To Kill a Mockingbird (1962) with Sinhala Subtitles | “සමානාත්මතාව උදෙසා….” [සිංහල උපසිරසි සමඟ]

සුභ දවසක් ප්‍රාර්තනා කරනවා හැමෝටම. ගොඩාක් කාලෙකට පස්සෙ තමා ආපහු සැරයක් සබ් එකක් අරගෙන එන්නෙ. මේක මගේ 21 වෙනි සබ් එක. හැමදාමත් වගේ මේ වතාවෙත් පැරණි චිත්‍රපටයක් තමා අරගෙන ආවේ. මෙය එදා මෙදා තුර බිහිවුණු හොඳම හොලිවුඩ් චිත්‍රපටයක් ලෙස සැලකෙන සම්මානනීය චිත්‍රපටයක්.

මෙය තිරගත වී තිබෙන්නෙ 1962 වර්ෂයේදී. එම අවධියේ වර්ණ චිත්‍රපට ප්‍රසිද්ධ වීමට පටන් ගත් කාලයක් උනත් මෙය නිපදවා තිබෙන්නෙ Black & White චිත්‍රපටයක් ලෙස. Harper Lee නැමැති ඇමරිකානු ජාතික ලේඛිකාව රචනා කෙරෑ “To Kill a Mockingbird” නැමැති ප්‍රකට ග්‍රන්ථය අනුසාරයෙන් තමා මෙම චිත්‍රපටය නිපදවී තිබෙන්නෙ. මෙය අධ්‍යක්ෂණය කර තිබෙන්නෙ Robert Mulligan විසින්. මෙහි එන ප්‍රධාන චරිතය වන ඇටිකස් ෆින්ච්ගේ චරිතය නිරෑපණය කරන්නෙ Gregory Peck විසින්. ඔහු කළ එම විශිෂ්ට රංගනය උදෙසා ඔහුට එම වසරේ හොඳම නළුවාට හිමි ඔස්කා සම්මානයද හිමි වී තිබෙනවා. මෙම චිත්‍රපටය 8.3 ක් වැනි ඉහලම IMDB අගයක් හිමි කරගෙන IMDB දර්ශකයේ 89 වෙනි ස්ථානයේ පසුවෙනවා.එමෙන්ම American Film Institute (AFI) මගින් මෙය එදාමෙදා තුර බිහිවුන හොඳම Courtroom Drama වර්ගයට අයත් චිත්‍රපටය ලෙස නම් කර තිබෙනවා.

දැන් මෙහි කතවේ අන්තර්ගතය ගැන පොඩි විස්තරයක් කරන්නම්. මෙම චිත්‍රපටය තුළින් නිරෑපණය වෙන්නෙ 1930 දශකයට අයත් කතාවක්. ඇමරිකාවේ ඇලබාමා ප්‍රාන්තයේ මේකෝම්බ් නමින් හැඳින්වෙන කල්පිත නගරයක් කේන්ද්‍ර කරගෙනයි මෙහි කතාව ගොඩනැගී තිබෙන්නෙ. මෙහි ප්‍රධාන චරිතය වෙන්නෙ ඇටිකස් ෆින්ච් නැමැති පුද්ගලයෙක්. ඔහු වෘත්තියෙන් නීතීඥවරයෙක්. ඔහුගේ බිරිඳ මියගොසින්. මොහු කුඩාවියේ පසුවන තම දරැවන් දෙදෙනා සමග ඉතාමත් සතුටින්, සාමකාමීව ජීවිතය ගෙවන කෙනෙක්. දිනක් මොහුට මතභේදාත්මක නඩුවක් භාර ගැනීමට සිදුවෙනවා. මෙහිදි මොහුට ස්ත්‍රී දූෂණ චෝදනාවකට ලක්වුනු නීග්‍රෝ ජාතික තරැණයෙක් වෙනුවෙන් පෙනී සිටීමට සිදුවෙනවා. වර්ණභේදවාදය ඉතා තදින් ක්‍රියාත්මක වන අවදියක සහ ප්‍රදේශයක මොහුට එම කළු ජාතික තරැණයා වෙනුවෙන් හඬ නැගීමට පුළුවන් වේවිද? ඔහුට සමාජයෙන් මොනවිදියේ ප්‍රතිචාර ලැබේවිද? ඔහුගේ එම උත්සහය සාර්තක වේවිද? ඇත්තටම කිව්වොත් වර්ණභේදවාදය වැනි සංකීර්ණ මාතෘකාවක් ඉතාමත් සියුම් ලෙස විග්‍රහ කරන ඉතාමත් විශිෂ්ට ගණයේ චිත්‍රපටයක් ලෙස මෙය හඳුන්වන්නට පුළුවන්. ඉතිං මේ වටිනා චිත්‍රපටිය නැරඹීමට හැමෝටම කෙරෙන ආරාධනාවත් සමග තවත් උපසිරසක් ඉක්මනින්ම රැගෙන එන බලාපොරොත්තුවෙන් මං දැනට සමුගන්නවා.

ඔබ සැමට ජයෙන් ජය පතමි !

 

 

 

Due to copyright issues, we do not provide any torrent links.

To.Kill.a.Mockingbird.1962.720p.BrRip.264.YIFY.Si

මෙම ලබා දී ඇති උපසිරසි BR පිටපත් සඳහා අදාළ වේ.

2,225 downloadsDownload To-Kill-a-Mockingbird-1962.zip53 KB

https://d36zzuvfojr38z.cloudfront.net/wp_content/uploads/2014/09/Normal.jpg මේ ලබා දී ඇති සිංහල උපසිරැසි පිළිබද “James DC” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.