The Stoning of Soraya M. (2008) with sinhala subtitles | පව්කාරයාට ගල් ගැසීම [සිංහල උපසිරසි සමඟ]

මෙය  මාගේ පලමු උපසිරැසි කරනයයි. අදින් සිව් වසරකට පෙර සරසවියේ පලමු වසරේ සිටම “ මචන් මමත් කවදා හරි සබ් එකක් දානවා ” කියා දුන් පොර ටෝක් වල අවසන් ප්‍රතිඵලයයි. එමෙන්ම මෙය සිව් වසරක් පුරාවටම “ අනේ උබ සබ් දැම්මා වගේ ” යැයි කියමින් මා බයිට් එකට ගත් මගේ මිතුරන්ගේ සරදම් සිනාවට තිත තැබීමකි. හරිහැටි ගැලපෙන ඉංග්‍රීසි සබ් එකක් සොයා ගැනීමට නොහැකි වූ නිසා එකින් එකට ටයිම් ලයින් හදමින් සමහර වෙලාවට අසා ලිවීම් කරමින් මා කන කට්ට දුටු මගේ මිතුරන් සුද්ධ සිංහලෙන් මා ආමන්ත්‍රණය කරමින් “ බැරි මගුල් නොකර හිටපන් ” කියා නිතරම මා දිරිමත් කලත් අවසානයේ කෙසේ හෝ උන්ගේම උදව්වෙන් මා හට ගොඩ යෑමට හැකි විය. මා හට උදව් කල සියලු මිතුරන්ටත් “ මචං සබ් එකක් කරනවා නම් මේකට කරපන් ” කියා මේ සිනමා සිත්තම මා හට ලබා දුන් මිතුරාටත් බයිස්කෝප් අඩවිය වෙනුවෙන් මා හා සම්බන්ද වූ සමන් ප්‍රසාද් සොයුරාටත් ස්තුතිවන්ත වෙමි.

The Stoning of Soraya M[2008] ලෙස සිනමාවට නැගුනේ ඉරානයේ අවාසනාවන්ත ලෙස සිදුවූ සත්‍ය සිදුවීමක් පාදක කර ගනිමින් ඉරාන-ප්‍රංශ ලේඛක Freidoune Sahebjam විසින් රචිත The Stoning of Soraya M.: A Story of Injustice in Iran කෘතියයි. ප්‍රකාශයට පත් කල විගසම අලෙවි වාර්තා තැබූ මේ කෘතිය ඉරානයේදී ප්‍රසිද්ධියේ පුලුස්සා දැමූයේ එවකට ඉරාන සමාජයේ නිරුවත තව දුරටත් ලොවට හෙලි කරවමිනි. IMDb දර්ශකයේ 8.0/10 ක් ලබාගත් මේ සිනමා සිත්තම මා හට ලබා දුන් මගේ මිතුරා ඒත් සමගින්ම අමුණා එවූ ලිපිය මා මෙහි පල කරන්නේ ඔහු මටත් වඩා හොදින් ඒ ගැන අකුරු කර ඇති නිසාවෙනි.

“ මම කල්පනා කරමි. අතොරක් නැතිව කල්පනා කරමි. මෙම චිත්රපටය මම නැරඹූයේ මීට මාස කිහිපයකට පෙරාතුවය. ඒ පිළිබද විස්තර ඔබ වෙත ගෙන ඒමට දිනෙන් දින පමා වූයේ ඔබ හමුවේ මේ පිළිබඳව ඉදිරිපත් කරන හදුන්වාදීමේ ලිපිය ඉතා සන්වේදී අයුරින් ලිවිමට වචන අමුනා ගැනීම සඳහායි. නමුත්… ඒ කිසිවකින් පලක් නොවේ යැයි සිතමි. මන්ද අපි අපගේ පුංචි රට තුළ අසීමිත නිදහසක් භුක්ති විදින කල්හි එම අසරණියෝ ඔවුන්ගේ දේශය තුළ වචනයෙන් කිව නොහැකි කඨෝර දුක්ඛයන්ට අදද මුහුණ දෙන බැවිනි.

මම සොරායා චිත්රපටය ගැන ඔබට නොකියමි. එය විස්තර කිරිමට නොයමි. මන්ද එය ඔබ ඔබේ දෑසින් එකදු තත්පරයක් අපතේ නොයවා… සිත වෙනතක යොමු නොකර බැලිය යුතු චිත්රපටයක් වන බැවිනි.

මෙය බැලීම නවතා අතරමැදදී මම හැඩීමි. මට අවැසි වූයේ මහ හයියෙන් ඇඩීමටයි. මම ඒ සොරායා වී මට කළ අපරාධය වෙනුවෙන් හැඩීමටයි. එදා මම එසේ හැඩුවානම් මගේ තාත්තාත් මල්ලිලාත් අම්මාත් කලබල වනු ඒකාන්තය. ඔවුන් මට පිස්සු යැයි පවසනු ඇත. මම සොරායාට සිදුවූ අසාධාරණය ඔවුනට පැවසුවේනම් එවුන් එය විශ්වාස නොකරනු ඇත. මන්ද අපේ වැනි රටක ගැහැණිය යනු පූජනීය සංකේතයක් වන බැවිණි. මම ඒ චිත්රපටය ඔවුනට පෙන්නුවේනම් නිසැකවම ඔවුන්ද මා සමග හඩනු ඇත……. සොරායා වෙනුවෙන් හඩනු ඇත.

සොරායා ගැන මම මෙය පමණක් පවසමි…

ඇය මවකි. පියා සැමියා පුතා කේන්ද්රකරගත් සමාජයක, ගැහැණිය යනු තවත් එක් අජීවී වස්තුවක් පමණකැයි සිතූ සමාජයක, ගැහැණිය යනු පිරිමියාගේ ලිංගික සතුට උදෙසා පමණක්ම දෙවියන් විසින් මවනු ලද්දාවූ කෙළි බඩුවක්යැයි සිතූ සමාජයක සොරායා මවකි. ඛේදනිය ඉරණමක හිමිකාරියකි. ඔවුහු…. ඔවූහු ඇයට ගල් ගැසූහ… මන්ද…. ඒ මන්දැයි ඔබම බලන්න… ”

 

 

 

Due to copyright issues, we do not provide any torrent links.

 

The Stoning of Soraya M[2008]DvDrip

මෙම ලබා දී ඇති උපසිරසි ඉහත පිටපත සඳහා අදාළ වේ.

440 downloadsDownload The-Stoning-of-Soraya-M2008-Baiscopelk.com_.zip38 KB

 

https://d36zzuvfojr38z.cloudfront.net/wp_content/uploads/2017/01/HasithaMadhushan-e1483740911458.jpg මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.