Wakefield (2016) with Sinhala Subtitles | හුදකලාවූ පෙම්වතාණනී! [සිංහල උපසිරැසි සමඟ]

මං හොවඩ් වේක්ෆීල්ඩ්. බැඳලා කාරිය ලමයි දෙන්නෙක් එහෙම ඉන්න මිනිහෙක්. ලඟදීත් නෝනා එක්ක පොඩි වලියක් දාගෙන තමයි ඉන්නේ. මූලිකම හේතුව මගේ ඉරිසියාව. ඔව්.. නෝනා කාත් එක්කහරි කතාකරනවා දැක්කත් මට ඉරිසියයි. හැබැයි නොකිව්වට නෝනා කෙනෙක් කැමතියි මහත්තයා එහෙම ඉරිසියා කරනවනම්. හැබැයි මේ වතාවේ වැඩේ ඒ විදියට සිද්ධවුනේ නෑ. ඉතින් ඔන්න දවසක් වෙනදා වගේම මං වැඩ ඇරිලා ගෙදර එද්දී මෙන්න ගේ ලඟ රැකූන් තඩියෙක්. එලවපු පාර මේකා ගේ ඉස්සරහ තියෙන අට්ටාලෙට රිංගපි. මූව එලවලා දාන්න මාත් ඉතින් අට්ටාලෙට ගොඩවුනා. ගියාමයි දැක්කේ අට්ටාලෙ ජනෙල් වලින් ගෙදර වටපිටාව නියමටම පේනවනේ කියලා. පරක්කු නිසා නෝනා මට කෝල් කලා. මං කට් කරලා දැම්මා. මෙන්න මේකි මගේ රෑ කෑම එක එවෙලෙම කුණු බක්කියට දැම්මා. අඩුගානෙ ෆ්‍රිජ් එකෙන් දාපිය. පුදුම ගෑණියෙක්නේ. තරහටත් එක්ක ඉදගත්තා අට්ටාලෙ පුටුවේ. හුටා…එතනම නින්ද ගිහින් මේං උදෙත් වෙලා. දැන් ඉතින් රෑ අහවල් එකක් කලා කියලද කියන්නේ? දැන් ගියොත් ඉදලා හමාරයි. නෝනා වැඩට ගියාට පස්සේ යනවා කියලා හිතන් කුණු බක්කියෙන් මගේ කෑම එකත් අරන් ආයෙ අට්ටාලෙට වැදුනා. හැබැයි එහෙම හිතුවට එක එක හේතු නිසා මට ගෙදර යන්න වුනේ නෑ. හිත දුන්නෙත් නෑ. මට ඕනවුනා මොනාද වෙන්නේ කියලා බලාගන්න. ඒ නිසා අට්ටාලෙට වෙලා මං මගේ ගෙදර දිහා බලන් ඉන්න පුරුදුවුනා.මං දැන් අතුරුදහන් වුන මිනිහෙක්. වෙච්ච දෙයක් නැති හොවඩ් වේක්ෆීල්ඩ්.

නාට්‍යමය කාණ්ඩයට අයිතිවෙන, මැයි මස 19 වෙනිදා නිකුත්වූ මේ චිත්‍රපටියට 6.4ක imdb අගයක් ලැබිලා තියෙනවා. ප්‍රධාන චරිතය වන හොවඩ් වේක්ෆීල්ඩ් විදියට විශිෂ්ට රංගන ශිල්පියෙකු වන Bryan Cranston රංගනයෙන් දායක වන අතර, ඔහුගේ බිරිඳ ඩයානා විදියට Jennifer Garner රංගනයෙන් දායක වෙනවා. සුපුරුදු පරිදි Bryanගෙන් සුපිරි රංගනයක් දැකගන්න පුළුවන් වගේම කතාවත් මටනම් ගොඩක් සිත්ගත්ත එකක්. “අපිනම් ඔව්වා බලන්නේ නෑ ඇක්සොන් විතරයි ඕනෙ” කියන අයට මඟ ඇරෙන තවත් හොද නිර්මාණයක් කියලා සහතික කරන්න කැමතියි. 🙂 එහෙනම් තවත් උපසිරැසියකින් හමුවෙමු! හැමෝටම ජයවේවා!!

 

 

 

 

Due to copyright issues, we do not provide any torrent links.

Wakefield.2016.LIMITED.BDRip.x264-SNOW

මෙම ලබා දී ඇති උපසිරැසි ඉහත පිටපත සඳහා අදාළ වේ.

2,674 downloadsDownload Wakefield-2016.zip37 KB

මේ ලබා දී ඇති සිංහල උපසිරැසි පිළිබද “ඉසුරු දිල්ශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2015-06-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.