Viral (2016) with Sinhala Subtitles | පණු සොම්බි වෛරසය [සිංහල උපසිරසි සමඟ]

සුභ දවසක් හැමදෙනාටම. ඉතිං‍, කොහොමද කට්ටිය. මොකෝ වෙන්නේ ආහ්? හොදයි එහෙනම්. ගෙවී ගිය අධික කාර්යබහුල දින කිහිපය තුල මගේ දෙවන උපසිරැසිය විදියට මං ඔයාලට අරන් එන්නේ මේ චිත්‍රපටය. මුලින්ම මට මේ ෆිලුම බාරදුන්න සමන් ප්‍රසාද් සහෝදරයට මගේ හදපිරි ප්‍රණාමය.

මේ චිත්‍රපටය අයිති වෙන්නේ Drama, Horror, Sci-Fi, Thriller යන කාණ්ඩයන් වලට. මේ චිත්‍රපටය නිකුත් වෙලා තියෙන්නේ 2016 ජූලි 29වන දිනයි. Henry Joost, Ariel Schulman යන අධ්‍යක්ෂකවරුන් මේක අධ්‍යක්ෂණය කරලා තියෙන අතර Sofia Black, Analeigh Tipton, Travis Tope හා Michael Kelly ඇතුළු ශිල්පීන් රංගනයෙන් දායකවන වනවා. IMDb අගය 5.5 ක් ලබාගෙන ඇති මේ චිත්‍රපටය, සොම්බි කතා බලන යාළුවන්ට ආසාවෙන් බලන්න පුළුවන් ෆිලුමක්. කතාවේ තව පුංචි පහේ ආදර කතාවකුත් නම් තියෙනවා ඉතින්.

කතාව ගැනත් චුට්ටක් කියන්නම්කො නේ.. එමා කියන්නේ හොඳ ලැජ්ජාශීලී ගෑනු ළමයෙක්. එයාට තව තක්කඩි සහෝදරියක් ඉන්නවා ස්ටේසී කියලා. එයාලගේ තාත්තා ජීව විද්‍යාව පිළිබද මහාචාර්යවරයෙක්. ඉතිං එයාලා සාමාන්‍ය විදියට ජීවත්වන කාලයේ ලෝකේ හැමතැනින්ම වගේ පණුවෙක් විදිහේ පරපෝෂිතයෙක් නිසා හැදෙන සොම්බි වෛරසයක් පැතිරෙනවා. මේ වෛරසය බෝවෙන්නේ රුධිරය සම්ප්‍රේෂණය වීමකින් විතරයි බොහෝදුරට. ඉතිං‍ මේක කැලිෆෝර්නියා වලටත් එනවා. එමාගේ හොදම යාලුවෙකුත් මුලින්ම වගේ ඒකට ගොදුරු වෙනවා. ඒකට ගොදුරු වුණ කට්ටිය සම්පුර්ණයෙන්ම වෙනස් වෙනවා. ඒ කෙනෙක්ට අහු වුනොත් ඉතින් ඉවරම තමයි.

හොඳයි. ඊට වඩා මං මුකුත් කියන්න යන් නෑ, ඔයාලම අරගෙන බලන්න. ඒ වෛරසේ මොන වගේද, ඇමරිකාව රජයක් විදියට මොනවගේ තීරණ ගනියිද, එමාගෙ පවුලට මොනවා වෙයිද, අනිත් අයට බේරෙන්න පුළුවන් වෙයිද කියලා ෆිලුම බලනකොට දැනගන්න පුළුවන්. එහෙනම් තවත් උපසිරැසියකින් හමුවෙනකම් මම සමුගන්නවා. වැරදි අඩුපාඩු තියේනම් කමෙන්ටුවක් දාගෙන යන්න. ස්තූතියි. සැමට ජය..!

 

 

 

Due to copyright issues, we do not provide any torrent links.

 

Viral.2016.WEB-DL.x264-FGT

මෙම ලබා දී ඇති උපසිරැසි ඉහත පිටපත සඳහා අදාළ වේ.

3,107 downloadsDownload Viral.2016.Baiscopelk.com_.rar32 KB

 

https://d36zzuvfojr38z.cloudfront.net/wp_content/uploads/2016/09/ChamithMihiranga-e1474327085153.jpg මේ ලබා දී ඇති සිංහල උපසිරැසි පිළිබද “චමිත් මිහිරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.