Udta Punjab (2016) with Sinhala Subtitles | තිතක් නැති මත් බිඳුව… අපට අප අහිමි කළ [සිංහල උපසිරැසි සමග]

චරිත හතරක්…. එකම කතාවක්!

1 . ටොමී සිං.

මම පොප් ගායන තරුවක්.. තරුවක් කියන්නේ තරුවක්ම තමා. පංජාබයේ කොල්ලෝ කෙල්ලෝ ටික මාව අදහනවා. මගේ සංදර්ශනයක් තිබ්බොත් ඒකට ඇදෙන සෙනග ගැන කිසිම කතාවක් නෑ. මගේ සිංදු විතරක් නෙමේ, උන් මං ජීවත් වෙන විදිහම අනුකරණය කරනවත් එක්ක. ටොමී කිව්වොත් පන හරි දෙයි. එතරම්ම මට ආදරෙයි. මගේ සිංදු සාමාන්‍යයෙන් දුවන්නේ එකම තේමාවක්. හෙරොයින්, ගංජා, සිගරට් අනංමනං උඩ දාලා තමා මගේ සිංදු කෙරෙන්නේ. එහෙම ඒවට තමා ඉල්ලුම වැඩි. කචල් බචල් වැටෙන්නේ නැතුවා නෙමේ. එවෙලෙට ඉතින් ලොකු  ලොකු තැන් වලට අත යටින් සළකලා ශේප් වෙන්නත් මං දන්නවා. මොකෝ මං කුඩු බිස්නස් කරනවා කියලයි, සිංදුවක් කියනවා විතරනේ. හැබැයි දවසක්  මට එහෙම බේරෙන්න බැරිවුනා. මගේ උපන්දිනේ දවසෙම පොලිසිය ඇවිල්ලා මාව කුදලන් ගියා. වෙනදා චෝදනාවම තමා. හිටපු පොලිස්කාරයත් අමාරුකාරයා. මාව දැම්මේ අනිත් මිනිස්සු ඉන්න කූඩුවටමයි. වෙනදට නම් VIP. මං හිටපු කූඩුවේ තව පොඩි කොල්ලෝ දෙන්නෙකුත් හිටියා. මං දිහා කන්න වගේ බලාගෙන. “මචන්. අර ටොමී සිං නේද?” උන් දෙන්නට මාර හැපී. දෙයියෝ දැක්කා වගේ. උන් දෙන්නා  ඒ ගැම්මටම මගේ සිංදුවක් දොඩවන්න ගත්තා.

“පලවෙනි සැරේට මහත්තයාගේ සිංදුවක් අහද්දී, අපි හිටියේ අටේ පංතියේ මහත්තයා. එදා ඉඳන් අපි ඔයාට පණ ඇරලා. හැමතිස්සෙම ඕන වුනේ මහත්තයා වගේ වෙන්නයි….. දෙයියම්පා මහත්තයා, මං පළවෙනි කුඩු ටික ඇද්දේ මහත්තයගේ ෆොටෝ එක ඉස්සරහමයි. එදා ඉඳන් මමත් මහත්තයා වගේමයි කියලා දැනුනා. ඊට පස්සේ මට බඩු නැතුවම බැරිවුණා. ඒත් මට දිගටම ඒ ආතල් එක ගන්න වාසනාවක් නෑ. අම්මගෙන් සල්ලි ඉල්ලුවට කවදාවත් දෙන්නේ නෑ. හොරකම් කරගත්ත දවසක මිසක්. දවසක් ඉල්ලලා බැරිම තැන ආපු කේන්තියට මං ළග තිබ්බ කැත්තෙන් අම්මව කපලා කපලා දැම්මා. මං වෙන මොනා කරන්නද මහත්තයා..?”

මම ගලක් වගේ ඌ දිහා බලානම හිටියේ……… හුස්ම ගන්නත් අමතකයි…… මම මොනවද මේ කළේ…???

2 . නමක් නැති කෙල්ල.

මම ගමේම ඉන්න හොකී චැම්පියන්. දිස්ත්‍රික් තරඟ පවා සෙල්ලම් කරා. හිතන් හිටියේ ජාතික තරඟ සෙල්ලම් කරාම ජීවිතේ හොඳ තැනකට යන්න පුළුවන් වෙයි කියලා. ඒත් හදිසියේම තාත්තා මළා. හැමදේම ඉවර වෙද්දී මගේ අතේ තිබ්බේ හොකී පිත්ත වෙනුවට කැත්ත. මං ඊට පස්සේ කුඹුරු වැඩට ගියා. හැමදේම වෙනස් වුනේ දවසක් මට කුඹුරේ තිබිලා හම්බුනු පාර්සලයක් හින්දා. හෙරොයින්……. කවුරුත් පිස්සු වැටිලා ඉන්නේ. දෙන්න පුළුවන් හොඳ ගානකට. පාර්සලේ කිලෝ තුනක්ම තියෙනවා. එකෙක් කිව්වා දැන් යන රේට් එක 3000යිලු. ළඟ තිබ්බ කොලයක් අරන් කිලෝ තුනකට හම්බෙන ගාන හදලා බැලුවා. දෙයියම්පා ඉලක්කම් පහේ ගානක් ආවා, මට හුස්ම ගන්නත් අමතක උනා. මේක විකුණගත්තා නම් මගේ ජීවිතේ හොඳ කාලයකට යන්න තිබ්බා. බඩු ටික දෙන්න තැනක් සෙට් උනා. උදේ පාන්දරම මං ලෑස්ති වෙලා පිටත් උනේ මේ නරකාදියෙන් හැමදාටම ගොඩ එන්න හිතාගෙන. හැබැයි එදා දෙවියොත් දැනන් ඉන්න ඇති මං යන්නේ ඊටත් එහා    නරකාදියකට කියලා.

2016 වසරේ වැඩිම ආන්දෝලනයට ලක් වූ චිත්‍රපටිය.. තහනම් වීමේ අවදානමට පවා ලක් වූ චිත්‍රපටය.. 2016 තුල වැඩිම ආදායමක් ලද සිනමාපට අතර… imdb අගය 8ක් ලෙස සටහන් කරමින් ෂාහිඩ් කපුර්, ආලියා බාත්ගේ හුස්ම හිරකරවන රංගනය සමඟ එදාමෙදා තුර හොඳම ඉන්දියානු සිනමාපට අතර 112වන ස්ථානය දිනමින් Udta Punjab…

බලන්න අදහසක් හෝ නැත්නම්… මතක තබාගන්න… අමිල සිනමා අත්දැකීමක් මගහැරෙනු නිසැකයි (ප්‍රමෝට් කරා වැඩි වගේද)

 

 

 

Due to copyright issues, we do not provide any torrent links.

Udta Punjab (2016) – DvdRip – X264 – MSubs – 1CD [Team  Jaffa]  මෙම ලබා දී ඇති උපසිරසි ඉහත පිටපත සඳහා අදාළ වේ.

8,298 downloadsDownload Udta-Punjab-2016.Baiscopelk.com_.rar46 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.