Vodka Diaries (2018) with Sinhala Subtitles | ඔබගේ යක්ෂයන්ව අඳුරේම ගාල් කර තබන්න!! [සිංහල උපසිරැසි සමග]

වොඩ්කා ඩයරීස් හෝටලයට සාදරයෙන් පිලිගන්නවා.

ඇතුලට එන්න කලින් දෙයක් තියෙනවා කියන්න. ඒක කිව්වට පස්සේ තීරණය කරන්න ඇතුලට එනවද නැත්තම් ආපහු යනවද කියලා. ඇතුලට එන එක්කෙනෙක්ට පැය දෙකක් මේ හෝටලේ නතර වෙන්න වෙනවා. ඒ පැය දෙක ඇතුලත තමන්ගේ මොලේට, මානසික මට්ටමට මොන මොන වගේ බලපෑමක් එයිද කියන්න මං දන්නේ නෑ. කරකවලා කරකවලා අත ඇරලා, ආයෙම කරකවනවා වගේ හැගීම් දැනීම් ඇති වෙන්න තියෙන ඉඩකඩ බොහොම වැඩියි. ඉතින් තමන්ගේ මොලේට ආදරයක් තියෙන කෙනෙක්, මොලේ චංචල වෙනවට ආස නැති කෙනෙක් ඉන්නවා නම් මං නම් කියන්නේ අන්න තියෙනවා පිටවීමේ දොර, ඔයාට යන්න පුළුවන්. අර කලින් කියපු සකලංකමාලේ විඳින්න ආසයි ආසයි නම් මෙන්න ඉඩ දුන්නා, එන්න ඇතුලට! හැබැයි මතක තියාගන්න සිද්ධ වෙන කිසිම දේකට මට වගකියාගෙන එන්න කියලා නම් කියන්නෙපා. මං ආයෙත් කියන්නේ Come @ ur own Risk!

හිමෙන් වැසුණු හේමන්තයේ ඉන්දියාවේ මනාලි නගරේ තරමක් අන්ධකාර ප්‍රදේශයක තියෙන නිසංසල හෝටලයක්.. වොඩ්කා ඩයරීස්.. නිස්කලංකව තමන්ගේ නිවාඩුව ගත කරන්න හිතන කාටත් විකල්ප නැතුවම ගන්න පුළුවන් තීරණයක්. අපේ කතා නායකයා සහකාර පොලිස් කොමසාරිස් අශ්විනී ඩික්සිත් මහත්තයත් තමන්ගේ රූමත් කවිකාර බිරින්දෑ එක්ක මේ මනාලි නගරෙට ආවේ නිවිහැනහිල්ලේ දින කිහිපයක් ගෙවන්න වෙන්නැති. මැදි වයසේ හිටියට දෙන්නා තමන්ගේ ජීවිතේ ගෙව්වේ හරිම ආදරෙන්. තමන්ගේ රාජකාරි වැඩ හින්දා සිද්ධ වෙන අතපසුවීම් හේතුවෙන් නෝනා පොඩ්ඩ ගොඩක් වෙලාවට අශ්විනී මහත්තයා එක්ක හොස්ස එල්ලගත්තත් ඒවා නිකම් සෝඩා බෝතලේ වගේ. නෝනගේ හිත පොඩ්ඩක් සතුටු වෙන්නත් එක්කලා තමා මේ චාරිකාව අශ්විනී මහත්තයා එන්න තීරණය කලෙත්… තානායම් කාමරේ ඇඳ මත ඔහු බිරිඳ සමඟ පෙම්බස් දොඩමින් ඉන්න ගමන්…

ට්‍රීන්.. ට්‍රීන්… ට්‍රීන්.. ට්‍රීන්…

කාමරේ තිබ්බ දුරකථනය නාද වෙන්න ගත්තා. ඔහු හනික ගිහින් රිසීවරය ඔසවලා කනේ තියාගත්තා.

ඔන්න පුතේ කතන්දරේ පටන් ගන්නේ එතන ඉඳන්. 2018 අවුරුද්දේ බොලිවුඩ්පුරයෙන් තියපු පලවෙනි වෙඩිමුරය තමා දැන් මේ ඔයාලා බලන්න යන්නේ. හැබැයි කරුමේ කියන්නේ මේ වෙඩිමුරය ගොඩ දෙනෙක්ට ඇහිච්ච එකක් නම් නෙමේ. හැබැයි මේකේ වෙඩි බෙහෙත් ගඳ නම් හරිම සැරයි. නාහේ කඩාගෙන යන තරම්. වරුවකට වරු දෙකකට විතර ඒ ගඳ නාහෙන් යන්නේ නෑ. ඔය කෝටි 100, 200 පන්නන, ඔයැයිලත් හින්දිනේ කියලා පෙරුම් පුරලා පුරලා බලන, ඊට පස්සේ පණ යනකම් බනින සලමන්ගේ පිචර් වලට මේ සැර දෙන්න නම් තව ආත්මෙකට බැරිවෙයි. මේක බලපු ඈයෝ නම් මේකට පණ ඇරලා. හැබැයි විචාරක මහත්තුරු නම් වැඩි ප්‍රසාදයක් මේකට පෙන්නලා නෑ. ඒ ඇයි? ඔව් හේතු තියෙනවා. අඩුපාඩු නැතිව නෙමෙයි, තිර රචනයේ, සමහර රඟදැක්වීම් වල අඩුපාඩු තියෙනවා. ඒ වගේම විශේෂම දේ තමයි මේක සුප්‍රසිද්ධ හොලිවුඩ් චිත්‍රපටියක් අත්තිවාරම ලෙස අරන් හදපු චිත්‍රපටියක් වීම. දැන් කියන්නෙපා මූ ඒක බලලා නැතිවද මේ හුන්ඩුව මෙච්චරටම උඩ දාන්නේ කියලා. නෑ බලල තියෙනවා. හැබැයි අවසානෙට ලඟා වෙනකම් හිතාගන්න බැරිවුණා මේ අරකේ කොපියක්ය කියලා. ඒකම ඇති නේද මේ චිත්‍රපටිය පොඩ්ඩක් වර්ණනා කරන්න. මම උඩ “කොපිය” කියන වචනේ කිව්වා. ඒත් ඒ වචනේ මේකට හරියටම ගැලපෙන්නේ නෑ. ඒ තරමට මේකේ ස්වාධීනත්වයක් දකින්න තියෙනවා අර හොලිවුඩ් චිත්‍රපටියෙන්. ඒ හොලිවුඩ් එකේ නම අහන්න එපා. මේක බලලම වටහගනිල්ලා.

ජනවාරී මාසේ එළිදැක්ක මේ චිත්‍රපටිය අධ්‍යක්ෂණය කරලා තියෙන්නේ නවක අධ්‍යක්ෂකවරයෙක්. තමන්ගේ කුලුදුල්ම අධ්‍යක්ෂණය. IMDb අගය 6යි. රංගනය අතිදක්ෂ කේ කේ මෙනන්, මන්දිරා බේඩි සහ රීමා සෙන්. එහෙනම් ඔයැයිලට ඉඩ දෙමින් මං සමුගන්නවා. මතක තියාගන්න තමන්ගේ යක්ෂයන් අඳුරේම ගාල් කරලා තියන්න ඕනයි කියලා.

 

 

 

 

 

Due to copyright issues, we do not provide any torrent links.

 මෙම ලබා දී ඇති උපසිරසි DVDRip පිටපත සඳහා අදාළ වේ.

5,453 downloadsDownload Vodka-Diaries-2018.zip44 KB

 

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

           

Subtitle Contributor Rank

SILVER MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.