Youth (2026) Sinhala Subtitle | තාරුන්‍යයේ කතාව [සිංහල උපසිරැසි සමඟ]

Youth (2026) with Sinhala Subtitle

කොහොමද යාළුවනේ? මගේ 3 වැනි උපසිරැසි නිර්මාණය විදිහට අද අරන් එන්නේ 2026 මාර්තු 19 වැනිදා තිරගත වීම ආරම්භ වුනු “Youth” දමිල චිත්‍රපටයයි. ප්‍රවීණ නළු කරුණාස්ගේ පුත් කෙන් කරුණාස් (Ken Karunas) විසින්ම ලියා අධ්‍යක්ෂණය කරමින් ප්‍රධාන චරිතයෙන් රංගනයෙන් දායක වන මේ චිත්‍රපටය, තාරුණ්‍යය, ආදරය සහ දෙමාපිය සෙනෙහස ගැන හරිම ලස්සන පණිවිඩයක් දෙන “coming-of-age” හා “romantic comedy ” වර්ගයේ සිනමාපටයක්.

චිත්‍රපටයේ පසුබිම:
මෙහි කෙන් කරුණාස් සමගින් මලයාලම් සිනමාවේ සුපිරි නළු සුරාජ් වෙන්ජාරමූඩු (Suraj Venjaramoodu) සහ දේවදර්ශිනී ප්‍රධාන චරිත නිරූපණය කරනවා. මීට අමතරව අනිෂ්මා අනිල්කුමාර්, මීනාක්ෂි දිනේෂ් සහ ප්‍රියන්ෂි යාදව් ද මෙහි රංගනයෙන් දායක වෙනවා. ෂෝන් රෝල්ඩන්ගේ සංගීතය සහ චිත්‍රපටයේ ඇති සමාජ පණිවිඩය නිසා මෙය ප්‍රේක්ෂකයින් මෙන්ම විචාරකයින් අතරත් ලොකු ජනප්‍රියත්වයක් ලබාගෙන තිබෙනවා.

කතාවේ සාරාංශය:
ප්‍රවීන් කියන්නේ වයස අවුරුදු 15ක, ඉස්කෝලේ නම ගිය, හිතුවක්කාර විදිහට ජීවත් වෙන කොල්ලෙක්. තමන්ගේ දෙමව්පියන්ගේ අවවාද කිසිම ගණනකට නොගන්න මොහු, පාසලේ ජනප්‍රිය චරිතයක් වෙන්න තමයි නිතරම උත්සාහ කරන්නේ. පාසල් කාලයේ ඇතිවන ප්‍රේම සබඳතා, මිතුරන් අතර ඇතිවන කෝන්තර සහ එකිනෙකා රවටා ගන්නා හැටි මේ කතාවෙන් හරිම තාත්විකව පෙන්නුම් කරනවා.

ප්‍රවීන් මුලින්ම ප්‍රේෂිකා එක්ක ආදරයෙන් බැඳුණත්, පස්සේ ඇතිවන සිදුවීම් නිසා ඔවුන් දෙන්නා වෙන් වෙනවා. ඉන්පසු කනකවල්ලි නම් ශිෂ්‍ය නායිකාව සමග ඇතිවන ගැටුම ආදරයකට පෙරලෙනවා. මේ හැමදේම අතරේ ප්‍රවීන්ගේ හිතුවක්කාරකම් නිසා ඔහුගේ මව හදිසි හෘදයාබාධයකට ලක් වෙනවා. මේ සිදුවීම ප්‍රවීන්ගේ මුළු ජීවිතයම වෙනස් කරන්න සමත් වෙනවා.

කනකවල්ලි පනවන කොන්දේසියකට අනුව මහන්සි වී ඉගෙනගෙන විභාගයෙන් විශිෂ්ට ලෙස සමත් වෙන ප්‍රවීන්, අවසානයේදී ආදරය ගැන අපූරු තීරණයක් ගන්නවා. ඕනෑම කොන්දේසියක් මත ඇතිවන ආදරයකට වඩා ලෝකයේ තියෙන පිරිසිදුම සහ කොන්දේසි විරහිත ආදරය තමන්ගේ දෙමව්පියන්ගේ ආදරය බව ඔහු වටහා ගන්නා හැටි මේ චිත්‍රපටයෙන් හරිම සංවේදීව ඉදිරිපත් කරලා තියෙනවා.

ඉතින්, මගේ මේ 3 වැනි උපසිරැසි ගැන්වීමත් බලලා ඔයාලගේ අදහස් සහ ගුණදොස් පහළින් කමෙන්ට් කරන්න. ඉදිරියටත් මේ වගේ ලස්සන නිර්මාණ අරන් එන්න ඔයාලගේ සහයෝගය බලාපොරොත්තු වෙනවා!

හැමෝටම සුපිරි සිනමා අත්දැකීමක් වේවා!

 

Youth (2026) with Sinhala Subtitle

 

 

 

Due to copyright issues, we no longer provide any download links.

ලබා දී ඇති උපසිරැසි HQ HDRIP පිටපත් සඳහා පමණක් අදාළ වේ.

3,773 downloadsDownload Youth-2026.zip67 KB

 

මේ ලබා දී ඇති සිංහල උපසිරැසි පිළිබද “ප්‍රියමාල් ජයතිලක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-03-23

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Youth with Sinhala Subtitle