The Ticket (2016) with Sinhala Subtitles | නැවත ලැබුනු අවස්තාව! [සිංහල උපසිරැසි සමඟ]

මේ වතාවේ අරගෙන ආවේ නාට්‍යමය ගණයට අයිතිවෙන චිත්‍රපටියක්. කලින් ගොඩක් කොමඩිම ගෙනාව එකේ වෙනසකටත් එක්ක ඔන්න මේක අරගෙන ආවා. අප්‍රේල් 7වෙනිදා නිකුත්වූ චිත්‍රපටියට imdb අගය 5.3 ක් තමා ලැබිලා තියෙන්නේ. මගේ අදහස අනුවනම් මේක එතරම් අවදානයට ලක් නොවුන, නමුත් යම්කිසි අවදානයකට ලක්වෙන්නට තිබූ චිත්‍රපටියක්. ප්‍රධාන චරිතය විදියට රංගනයෙන් දායක වෙන්නේ සුපිරි නළු Dan Stevens.මං චිත්‍රපටිය තෝරගන්න හේතුවත් Dan Stevens ම තමා. ඊට අමතරව Malin Akerman,Kerry Bishe,Oliver Platt ආදී නළු නිලියන් රංගනයෙන් දායක වෙනවා. එහෙනම් කතාව ගැන කෙටි විස්තරයක් කරන්නම්.

ජේම්ස් (Dan)කියන්නේ අන්ධ පුද්ගලයෙක්. පොඩි කාලෙදිම තමයි එයාට පෙනීම අහිමිවෙලා තියෙන්නේ. හැබැයි එයා දැන් විවාහක කෙනෙක්. බිරිද සහ පුතත් එක්ක තමයි ජීවත්වෙන්නේ. එක දවසක් උදේ නැගිටිද්දී මෙයාට මෙයාගේ පෙනීම නැවත ලැබිලා. හාස්කමකින් වගේ සිද්ධවුන මේ දේ දොස්තරලා කියන්නේ දුර්ලභ දෙයක් කියලා. කොහොමවුනත් මෙච්චර කාලයක් ඇස් පේන්නේ නැතිව හිටපු මෙයාට එකපාරටම පෙනීම ලැබුනා කියන්නේ එයාටත්, එයාගේ බිරිදටත්, පුතාටත් ගොඩක් සතුටුවෙන්න කාරණයක් කියලා අමුතුවෙන් කියන්න දෙයක් නෑනේ. ඉතින් ඒක මෙයාලටත් එහෙමයි. හැබැයි මිනිස්සු වෙනස්වෙන්න ගතවෙන්නේ සුළු මොහොතයිනේ. ජේම්සුත් පෙනීම ලැබුනායින් පස්සේ ටිකෙන් ටික වෙනස් වෙන්න ගන්නවා. මෙච්චර කාලයක් එයාව ආදරෙන් රැකබලාගත්ත බිරිදගේ සෙනෙහසත් කරදරයක් වෙන්න පටන්ගන්නවා. හිතුමනාපෙට වැඩ කරනවා වගේම තවත් කෙනෙක්ගේ උණුහුම හොයාගෙන යනවා. අන්ධ කාලෙදී හිටපු පුද්ගලයා වෙනත් කෙනෙක් වෙන්න පටන්ගන්නේ ඔන්න ඔහොමයි. එහෙනම් මං මෙතන ඉදන් ජේම්ස්ගේ කතාව ඔයාලටම බාර කරන්නම්.

කවදත් වගේ මේ චිත්‍රපටියේදීත් Danගේ රංගනය ඉහල මට්ටමක තියෙනවා. ඒවගේම කියන්න ඕනෙ මේක බොහොම සෙමින් ගලාගෙන යන කතාවක්. ඒ නිසා නාට්‍යමය චිත්‍රපටවලට කැමති අය විතරක් මේක බාගන්නවනම් හොදයි. ඇක්ෂන් හොයන කෙනෙක්ටනම් මේක කොහොමවත් ගැලපෙන්නේ නෑ. ට්‍රේලරේ බැලුවනම් කට්ටියට චිත්‍රපටිය ගැන අදහසක් ගන්න පුළුවන්. එහෙනම් කැමති අය බාගන්න ගමන් අදහසකුත් දක්වලා යන්ට ඕනෙ ඈ! තවත් උපසිරැසියකින් හමුවෙනතුරු ගිහින් එන්නම්!

හැමෝටම ජයවේවා!!

 

 

 

Due to copyright issues, we do not provide any torrent links.

The.Ticket.2016.720p.BluRay.x264

මෙම ලබා දී ඇති උපසිරැසි ඉහත පිටපත සඳහා අදාළ වේ.

1,985 downloadsDownload The-Ticket-2016.zip33 KB

https://d36zzuvfojr38z.cloudfront.net/wp_content/uploads/2016/07/PicsArt_06-30-06.43.51-e1467617954896.jpg මේ ලබා දී ඇති සිංහල උපසිරැසි පිළිබද “ඉසුරු දිල්ශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2015-06-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.