනවා වගේම Sitges – Catalonian International Film Festival වලදී හොදම නළුවා ට හිමි සම්මානය මෙහි රගපාන Rafe Spell (ලුක් ) විසින් දිනාගෙන තියෙනවා.

දැන් එහෙනම් කතාව පැත්ත හැරෙමු. යාළුවො 5 දෙනෙක් සෙට් වෙලා බොනවා. කැම්පස් එකේ යාළුවො කාලෙකට පස්සේ සෙට් වෙලා බොනවා. ඉතින් කස්ටිය සෙට් උණු එකේ විනෝද සවාරියක් යන්න තැන් ගැන කතා කරනවා. හැබැයි අවසාන තීරණයක් ගන්නේ නැතුව කස්ටියම එළියට එනවා. ඒ ඇවිල්ලා පොඩි වෙලාවකින් හිතුවේ නැති විදියට මේ පස්දෙනාගේ එක් කෙනෙක් වෙන රොබ්ට මේ ලෝකය හැරයන්න සිදුවෙනවා. ඉතින් ඉතිරි යාලුවෝ 4 දෙන තීරණය කරනවා රොබ් ට කරනා ගරුකිරීමක් විදියට රොබ් කියපු තැනට යන්න. ඒ කොහේද ඒ? ඒ ගැන ඔයාලට කතාවෙන් බලාගන්න පුළුවන්.

ඉතින් මේ ගමන යද්දී කණ්ඩායමේ සගයෙක්ගේ කකුලේ ආබාධයක් වෙනවා. ඒ නිසා එයාල යන්න තියෙන මාර්ගයේ යන්නේ නැතිව කෙටි මාර්ගයකින් යන්න තීරණය කරනවා. ඉතින් මේ කෙටි මාර්ගය ඇත්තටම කෙටි මාර්ගයක් වෙයි ද? සවාරිය යන අයට ආපහු එන්න පුළුවන් වෙයි ද? ඇත්තටම මොකද වෙන්නේ? තව විස්තර කිවුවොත් කතාවේ රස නැතිවෙන නිසා මෙතනින් නවතිනවා. ජයවේවා එහෙනම්.. ෆිලුම රස විදින්න කියල ආරාධනා කරනවා. නැවතත් ෆිලුමකින් හමුවෙමු..

“අපි දුර දිග නොබලා ගන්න තීරණ තමයි අපිට වාසනාව වගේම අවාසනාව ලගා කරලා දෙන්නේ”

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි HD / WEB පිටපත් සඳහා අදාළ වේ.

15,386 downloadsDownload The-Ritual-2017.zip53 KB

https://d36zzuvfojr38z.cloudfront.net/wp_content/uploads/2016/01/DSC_3402-e1453087412688.jpg මේ ලබා දී ඇති සිංහල උපසිරැසි පිළිබද “දසන් බුද්ධික” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2014-02-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.