Trois Couleurs: Bleu (1993) aka Three Colors: Blue with Sinhala Subtitles | ස්වාධිනත්වය….(18+) [සිංහල උපසිරැසි සමඟ]

ටික දවසකින් චිත්‍රපටියක් අරගෙන ආවේ නැති එකේ මේ සුදානම තවත් වෙනස් විදිහක කතාවක් ඔබ වෙත ගෙන එන්න. හැබැයි මේක එක සිනමා පටයක් වුනත් මේක සිනමා පට තුනක් එකතුවක්, කතාවක් තවක් එකක් හා සම්පුර්ණයෙන් සම්බන්ධ නැහැ නමුත් මේක එක මාතෘකාවක් එහෙම නැති නම් විෂය පථයක් මුලික කරගෙන තමයි නිර්මාණය වෙලා තියෙන්නේ. කවදා හරි දැකලා තියනවාද ප්‍රංශ කොඩිය, එකේ තියනවා වර්ණ තුනක් පිළිවෙලින් නිල, සුදු හා රතු ලෙස තමයි මේ තුන තියෙන්නේ.

ප්‍රංශ විප්ලවයත් එකක් ඔවුන්ගේ පරමාදේශයන් තුනක් නිර්මාණය වෙනවා ස්වාධිනත්වය, සමානාත්මතාවය හා සහෝදරත්වය තමයි මේ ත්‍රිත්වය මේ සිනමා පට නම් වෙන්නේ ඒ පරමාදර්ශයන් නමින් ඒ වගේමයි කතා තේමාව ගලාගෙන යන්නේ එක චිත්‍රපටයක් එක පරමාර්ථයක් හා එක වර්ණයක් මුලික කරගෙන. මේ තමයි මෙම සිනමා පට ත්‍රිත්වයේ ආරම්භක සිනමා පටය මේක නිල පැහැය තමයි මුලික කරගන්නේ ඒ වගේම උඩ මාතෘකාවේ තියනවා වගේ මේකේ මුලය වෙන්නේ ස්වාධිනත්වය.

1993 සැප්තැම්බර් 8 වැනිදා ප්‍රංශයේ දී එළිදැක්වෙන මෙම සිනමා නිර්මාණය සුප්‍රසිද්ධ පෝලන්ත සිනමා කරුවෙක්වෙන Krzysztof Kieslowskiගේ නිර්මාණයක් කතාවත් ඔහු විසින්ම තමයි නිර්මාණය කරලා තියෙන්නේ. කතාව නම් තනිකරම ප්‍රංශ භාෂාවෙන් තමයි ගලාගෙන යන්නේ. ප්‍රධාන නිළිය වෙන්නේ Juliette Binoche මෙයාව නම් නොදැන ඉන්න හැටියක් නැහැ නෙව මෙයා තමයි The English Patient (1996) සිනමා පටය වෙනුවෙන් 1994 වසරේ හොඳම සහය නිලියට හිමි ඔස්කා සම්මානය ඩිනා ගත්තේ. ඊට අමතරව Zbigniew Zamachowski හා Julie Delpy එහෙමත් මේකේ ඉන්නවා.

කතාව මෙහෙමයි ජුලී කතාවේ ආරම්භය එකක්ම තමුන්ගේ ජීවිතය උඩු යටුකුරු වෙන සිදුවීමකට මුහුණ දෙන කාන්තාවක්. ඒ සිද්ධිය කෙටියෙන් කියනවා නම් රිය අනතුරක් හේතුවෙන් මෙයාට තමුන්ගේ සැමියා වගේම පස්හැවරිදි දියණියත් අහිමි වෙනවා. රෝහල් ගත වෙලා උන්න මෙයා දිවිනසා ගන්න පවා උත්සාහ කරනවා. මෙයාගේ සැමියා ලෝක ප්‍රකට සංගීත සම්පාධකයෙක් ඉතින් මෙයා තීරණය කරනවා තමුගේ වත් පොහොසත්කම්, මිතුරු මිතුරියන් හැමදෙක්මටම සමු දීලා නව ජිවිතයක් ආරම්භ කරන්න. බැදීම් නැති ලෝකෙක ජිවත් වෙන්න, ඉතින් ඒ අරමුණු ඉටු වෙයි ද ? මේ අලුත් ලෝකයේ ඇය හා මිනිසුන් ඇති කරගන්නා සම්බන්ධතා කොහොම ඒවා ද? මේ කියන ප්‍රශ්න ඔබට ඇය සමහ විසදාගන්න සිද්ධ වෙනවා, විහිළුවට නෙමෙයි ඇත්තටම ඒ කතාව නම් කිව්වේ. මොකද මේක සාමාන්‍ය ක්‍රියාදාම චිත්‍රපටියක් වගේ නෙමෙයි සෑහෙන හිතන්න දෙයක් ඉතුරු කරන කතාවක්. බැදීම් නැති ලෝකයක් තුල මිනිසෙකුට ජිවත් වෙන්න පුලුවන්ද කියන ප්‍රශ්නය බොහොම ප්‍රබල විදිහට මේක ඔබෙන් අහයි අවසන් වෙනකොට බලන්නකෝ.

ඒ වගේම කියනන් ඕනේ මේකේ ආලෝක කරණය හා සංගීතය ගැන වැඩි වශයෙන් යොදාගෙන තියනවා නිල් පැහැය ඒක මගේ මතය අනුව නම් ඇයගේ ජිවිතයේ දුක්ක දායක කම හා පාළුව ඔලුප්පා පෙන්නුම් කිරීමක්, නමුත් ඔබේ මතයට එන්න ඔබට බාරයි මේක බලනකොට. ඒ වගේමයි මේක එක්වරම තිරය කළු පැහැ කිරීම් දකින්න ලැබෙනවා ඒ ඇයට හැගීමක් ඇති වෙන ස්ථානයන්වල අපිට තත්පරයක් හිතන්න කාලය ලබා දීමක්. බොහොම අමුතුයි බලන්නකෝ…. ඒ වගේමයි සංගීතය ගීත වෙනුවට සිනමා පටය පුරාම බොහොම ප්‍රබල සංගීතයක් දැකගන්න පුළුවනි. සංගීතය ජුලී තනිවෙන්න දරන වෑයම හුවා දක්වනවා, නමුත් ඒ එක්කම පෙන්වා දෙනවා සංගීතය නිර්මාණය වී තියෙන්නේ එක ස්වරයකින් නොවන විත්තිය… ඒ තුලින් සතිකම විසදුමක් නොවෙන ආකාරය පෙන්වා දෙන්න අමුතු වෑයමක් දරලා තියනවා.ඒ වගේමයි විවිධ චරිත තිරයේ හමුවෙන විට අහන්න ලැබෙන සංගීතය ඔවුන්ටම විශේෂයි…

IMDB මීටරයේ 8.0 ක් වගේ ඉහල අගයක් ලබාගත්ත, ටොරන් ටෝමටෝ අඩවියේ 100% නැවුම් යැයි විචාරක පැසසුමට ලක්වුණා මේ අපූරු සිනමා පටය එහෙනම් භාරයි ඔබට මිනිත්තු 94 ක් තුල රස විදින්නට. නැතව උපසිරක් එකක් හමුවෙමු…

පා.ලි.

ලබාදී ඇති ටොරන්ට් පිටපතේ මෙම චිත්‍රපට මාලාවේ චිත්‍රපට ත්‍රිත්වයම ඇතුලත්ව ඇත. ඔබ කැමති නම් එක චිත්‍රපටයක් බැගින් වෙන් කරගෙන බාගත කරගත හැක. කෙසේ නමුත් මම මේ සිනමාපට ත්‍රිත්වය වෙනුවෙන්ම උපසිරැස ලබා දීමට බලාපොරොත්තු වෙමි.

 

             

 

 

620 MB (BR) කොපිය මෙතනින් බාගන්න

21F88BE6238638E15DB8BA5A2B0382551419076F ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,362 downloadsDownload Trois-couleurs-Bleu-1993.zip94 KB

 

https://d36zzuvfojr38z.cloudfront.net/wp_content/uploads/2014/07/Sameera-Karunaratne-e1405871062113.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.