Walter (2020) Sinhala Subtitles | නොකියු අපරාධයක්..! [සිංහල උපසිරසි සමඟ]

බයිස්කෝප් සිංහලෙන් රසික රසිකාවියන් සියලුදෙනාට ආයුබෝවන් කියමින් අද ඔබගේ රසවින්ඳනය සඳහා අද පැමිණියේ මේ වසරේම තිරගතවුන දමිළ චිත්‍රපටයක් සමඟින්.! සිංහල උපසිරැසිකරණයේ මහ ගෙදර බයිස්කෝප් සිංහලෙන් විසින් ඔබගේ සහ ඔබගේ පවුලේ විනෝදාස්වාදය සඳහා ලබාදී ඇති විවිධ වර්ගයේ සිනමාපටයන් රූපවාහීණි කතාමාලා කතා නරඹමින් නිවෙස් වලම සිට මේ දිනවල පවතින කොව්ඩි – 19 නොහොත් මාරාන්තික කොරෝනා වෛරසය මැඩපැවැත්වීමට රජය සහ සෞඛ්‍ය අංශ මෙන්ම ආරක්ෂක අංශ විසින් ලබාදී ඇති උපදෙස් නිසි ලෙස පිළිපදින ලෙස බයිස්කෝප් සිංහලෙන් කණ්ඩායම වෙනුවෙන් ඉල්ලා සිටිනවා.

” ඉන්දියාවේ සෑම පැය විසිහතරකට වරක්ම කුඩා දරුවන් සිව් දෙනකු අතුරුදහන් වේ.!”
” සෑම පැය දාසයකට වරක්ම තමිල්නාඩුවේ පමණක් දරුවකු අතුරුදහන්වේ.!”

චිත්‍රපටය ගැන තොරතුරු කිහිපයක් කීවොත් 2020 මාර්තු මස 13 දින ලොව පුරා තිරගත කල මේ චිත්‍රපටය Action,Crime,Thriller ඝණයට අයත් වෙනවා. චිත්‍රපටයේ කතාව තිර රචනය සහ අධ්‍යක්ෂණය U. Anbarasan විසින් සිදුකර තිබෙනවා. Shruthi Thilak විසින් නිෂ්පාදනය සිදුකර ඇති අතර ප්‍රධාන චරිතයන් Sibiraj සහ Samuthirakani සමඟින් Natarajan Subramaniam විසින් හොබවනු ලබනවා.

චිත්‍රපටයේ කතාව දෙසට අවදානය යොමුකර බලන්නට ප්‍රථමයෙන් චිත්‍රපටය තුල තිබෙනා විශේෂිත වූ දෙයක් ගැන මුලින් සඳහන් කර සිටින්නම් ඔබ මීට පෙර අසා තිබෙනවද බොම්බේ ලේ කියන වචනය එහෙමත් නැත්තන් Bombay Blood කියන වචනේ සමහර අය විද්‍යා ක්ෂේත්‍රයෙන් hh රුධිරය කාණ්ඩය විදියට අහලත් ඇති සමහරු චිත්‍රපට බලන අතර අහල දැකලා ඇති.! කොහොමින් හරි 1952 වසරේදි Bombay Blood නමින් හැඳින්වෙන ඉතා දුර්ලභ ඝණයේ රුධිර කාණ්ඩය අප අසල්වැසි ඉන්දියාවේ මුම්බායි නොහොත් බොම්බායේදි වෛද්‍ය Y. M. Bhende විසින් සොයාගෙන ඇත. මුලින්ම බොම්බේ නඟරයේදි සොයාගත් නිසා එය Bombay Blood ( බොම්බේ බ්ලඩ් ) ලෙසින් නම්කර තිබෙනවා.මෙය කෙතරම් දුර්ලභයිද කිවහොත් මිනිස් ජනගහනයෙන් 0.0004% ක ප්‍රමාණයක් එනම් මිලයනයකට 04 ක් ලෙසින් ඉතාමත් දුර්ලභ ඝණයේ රුධිර කාණ්ඩයක් වේ.මෙම රුධිර කාණ්ඩය තිබෙන තැනැත්තකු හට හදිසියේ රුධිරය ලබා දීමක් සිදුකිරීමට අවශ්‍යය උවහොත් වෙනත් වර්ගයක රුධිර කාණ්ඩයක් ලබාදීම කල නොහැකි වන අතර මේ වර්ගයේම රුධිරය ලබාදීම අත්‍ය අවශ්‍යය වේ.

තමන්ට පැවරෙන රාජකාරිය අකුරට ඉටු කරන වෝල්ටර් නම්වු අවංක පොලිස් නිලධාරියකු වටා කතාව ගෙතී තිබෙනවා. කුම්භකෝණම් ප්‍රදේශයේ මහඇමති විසින් මැරයකු වෙඩි තබා ඝාතනය කරන ලෙස පොලිසියට නියෝග කර සිටිනවා. ඒ නියොගයට අනුව වෝල්ටර් විසින් එම මැරයා ඝාතනය කිරිමෙන් පසු වෝල්ටර්ගේ ජිවිතය නොසිතුවිරු ලෙස කණපිට පෙරලෙනවා.ඔහු රාජකාරි කරනා නඟරයේ එක දිගට කුඩා දරුවන් අතුරුදහන් වීමට පටන් ගන්නා අතරතුරදි වෝල්ටර් ගේ ජිවිතය පවා නැතිවී යාමට තරමේ වතාවරණයක් උදාවෙනවා. තව දුරටත් කතාව කීමෙන් ඔබගේ රසවින්ඳනයට සිදුවන බාධාව නවතාලීමට කතාව ගැන විස්තර කිරීම මෙතැනින් නවත්වන අතර අද සමාජයට ඉතාමත් ගැලපෙන විදියේ ආදර්ශ සහ පණිවිඩ වගේම දැනුමට එක් කර ගත යුතු කරුණු රැසකින් සමන්විත මේ චිත්‍රපටය නරඹා ඔබද එම ආදර්ශ පණිවිඩ සහ දැනුමට එකතු කරගැනීමට අවශ්‍ය දෑ ලබාගන්නා ලෙසත් ඉල්ලා සිටිමින් මේ චිත්‍රපටය සඳහා සිංහල උපසිරැසි ගැන්වීමට අවස්තාව ලබාදුන් බයිස්කෝප් සිංහලෙන් වෙබ් අඩවියේ සංස්කාරකවරයෙකු වන තිසර සහෝටද මෙම උපසිරැසිය ඉක්මණින් ඔබවෙත ගෙන ඒමට මුලින්ම උපකාර කල මා රාජකාරි කරනා ස්ථානයේම රාජකාරි කරනු ලබන ජානක කැලුම් බණ්ඩාර සොයුරාට විශේෂ ස්තුතියි පුදකරමින් අදට සමුගන්නවා.

ඔබ සැමට කඳ සුරිදු පිහිටයි..!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper HD පිටපත් සඳහා අදාළ වේ.

16,058 downloadsDownload Walter-2020.zip54 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2015/10/16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.