Urumi: The Warriors Who Wanted to Kill Vasco Da Gama (2011) | උරුමය විකිණීමට නොවේ. [සිංහල උපසිරසි සමඟ]

ඔන්න මගේ පස්වෙනි උපසිරැසියත් ගෙනාවා මුලින්ම මට අවස්ථාව ලබා දුන්නු බයිස්කෝප් සිංහලෙන් කාර්‍යමණ්ඩලයට ස්තූතිය පුද කරසිටිනවා. මේ පාර මං තෝරගත්තෙ මලයාලම් සිනමා නිර්මාණයක්. imdb එකේ 6.9/10 අගයක් අරන් තියෙන මෙය අධ්‍යක්ෂණය කර ඇත්තේ Santosh Sivan විසින්. මෙයට ඉන්දීය සිනමාවේ ජනප්‍රිය තරු රාශියක් රංගනයෙන් දායක වෙනවා. ඒ අතර Prithviraj Sukumaran, Prabhu Deva, Genelia D’Souza, Nithya Menon, Vidya Balan සහ Arya යන අය සිටිනවා. එමෙන්ම මෙය ජාත්‍යන්තර සිනමා උළෙලවල් රැසකදී සම්මානයටද පාත්‍ර වෙලා තියෙනවා.

මෙහි කතා තේමාවනම් අපේ රටටත් අදාළයි අතීතයේ අධිරාජ්‍යාවාදය හරහා අපේ රටවල් කොල්ල කාපු බටහිර ජාතීන් අද බහුජාතික සමාගම් නමින් ඇවිත් අපේ රටවල් කොල්ල කනවා. අතීතයේදී එයට විරුද්ධව ජාතික වීරයින් නැගී සිටියා. එහෙත් අද බොහෝ දෙනා ඒ බව අමතක කර, බටහිර ජාතීන් ට ආවඩන පිරිසක් එදා වගේම අදත් ඉන්නවා. මෙහි සඳහන් වෙන්නේ ඒ පිළිබඳවයි.

උරුමි කියන්නෙ අංගම්පොර සටන් කලාවෙදි පාවිච්චිකරන එතුණු කඩුවට කියන මලයාලම් නම. මේ සිනමා නිර්මාණයේ කතාව දිවයන්නේ අතීතයේ ඉන්දියාවට පැමිණි පළමු යුරෝපීය ජාතිකයා ලෙස පිළිගැනෙන වස්කෝ ද ගාමා ඇතුළු පෘතුගීසි ජාතිකයින් සමග සටන් කල කේලු නම් ඉන්දීය ජාතික වීරයෙක් පිළිබඳවයි. ඔහු මේ උරුමි නම් කඩුව භාවිතයෙන් තමයි සටන් කරන්නෙ. ඒ නිසා ටිකක් වෙනස් සටන් කීපයක්ද ඔබට මෙය නැරඹුවොත් බලාගන්න පුළුවන්. ඒ අතර වර්තමාන කතාවකුත් ගලාන යනවා. පාරම්පරික ඉඩමක් විකුණන්න යන ක්‍රිශ්නදාස් කියලා තරුණයෙක් වටා. ටිකක් වෙනස් අත් දැකීමක් විඳින්න කැමති හැමෝටම ගැලපෙන බලන්න පුළුවන් ආදරය සහ වීරත්වය පිරුණු චිත්‍රපටයක් ලෙස මෙය නම් කරන්න පුළුවන්.

මේ ලිපිය අවසාන කරන්න කලින් තව දෙයක් කියන්න ඕන. පසු ගිය දවස් වල බයිස්කෝප් අඩවියේ බොහෝ දෙනා කිව්ව වගේම බයිස්කෝප් අඩවියෙන් බාගත්තු උපසිරැසි වල ඒව නිර්මාණය කරපු අයගේ නම සහ බයිස්කෝප් අඩවියේ නම ඉවත් කරලා ඩීවීඩී පට වලට දාලා විකුණනවා. කවුරු මේ වැඩේ කළත් ඒක හරිම වැරදියි. උපසිරැසි ඩීවීඩී පට වලට ඇතුල් කරද්දි අඩුම ගානෙ ඒක නිර්මාණය කරපු කෙනාට ස්තූති කිරීමක් නැත්නම් අඩුම ගානෙ නමවත් ඉවත් නොකර ඉන්නවනම් ඒක ලොකු දෙයක්. මොකද කෙනෙක් කරපු නිර්මාණයක් අවසරයක් හෝ නම සඳහන් නොකර නැතුව භාවිතා කරලා මුදල් හොයනවා කියන්නෙ හරිම පහත් වැඩක්. ඇත්තෙන්ම ඒක හොරකමක්…

ළඟදිම තවත් උපසිරැසියක් අරන් එන බලාපොරොත්තුවෙන් අදට සමුගන්නවා ඔබ සැමට ජය …..!

 

 

828 MB කොපිය මෙතනින් බාගන්න

92EFDA69DBF9AFAD64ADDE0D8B790EFD63D23210 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,161 downloadsDownload Urumi.2012.baiscopelk.zip50 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ සඳුන් තාරක ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.