The Thursday Murder Club (2025) Sinhala Subtitles | මිනීමරුවා හොයන අමුතුම රහස් පරීක්ෂකයෝ! [සිංහල උපසිරසි]

The Thursday Murder Club (2025) Sinhala Subtitles

ආයුබෝවන් හැමෝටම!

ඔන්න එහෙනම් මම මගේ දෙවැනි උපසිරැසියත් අරගෙන බයිස්කෝප් අඩවියට ගොඩවුණා. මගේ පළවෙනි උපසිරැසිය විදිහට මම අරගෙන ආවේ 2024 අවුරුද්දේ තිරගත වුණු “All of You” චිත්‍රපටය. ඒකට ඔයාලා දක්වපු ප්‍රතිචාර වලට වගේම දුන්නු සහයෝගයට මුලින්ම ගොඩක් ස්තූතියි කියන්න ඕනේ. ඉතින් ඒ ගැම්මෙන්ම තමයි මේ දෙවැනි උපසිරැසියත් අරගෙන ආවේ.

අද මම ගෙනාවේ ටිකක් වෙනස් විදිහේ, කුතුහලයෙන් පිරුණු සුපිරිම කතාවක්. පොඩ්ඩක් හිතන්නකෝ… සාමාන්‍යයෙන් මිනීමැරුමක් වුණාම ඒක විසඳන්නේ කවුද? පොලිසියෙන්, රහස් පරීක්ෂකයින්, එහෙමත් නැත්නම් FBI වගේ ආයතන වලින් නේද? හැබැයි මේ කතාවේ මිනීමැරුම් විසඳන්න යන්නේ ඒ කිසිම කෙනෙක් නෙවෙයි. වයසට ගිහින් විශ්‍රාම සුවයෙන් ඉන්න, හැරමිටියෙන් ඇවිදින සීයලා ආච්චිලා සෙට් එකක් කිව්වොත් ඔයා විශ්වාස කරනවද?

The Thursday Murder Club (2025) චිත්‍රපටය නිර්මාණය වෙන්නේ රිචඩ් ඔස්මන් (Richard Osman) ගේ අතිශය ජනප්‍රිය, වැඩියෙන්ම අලෙවි වුණු නවකතාවක් ඇසුරින්. කතාව යන්නේ සුඛෝපභෝගී වැඩිහිටි නිවාසයක (Retirement Village) ජීවත් වෙන මිතුරන් හතරදෙනෙක් වටා. මෙයාලා හැම බ්‍රහස්පතින්දාම එකතු වෙලා පොලිසියට විසඳගන්න බැරි වුණු පරණ මිනීමැරුම් ෆයිල් අරගෙන ඒ ගැන සාකච්ඡා කරනවා. ඒකට මෙයාලා දාගත්ත නම තමයි “බ්‍රහස්පතින්දා මිනීමැරුම් සමාජය” (The Thursday Murder Club).

මෙයාලගේ මේ සාමකාමී ජීවිතේ එකපාරටම කණපිට පෙරළෙනවා. ඒ ඇයි දන්නවද? මෙයාලගේ ඇස් ඉස්සරහම, මෙයාලා ජීවත් වෙන ප්‍රදේශයේම ඇත්තම මිනීමැරුමක් සිද්ධ වෙනවා! ඉතින් මේ හතරදෙනා තීරණය කරනවා පොලිසියට කලින් මේකේ සුලමුල හොයාගන්න.

මේ ෆිල්ම් එකේ රංගනයෙන් දායක වෙන්නේ හොලිවුඩයේ දැවැන්තයෝ ටිකක්. Helen Mirren, Pierce Brosnan, Ben Kingsley වගේම Celia Imrie මේ අමුතුම රහස් පරීක්ෂක චරිත වලට පණ පොවනවා. ඒ වගේම මේක අධ්‍යක්ෂණය කරන්නේ Harry Potter, Home Alone වගේ සුපිරි චිත්‍රපට අධ්‍යක්ෂණය කරපු සුප්‍රකට අධ්‍යක්ෂක Chris Columbus විසින්.

ඉතින් මේ වයසක මිතුරන් හතරදෙනාට ඇත්තම මිනීමරුවාව හොයාගන්න පුළුවන් වෙයිද? ඒ අස්සේ මෙයාලට මොන වගේ කරදර වලට මූණ දෙන්න වෙයිද? ඒක දැනගන්න නම් ෆිල්ම් එක බලන්නම වෙනවා. කුතුහලය පිරුණු, ඒ වගේම හිනාවෙවී රසවිඳින්න පුළුවන් සුපිරිම ෆිල්ම් එකක් කියලා මං සහතික වෙනවා.

එහෙනම්, උපසිරැසිය බාගෙන බලන ගමන්, පල්ලෙහායින් කමෙන්ට් එකක් දාගෙන යන්නත් අමතක කරන්න එපා. ඔයාලගේ කමෙන්ට්ස් තමයි අපිට තවත් සබ් එකක් කරන්න ලොකුම ගැම්මක් වෙන්නේ. තවත් උපසිරැසියකින් ඉක්මනින්ම හමුවෙමු.

The Thursday Murder Club (2025) Sinhala Subtitles

 

 

 

Due to copyright issues, we no longer provide any download links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

959 downloadsDownload The-Thursday-Murder-Club-2025.zip63 KB

 

මේ ලබා දී ඇති සිංහල උපසිරැසි පිළිබද “Shashith Pabasara” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2026-05-25

SUB-MAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

The Thursday Murder Club Sinhala Subtitles