With Love (2026) Sinhala Subtitle | පාසල් ප්‍රේමය නැවත සොයා යමු [සිංහල උපසිරැසි සමඟ]

With Love (2026) with Sinhala Subtitle

කොහොමද යාළුවනේ? මගේ පළවෙනි උපසිරැසියට ලැබුණු ප්‍රතිචාරත් එක්ක, ඔන්න මගේ දෙවැනි සිංහල උපසිරැසි නිර්මාණය විදිහට 2026 වසරේ තිරගත වුණු “With Love” දෙමළ චිත්‍රපටය ඔයාලට අරන් එන්න හිතුවා. මේක ඇත්තටම යොවුන් පරම්පරාවේ ආදරය සහ හාස්‍යය (Teen Romantic Comedy) පිරුණු හරිම ලස්සන නිර්මාණයක්.

චිත්‍රපටය ගැන බිඳක්:

මෙම සිනමාපටය මදන් (Madhan) ගේ මංගල අධ්‍යක්ෂණය සහ තිර රචනයක්. ඒ වගේම අභිෂාන් ජීවින්ත් (Abishan Jeevinth) ප්‍රධාන නළුවෙකු ලෙස රංගනයට පිවිසෙන්නේ මේ චිත්‍රපටය හරහායි. ඔහු සමගින් ජනප්‍රිය නිළි අනස්වරා රාජන් (Anaswara Rajan) මෙහි ප්‍රධාන නිළිය ලෙස රංගනයෙන් දායක වෙනවා.

Zion Films සහ MRP Entertainment වෙනුවෙන් සෞන්දර්යා රජිනිකාන්ත් ඇතුළු කණ්ඩායම නිෂ්පාදනය කළ මෙම චිත්‍රපටය, 2026 පෙබරවාරි 6 වැනිදා තිරගත වුණු දා සිටම ප්‍රේක්ෂක සහ විචාරක පැසසුම් නොඅඩුව දිනාගන්න සමත් වුණා. ෂෝන් රෝල්ඩන් (Sean Roldan) ගේ සුමියුරු සංගීතය මේ ආදර කතාවට තවත් ජීවයක් එක් කරලා තියෙනවා.

කතාවේ සාරාංශය:

චිත්‍රපටයේ ප්‍රධාන චරිතය වන සත්‍යසීලන් කියන්නේ විවාහ යෝජනා මගහරිමින් ඉන්න තරුණ නිර්මාණකරුවෙක්. ඒත් තමන්ගේ අක්කාගෙන් එන බලපෑම නිසාම, ඇය ලෑස්ති කරපු මනාලියක් බැලීමේ ගමනකට ඔහුට අකමැත්තෙන් වුණත් යන්න සිද්ධ වෙනවා. එතැනදී ඔහුට මුණගැසෙන්නේ සමාජ මාධ්‍ය ජාලවල ජනප්‍රිය තරුණියක් වන මෝනීෂාවයි. මුලදී දෙන්නා අතර කතාව ටිකක් අමුතු විදිහට ගලාගෙන ගියත්, ටික වෙලාවකදී මෝනිෂාට තේරෙනවා සත්‍යා කියන්නේ තමන් ඉගෙන ගත්ත පාසලේම තමන්ට වඩා ඉහළ පන්තියක හිටපු ජ්‍යෙෂ්ඨ ශිෂ්‍යයෙක් කියලා.

එතැන් පටන් දෙන්නා තමන්ගේ අතීතය ගැන කතා කරන්න පටන් ගන්නවා. සත්‍යා තමන්ගේ පාසල් කාලයේදී අනීෂාට තිබුණු ඒකපාර්ශ්වික ආදරය ගැනත්, ඒ ආදරය අන්තිමේදී තමන්ගේම හොඳම යාළුවා නිසා බිඳුණු හැටිත් පවසනවා. ඒ වගේම මෝනිෂාත් ඇගේ පාසල් කාලයේ බාලාජි නම් දක්ෂ ශිෂ්‍යයාට හිත ඇදිලා ගිය හැටිත්, පස්සේ ඇතිවුණු පොඩි වැරදීමක් නිසා ඔවුන් දෙන්නා දුරස් වුණු හැටිත් පවසනවා.

මේ අතීත කතා හුවමාරු කරගත්තට පස්සේ මෝනිෂා අපූරු යෝජනාවක් කරනවා. ඒ තමයි ඔවුන් දෙන්නා විවාහ වෙන්න කලින්, තමන්ගේ අතීත පෙම්වතුන් මුණගැහිලා ඒ බිඳුණු හිත් සහ ප්‍රශ්න වලට විසඳුමක් ලබාගත යුතුයි කියලා. ඒ අනුව ඔවුන් දෙන්නා එකතු වෙලා තමන්ගේ අතීත පෙම්වතුන්ව සොයාගෙන යන ගමනක් ආරම්භ කරනවා. මේ ගමන අතරතුරදී ඔවුන්ට තමන්ගේ පරණ ගුරුවරුන් මුණගැසෙනවා, පරණ වැරදි වලට සමාව ගන්නවා, වගේම සත්‍ය සහ මෝනිෂා අතරත් අලුත් ආදරයක් ලියලන්න පටන් ගන්නවා.

අතීතයේ ආදරය සොයාගෙන ගිය මේ ගමනේදී ඔවුන්ට ඇත්තටම තමන්ගේ අතීත පෙම්වතුන් මුණගැසේවිද? සත්‍යා සහ මෝනිෂාගේ මේ අමුතු ගමන කෙළවර වෙන්නේ කොහොමද? ඔවුන්ට එකට ජීවත් වෙන්න වාසනාව ලැබේවිද? ආදරය, හාස්‍යය සහ සංවේදී 

පිරුණු මේ ලස්සන චිත්‍රපටය අවසානය තෙක්ම ඔබව කුතුහලයෙන් තබාගන්නා බව නම් සහතිකයි!

ඉතින්, යොවුන් වියේ සුන්දර ආදර කතාවක් නරඹන්න කැමති ඔයාලා හැමෝම අනිවාර්යයෙන්ම නැරඹිය යුතු නිර්මාණයක් විදිහට මේක හඳුන්වන්න පුළුවන්. මගේ මේ දෙවැනි උපසිරැසි නිර්මාණය ගැන ඔයාලගේ අදහස් සහ අඩුපාඩු පහළින් කමෙන්ට් කරගෙන යන්න.

හැමෝටම ආදරණීය සිනමා අත්දැකීමක් වේවා!

With Love (2026) with Sinhala Subtitle

 

 

 

Due to copyright issues, we no longer provide any download links.

ලබා දී ඇති උපසිරැසි HQ HDRIP පිටපත් සඳහා පමණක් අදාළ වේ.

2,649 downloadsDownload With-Love-2026.zip69 KB

 

මේ ලබා දී ඇති සිංහල උපසිරැසි පිළිබද “ප්‍රියමාල් ජයතිලක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-03-23

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

With Love (2026) with Sinhala Subtitle