The Shining (1980) | පියා, උමතුවෙන්!! [සිංහල උපසිරැසි සමඟ]

කොහොමද යාළුවනේ? මගේ දෙවැනි උපසිරසි ගැන්වීම විදියට ඔයාලට අද මං දෙන්නෙ ටිකක් පරණ චිත්‍රපටියක්(1980 විතර.. :p). මේක “psychological horror” වර්ගයේ චිත්‍රපටියක්. IMDB වල 8.5 ක් තරම් විශාල අගයක් ගත්ත හා ලොව හොඳම චිත්‍රපට අතර 55 ස්ථානයේ සිටින මේ චිත්‍රපටය “Peregrine Productions” හා “Producers Circle” කලාගාර වල රූපගත කර, “Warner Bros” සමාගමේ බෙදාහැරීමක් ලෙස මැයි 23, 1980 දින තිරගත වූන මෙම චිත්‍රපටිය සඳහා ඇ.ඩො.මි.19 ක් වියදම් කරලා තියෙනවා. එතකොට මෙහි Box office වාර්තාව ඇ.ඩො.44,017,374 ක්. මෙහි ධාවන කාලය මිනිත්තු 144 (යුරෝපයේ මිනිත්තු 119 ක්ලු!)

මේ කතාවෙ අධ්‍යක්‍ෂණය, නිෂ්පාදනය “Stanley Kubrick” නම් සුපිරි සිනමාකරුවාගෙන්.ඔහු මෙයට සම-තිර රචනයෙනුත් දායක වෙලා තියෙනවා(ඒ “Diane Johnson” එක්ක). මේ කතාව ගොඩනැඟිලා තියෙන්නෙ “Stephen King” නම් සාහිත්‍යකරුවාගේ “The Shining” නම් නව කථාවෙන්. මෙහි නළු නිළියන් ලෙස “Jack Nicholson” ,”Jack Torrance” ලෙසත්, “Shelley Duvall”, “Wendy Torrance” ලෙසත්, “Danny Lloyd”, “Danny Torrance” ලෙසත්, “Scatman Crothers”, “Dick Hallorann” ලෙසත්, “Barry Nelson” ,”Stuart Ullman” ලෙසත්, “Philip Stone”, “Delbert Grady” ලෙසත් රංගනයෙන් දායක වෙලා තියෙනවා. ඇත්තම කියනවනම් මේ චිත්‍රපටියට සබ දාන්න මට මාස 2 ක් විතර ගත උණා(යසයි වැඩේ!). ගොඩක් වෙලාවට ඔෆිස් ගිහිල්ලා ඇවිත් ටයිප් කරන්න හම්බවෙන්නෙත් පැය භාගයක් වගේ කාලයක්. ඒ වගේම මේ චිත්‍රපටියේ ඉංග්‍රීසි උපසිරසි ගොනුවේ සමහර පොඩි පොඩි දෙබස් තිබ්බෙත් නෑ. සමහරක් දෙබස් වල තේරුම් ගන්න ගියාම සෑහෙන දුෂ්කරතා වලට මුහුණ දෙන්නත් සිද්ධ වුණා. හැබැයි කියන්නත් ඕනෙ මේ සබ දාන වැඩෙත් නියම වැඩක් කියලා. මොකද සබ දාන වැඩේ ආවට ගියාට කරන්න ඕනෙ වැඩකුත් නෙවෙයි. මේක හරියට කලාවක් වගේ. අපිත් හරියට චිත්‍රපටියේ රඟපානවා වගේ හැඟීමකින් තමයි වැඩේ කරන්න ඕනේ. (කියවනවා වැඩිද මන්දා??) 🙂

හරි අපි යමු කතාවට..මෙන්න ඉන්න‍වා ‘ජැක් ටොරන්ස්’ කියලා හිටපු ගුරුවරයෙක්.මෙයාට ඉන්නේ ‘වෙන්ඩි’ කියලා බිරිඳකුයි, ‘ඩැනි’ කියලා පොඩි ළමයෙකුයි. මේ ‘ඩැනී’ට පුළුවන් සිතෙන් අදහස් හුවමාරු කරගන්න(“Telepathic”-දුරවේධනය,පරචිත්ත ඥානය). ‘ඩැනී’ට පුළුවන් ඉදිරියට සිද්ධ වෙන දේවල් පිළිබඳ දැනගන්න. ඒ ඔහු හිතින් මවා ගත්ත ‘ටෝනි’ කියලා මිතුරෙකුගෙ මාර්ගයෙන්. ඉතින් මේ ‘ජැක්’ තමාගේ අළුත් රැකියාව ලෙස “ඕව(ර්)ලුක්” කියලා හෝටලයක් ශීත කාලය තුළ බලා ගැනීමට එකඟ වෙනවා. එතකොට ‘ඩැනී’ට පුළුවන් වෙනවා මේ හෝටලය බලා ගැනීමට යාමෙන් තමන්ට සිදුවීමට යන විපත්ති ගැන කල්තියා දැන ගන්න. එතකොටත් පරක්කු වැඩියි.මොකද ‘ඩැනී’ගේ තාත්තා ඒ වෙද්දිත් හෝටලය බලා ගැනීමට එකඟ වෙලා ඉවරයි. මේ හෝටලයට තියෙන්නෙ එච්චර හොඳ අතීතයක් නම් නොවෙයි. ‍මොකද කලින් ශීත කාලයකදී මේ හෝටලය බලාගත් මුරකරුට සිද්ධ වුණේ තමන්ගෙ ජීවිතයෙනුත් වන්දි ගෙවන්නයි. ඒ ‘ග්‍රේඩි’ කියලා කෙනෙක්. ඔහු තමන්ගෙ බිරිඳයි දියණියන් දෙදෙනයි එක්ක තමයි හෝටලය බලාගන්න ඇවිත් තියෙන්නෙ.

ඒත්…………. ඒ ශීත කාලය තුළ සිද්ධ වුණ යම් “දෙයක්” නිසා ‘ග්‍රේඩි’ගේ මානසිකත්වයේ වන දරුණු වෙනස් වීමකින් තමන්ගෙ පවුලේ අයවත් ඝාතනය කර තමන්ගෙත් දිවිනසා ගන්නා තත්වයකට පත්වෙනවා. ඒ සිදුවීම අභිරහසක්. ‘ජැක්’ටත් මෙය දැනගන්න ලැබෙනවා නමුත් ඔහු එය එතරම් තකන්නේ නෑ. ඉතින් ‘ජැක්’ හෝටලයට එනවා. පුංචි ‘ඩැනී’ට පුළුවන් වෙනවා මේ හෝටලයේ ප්‍රධාන සූපවේදියා සමඟ මනසින් සන්නිවේදනය කරන්න. ඒ මඟින් ඔහුට යම් යම් අනතුරු ඇඟවීම් පෙනෙන්නට, දැනෙන්නට පටන් ගන්නවා.

ඒත් මේ අනතුරු ඇඟවීම් වලින් වැඩක් වෙයිද? ‘ජැක්’ට කුමක් වෙයිද? ඔහුටත් පරණ මුරකරුට වගේම භයානක ඉරණමකට මුහුණ දෙන්න සිද්ධ වෙයිද? හෝටලය තුළ ඇති නපුරු බලවේග ක්‍රියාත්මක වෙද්දී,අධික හිම පතනය නිසා ඔවුන් බාහිර ලෝකයෙන් හුදකලා වෙද්දී,
ඔවුන්ට සිදු වන්නේ කුමක්ද?? පිළිතුර ඔයාලටම බාරයි!

 

 

650 MB කොපිය මෙතනින් බාගන්න

DA5F846ABF1755E78C67E191F49D5A2948BF1299 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

818 downloadsDownload The.shining.1980.baiscopelk.zip46 KB

 

https://d36zzuvfojr38z.cloudfront.net/wp_content/uploads/2013/12/hirantha.jpg මේ ලබා දී ඇති සිංහල උපසිරැසි පිළිබද “හිරන්ත සිල්වා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.