True Legend AKA Su Qi-er (2010) with Sinhala Subtitles | වූෂූ පුරාවෘතය… [සිංහල උපසිරැසි සමඟ]

කොහොමද ඉතිං,මේ තමයි බයිස්කෝප් සිංහලෙන් වෙබ් අඩවිය වෙනුවෙන් මගේ තුන්වැනි උපසිරසි ගැන්වීම. මේක සටන් කලා පැත්තට බර අය අනිවාර්යෙන්ම බලන්න ඕන චිත්‍රපටයක්. ගොඩක් අය මේක බලලත් ඇති.බලපු නැති අය අනිවාර්යෙන්ම බලන්න මේක. මේකට කලින් ධම්මික ප්‍රදීප් සොහොයුරා විසින් ලිපියක් දමා තිබුණත් එහි සිංහල උපසිරසියක් සපයා නැති එක ලොකු අඩුවක් කියල හිතුන නිසා තමයි මන් මේක කරල දාන්න හිතුවෙ.   කතාව පැත්තට හැරුණොත්, මේකෙ ඉන්නව ‘ සූ ‘ කියල ජෙනරාල් කෙනෙක්.මෙයා හමුදාවෙන් ඉවත්වෙලා තමන්ගෙ පවුල එක්ක සතුටින් ඉන්න කියල යනව. මෙයා හිතන් ඉන්නෙ කුංග්ෆූ පාසලක් පටන්ගන්න. ඒත් මෙයාලගෙ තාත්තා දරු කමට හදා ගත්තු සහෝදරයා, මෙයාලගෙ සතුටට ලොකු බාධාවක් වෙනව. මේ නපුරු සහෝදරයාගේ එක කුස උපන් නැගණියව තමයි සූ විවාහ කර ගන්නෙත්. ඒත් මේ නපුරු සහෝදරයා තමන්ගෙ මස්සිනාවයි හදා ගත්තු තාත්තවයි මරන්න එනව. සූගෙ බිරිඳ සහ පුතාවත් පැහැර ගන්නව. ඒ අස්සෙ තව ඉන්නව ‘ මා ‘ කියල නම තියන සූගෙ හොඳ යාලුවෙක්. මෙයා දරුණු විදේශීය සටන් කරුවන් පිරිසකට අභියෝග කරනව තමන් ඔවුන් සමඟ සටනෙන් දිනුවොත් විදේශීය සටන් කරුවන්ට රටින් පිටව යන ලෙසට. මෙයටත් අනිතිමට සූට සම්මාදන් වෙන්න සිදුවෙනව.   ඉතිං ඔයාලම බලන්නකො, සූට නපුරු සහෝදරයගෙන් බේරෙන්න පුළුවන් වේවිද? පුතාවයි බිරිඳවයි බේරගන්න පුළුවන් වේවිද ? විදේශීය සටන් කරුවන්ව පරද්දන්න පුළුවන් වේවිද ? කියල.   මේක කිසිම කම්මැලිකමක් නැතුව එක දිගට බලාගෙන යන්න පුළුවන්, ජීවිතයට හොඳ ආදර්ශ ටිකකුත් ගන්න පුළුවන්, පට්ටම පට්ට සටන් තියන ෆිල්ම් එකක් කියල මට නම් සහතික වෙන්න පුළුවන්. එහෙනන් මේක පුළුවන් අය බාගෙන බලන ගමන් අදහස් එහෙමත් දාගෙන යමුකො.

 සුබ දවසක්!

2011 මාර්තු 29 ධම්මික ප්‍රදීප් සොහොයුරා විසින් පල කළ ලිපිය.

කට්ටියටම ආයුබෝවන්………..!

මේක මගේ පලවෙනි ඉදිරිපත් කිරීම. එනිසා වැරදි ඇතොත් සමාවෙන්න කියලා ඉස්සෙල්ලාම කියනවා. මම ඔයාලට අරගෙන ආවේ නියමම kung fu film එකක්. 2010 පෙබරවාරි මාසයේදි තිරගත වීම ආරම්භ කල මේ චිත්‍රපටිය අපේ martial arts චිත්‍රපට ප්‍රියකරන යාලුවන්ටම පමණයි. ඔයගොල්ලන්ට නම් කොහොම වෙවිද කියල මම දන්නෑ. ඒත් මටනම් ඉතින් පට්ටම පට්ට චිත්‍රපටියක් තමයි. බයිස්කෝප් සිංහලෙන් එකේ කට්ටිය මෙ චිත්‍රපටිය දාවි කියලා මෙච්චර දවසක් බලාගෙන ඉඳලා බැරිම තැන තමයි අපේ යාළුවන්ට මේ ගැන කියන්න මම තීරණය කලේ. මේකෙ රඟපාන්නේ Man Cheuk Chiu, අපට එතරම් හුරු පුරුදු නළුවෙක්නම් නෙමෙයි.

චිත්‍රපටිය ගැන කියනවානම්, Su Can (Man Cheuk Chiu) කියන්නෙ හමුදාවෙ ඉන්න ජෙනරාල් කෙනෙක්. Su Can හමුදාවෙන් විශ්‍රාම යන්නේ ඔහුගේ සිහිනය වන Martial arts පාසලක් ආරම්භ කිරීම සහ ඔහුගේ පවුල් ජීවීතය ගැන සිතමින්. Su’ ගේ සාමකාමී ජීවිතය විනාස වෙන්නේ ඔවුන් අරන් හදාගන්න සහෝදරයා (Yuan Lie) පළිගන්න පැමිණීම නිසායි. Yuan Lie විසින් Su’ ගේ පුතාව පැහැරගෙන යන්නේ, Su ට මරණාසන්න තුවාල සිදුකරමින්. කෙසේ වෙතත් Su’ ගේ බිරිඳ ඔහුව මරණයෙන් ගලවා ගන්නවා.

ඉතින් Su’ ට හැකිවෙයිද නැවත යථාතත්වයට පත්වෙන්න? ඔහුගේ එකම පුතු බේරගන්න? එතනින් එහාට මම මොනවත් කියන්න යන්නේ නැහැ. මිනිත්තු 115 පුරාවට දිවෙන මේ චිත්‍රපටිය ඔයගොල්ලොම බලලා රසවිඳින්න. හැමෝටම ගොඩාක් ස්තුතියි.

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

1,532 downloadsDownload True-Legend-2010.zip31 KB

https://d36zzuvfojr38z.cloudfront.net/wp_content/uploads/2017/02/PrabuddhaKulathunga-e1486773746934.jpg මේ ලබා දී ඇති සිංහල උපසිරැසි පිළිබද “ප්‍රබුද්ධ කුලතුංග” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2017/02/11