Scooby-Doo! Haunted Holidays (2012) & Scooby-Doo! Mecha Mutt Menace (2013) Sinhala Subtitles | ස්කුබි-ඩූ කෙටි චිත්‍රපට ද්විත්වය. [සිංහල උපසිරැසි සමඟ]

Scooby-Doo! Haunted Holidays (2012) | බිහිසුණු නත්තලක්

ඔන්න මම ටික දොහකට පස්සෙ ආයිත් ආවා තවත් ස්කූබි-ඩූ කෙටි චිත්‍රපටයක සිංහල උපසිරැසිත් අරගෙන. Scooby-Doo! And 13 Spooky Tales ලෙසින් නිකුත්වූ DVD පට දෙකකින් යුත් DVD පිටපතේ කතාවක් තමයි අද මේ විදිහට අරගෙන ආවෙ. මෙවැනි ඇනිමේෂන් චිත්‍රපට චරිත භාවිත කරලා නත්තල් සමයේදී විශේෂ කතාංග එළිදක්වනවා අපි බොහො දුරට දැකලා තියෙනවා. ඉතින් ඒ විදිහට නත්තල් දිනය නිමිත්තෙන් Warner Premiere ආයතනය නිකුත් කරන ලද විශේෂ ස්කූබි-ඩූ කතාංගය තමයි Scooby-Doo! Haunted Holidays කියන්නෙ. Scooby-Doo! And 13 Spooky Tales සම්පූර්ණ DVD පටය සමඟ මුලින්ම නිකුත් වෙන්නෙ 2012 ඔක්තෝබර් මස 16 දී. මේක ප්‍රථම වතාවට රූපවාහිනීයේ විකාෂය කලේ එම වසරේම දෙසැම්බර් මස 4 වන දින අපි හැමෝම දන්න Cartoon Network නාලිකාව ඔස්සේයි. දැන් ඉතින් එලැඹෙන නත්තලට මහ කාලයක් නෑනෙ. ඒ නිසා මම හිතුවා මේකට උපසිරැසි ලබා දුන්නා නම් හොඳයි කියලා. මේක ගේන්න කීප දොහක් ගතවුණේ මේකට ඉංග්‍රීසි සබ් එකක් තිබුණෙ නැති හේතුව නිසා. මේකේ උපසිරසි නිර්මාණය Time Adjustment ඉඳලාම මා විසින්ම තමා කලේ. ඒ නිසා එක පිටපතකට අදාල වෙන්න විතරයි උපසිරැසි ලබා දෙන්න සිදු වුණේ. ඒ නිසා Baiscopedownloads වෙබ් අඩවිය ඔස්සේ ලබාදෙන පිටපත පමණක් ලබාගන්න කියලා කාරුණික ඉල්ලීමක් කරනවා. හරි දැන් කතාවට බහිමු.

“නත්තල”. නත්තල කියන්නේ ලෝකය පුරාම තියෙන රටවල් බොහෝමයක් මහත් උත්සවශ්‍රීයෙන් සමරණ ඉතාම ජනප්‍රිය උත්සවයක්නේ. ඉතින් මේ උත්සවය තියෙන දෙසැම්බර් මාසය පුරාම මේ දිනය නිමිත්තෙන් විවිධ දේ පැවැත්වෙනවා. ඉතින් මේ කතාවෙ තියෙන්නෙත් ඒහෙම අයිටම් එකක් තමයි. Menkle Toy Store කියන්නෙ එහේ තියෙන විශාලම සෙල්ලම්බඩු අලෙවිහලක්. මේ අලෙවිසැල කරගෙන යන්නෙ හාව්‍රස් මෙන්කල් කියන පුද්ගලයා සහ එයාගෙ බෑනා වන ෆේබියන් මෙන්කල් විසින්. එයාලා නත්තලට පෙර දිනයේ සංවිධානය කරනවා රැලියක්, එයාලගෙ අලෙවිසලේ නත්තල් සමය නිසා තියෙන විශේෂ වරප්‍රසාද, වට්ටම් වැනි දෑ පිලිබඳව දැනුවත් කිරීම අරමුණු කරගෙන. ඉතින් මේ දේවල් විස්තර කරන්නත් රැලියේ කට්ටිය ඉන්න එපැයි. ඒ නිසා රැලිය අතරතුර මේ විශේෂ වරප්‍රසාද ගැන පැහැදිලි කරන්න ෆේබියන් තෝරගන්නෙ ඩැෆ්නි සහ වෙල්මාව. ඉතින් කෙල්ලො දෙන්නා රැලියේ යනවා. ෆ්‍රෙඩ් සහ ෆේබියන් සෙල්ලම් බඩු අලෙවිසැල ඉදිරිපිටත්, ස්කූබි සහ ෂැගී දෙන්නා පාර එහා පැත්තෙ සෙල්ලම් බඩු අලෙවිසැල ඉදිරිපිට තියෙන පැරණි මන්දිරේ ඉස්සරහ ඉන්නවා. ඉතින් ඔය වෙලාවෙ තමා ඒ මන්දිරේ ඉදිරිපිට හිමෙන් වැසුනු ගෙමිදුලේ ඉන්න හිම මිනිහාට පණ ලැබෙන්නේ. හිම මිනිහාගෙ කලබලය නිසා රැළිය එතැනින්ම අහවරක් වෙනවා. හිම මිනිසාගෙ පැමිණීමත් සමගම ආරම්භ වෙන්නෙ මහා හිම කුණාටුවක්. හිම කුණාටුව අස්සෙම ෆේබියන්, ෆ්‍රෙඩ්, ඩැෆ්නි, වෙල්මා, ෂැගී, ස්කූබි සහ රැලියේ නත්තල් සීයා ලෙස පෙනීසිටි නළුවා යන කට්ටිය සෙල්ලම් බඩු සාප්පුව ඇතුලට ගිහින් අඟුලු ලාගන්න සමත්වෙනවා. හිම කුණාටුව අතර හිම මිනිසා නොපෙනි ගියාට පසුව ෆේබියන් පැහැදිලි කරනවා මේ හිම මිනිසාගෙ පුරාවaතය. කාලගුණයේ හදිසි වෙනස්වීම, හිම මිනිසාගෙ පහරදීම, ෆේබියන්ගේ මාමාගෙ අමුතු හැසිරීම. ඉතින් ස්කූබි සැට් එකට කට්ටියට මේ ප්‍රශනවලට පිලිතුරු සොයාගන්න ලැබෙයිද? නැත්නම් ඒ ඇත්තම හොල්මන්ද??

මේක හරිම සිත්ගන්නාසුළු කතාවක් විදිහට තමයි මම නම් දකින්නෙ. මේකට IMDb දර්ශකයේ 7.2⭐ අගයකුත් Google පරිශීලකයන්ගෙන් 94% ක ප්‍රේක්ෂක ප්‍රසාදයකුත් ලබාගෙන තියෙනවා. මේක අධ්‍යක්ෂණය කරලා තියෙන්නෙ Victor Cook කියන අධ්‍යක්ෂකවරයා. මේක මිනිත්තු 22ක ධාවන කාලයකින් යුක්තයි. හඬකැවීම් වල නම් වෙනසක් වෙලා නැහැ. සුපුරුදු උදවියමයි.

හරි එහෙනම්. තවත් මේ වගේ අපූරූ කතාවකින් හමුවෙමු. අදට ගිහින් එන්නම්. කතාව බලලා අදහස් ,උදහස්, ගැටලු එහෙම තියෙනවා නම් පහල තියෙන කමෙන්ට් බොක්ස් එකට දාන්න කියල අවසාන වශයෙන් දැනුවත් කරලා මම ලිපිය මෙතනින් නවත්තනවා. ඔයාලට සුභ දවසක්!

ජය වේවා!

Scooby-Doo! Mecha Mutt Menace (2013) | අභ්‍යවකාශ ව්‍යාපෘතියේ අබිරහස

සුභ දවසක් ප්‍රාර්ථනා කරනවා මුලින්ම සියලුම දෙනාට. ඔන්න එහෙනම් අලුත් දවසක, අලුත් ස්කූබි-ඩූ කතාවක් අරගෙන තමයි අද ඔබ හමුවට ආවෙ. අලුත් කිව්වට අලුත්ම නෑ ඉතින්. 2013 එකක්. ඇත්තෙම්ම කිව්වොත් මේක විශේෂ කතාංගයක්. (Special Episode) එකක්. සමහරවිට ඔයාලා මේක HBO, CN , Boomerang වගේ නාලිකාවක නරඹලා ඇති. මේක වාර්ෂිකව නිකුත් වන ස්කූබි-ඩූ විශේෂ කතාංග වලින් එකක් තමයි මේ. මේකේ නම Scooby-Doo! And Mecha Mutt Menace.

මේ කතාව ගොඩනැගෙන්නෙ මෙන්න මේ ආකාරයට. ස්කූබි කණ්ඩායමේ හැන්ඩියා ඉතින් ෆ්‍රෙඩ් ජෝන්ස් නේ. මෙයා ඉදිරිපත්වෙනවා නව නිර්මාණ ඉදිරිපත් කරන තරඟාවලියකට. ෆ්‍රෙඩ් ගේ ඇඟපුරාම දුවන්නෙ උගුල් ඇටවීමේ කලාවේ දැනුමනේ (Trapping Knowledge). ඉතින් මෙයා මේ තරඟයට ඉදිරිපත් කරන්නෙත් උගුලක්ම තමයි. විද්‍යාත්මක විදිහට නවීන තාක්ෂණය භාවිත කරලා හදපු උගුලක්. මේ තරඟාවලිය පවත්වන්නෙ ඇමෙරිකාවේ සුප්‍රසිද්ධ නාසා ආයතන පරිශ්‍රයේ. ඉතින් ෆ්‍රෙඩ් එයාගෙ නිර්මාණය ඉදිරිපත් කරන්න කලින් නැවත වතාවක් පරීක්ෂණ වටයක් (Test Ride) එහෙම නැත්නම් අත්හදා බැලීම් වටයක් පවත්වනවා. ඉතින් හැමදාමත් වගේ මේකෙදිත් අතහදා බැලීමේ වටය සඳහා යොදාගන්නෙ අපේ අසරණ ෂැගීයී,ස්කූබියි දෙන්නා. ඉතින් මේ වෙලාවෙ වුනු යම් අහඹු සිදුවීමක් නිසා මෙයාලට අලුත් යාලුවෙක් හමුවෙනවා. ඒ යාලුවා නාසා එකේ වැඩ කරන කීර්තිමත් විද්‍යාඥයෙකුගෙ දුවෙක්. එයා ෆ්‍රෙඩ් ඇතුලු කණ්ඩායමට ආරධනා කරනවා එයාගෙ පියාගෙ නවතම ඉදිරිපත් කිරීම එලිදක්වන උත්සවයට සහභාගී වෙන්න කියලා. ඉතින් ඒ උත්සවයට ගිහාම තමා හැමොටම විශාලා ගැටලුවකට මුහුණ දෙන්න සිදුවෙන්නෙ.

මේ කතාවට IMDb දර්ශකයේ 6.5ක් වගේ අගයක් හිමිවෙලා තියෙනවා. මේක නරඹපු Google පරිශීලකයන්ගෙන් (Google Users) 96%ක්ම මේ කතාවට කැමැත්ත ප්‍රකාෂකරලා තියෙනවා. මේක Rick Copp කල තිර රචනයට අනුව Michael Goguen විසින් කල අධ්‍යක්ෂණයක්.සුපුරුදු ලෙසම Frank Welker, Matthew Lillard, Grey Griffin, Mindy Cohn යන අය මේකට හඬ මුසුකරමින් දායක් වෙලා තියෙනවා. ඒ වගේම මේකත් Warner Bross Animations ආයතනයෙ තවත් එක් ඉදිරිපත් කිරීමක්.ඉතින් තවත් දවසක ඔබ හමුවට එන බලාපොරොත්තුවෙන් මම ලිපිය මෙතනින් අවසන් කරනවා.

Scooby-Doo! And Spooky Scarecrow (2013) බලාපොරොත්තු වන්න.

Due to copyright issues, we do not provide any torrent links.

ලබා දී ඇති උපසිරසි HDTV/DVDRip පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “විහඟ පියුමාල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

NEW MEMBER
JOINING DATE – 2018-03-24
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]