Spartacus: Blood and Sand [S01 : E11] Sinhala Subtitles | පැරණි තුවාල [සිංහල උපසිරැසි සමඟ]

එහෙනම් අද ලබා දෙන්න යන්නේ පළමු කතා මාලාවේ එකොළොස්වන කොටස. තව කොටස් දෙකකින් මේ කතා මාලාව අවසාන වෙනවා. Blood and Sand කතා මාලාව අවසන් වෙලා තමයි God of the Arena කතා මාලාව ආරම්භ උනේ. එහි කොටස් 6 ක් සමන්විත වුන Mini Series එකක්. ඒ කොටස් හය අවසානයේ තමා Vengeance කතා මාලාව ආරම්භ උනේ. ඒකට හේතුවත් කියන්නම්, ඒකට හේතු වුනේ Spartacus චරිතය රඟපෑ Andy Whitfield ගේ අකල් වියෝ වීම සහ ඊට ප්‍රථම ඔහු රෝගීව සිටීම. එහි අඩුපාඩුව මඟ හරවා ගන්න අවශ්‍යය නිසා තමයි මේ Mini Series එක නිර්මාණය උනේ ආදර්ශක නළුවෙක් ලැබෙන තුරු. මම මේ දේවල් ගැන කිව්වේ අද ඉඳන් මම මේ කතාව බලන්න එකතු උන හැමෝගෙන්ම අහන්න යන්නේ තව කොටස් දෙකකින් පසුව ඔයාල බලන්න කැමති මීළඟ කතා මාලාව God of the Arena කතා මාලාවද එහෙම නැතිනම් Vengeance කතා මාලාවද කියලා. God of the Arena මඟින් කියන්නේ Spartacus කියන පුද්ගලයා පැමිණීමට ප්‍රථම “බැටියාටස්ගේ” පුහුණු පාසලේ සිදු වූ සිද්ධීන් පිළිබඳව. Vengeance කතා මාලාව කියන්නේ අපි මේ බලපු කතා මාලාවේ අවසානයේ සිටි තවත් ඉදිරියට කතාව වෙන්නේ කොහොමද කියන එක. අද ඉඳන් 13 වෙනි කොටස දක්වා ඔයාලගේ ලැබෙන කොමෙන්ට් අනූව මීළඟ කතාමාලවට මම උපසිරැසි හදන්න ගන්නවා. මොකද ඔයාලගේ කැමැත්ත ඇතුව තීරණයක් ගත්තොත් හොඳයි කියලා මට හිතුනා. එහෙනම් කැමැත්ත මොකද්ද කියලා කියන්න අමතක කරන්න එපා. 😀

කලින් කතාව ගැන පොඩි විස්තරයක් කරන්නම්,
“ස්පාටකස්” කියන්නේ ඇත්තටම් දෛවයේ සරදමට ලක් වුන මිනිහෙක්. එයාට ලං වෙන හැම කෙනෙක්ටම සිද්ධ උනේ මරණය වැළඳගන්න. ඔහුගේ බිරිඳ “සුරා” සහ මිතුරා “වාරෝ” දෙදෙනාම ඔහුට අහිමි උනා. “බැටියාටස්ගේ” බල තණ්හාව නිසා “වාරෝට” සිහින් මැවූ ලෝකයෙන් සමු ගන්න සිදු වුනා. ඒ තමන්ගේ හොඳම මිතුරාගේ කඩු පහරින්. මේ දෙයත් “ඉලිතියා” කියන කපටි ගැහැනියගේ තවත් උත්සාහයක්. අවසානයට දැක්කේ “වාරෝගේ” වියෝව නිසා කම්පනයට සහ දුකට පත් වූ “ස්පාටකස්” ගේ දර්ශන කිහිපයක්.

එහෙනම් එකොළොස්වන කතාව ගැන කෙටි විස්තරයක් දෙන්නම්. කතාවේ නමට සමාන දේවල් සිද්ධ වෙනවා අද. ඒ කියන්නේ පරණ දේවල් නැවත ඉස්මතු වෙන්න ගන්නවා. මේ කොටස අවසානයේ “ස්පාටකස්” නව අරමුණක් සොයා ගන්නවා සටන් කරන්න. ඒ වගේම “බැටියාටස්ට” සිද්ධ වුන අවනම්බුවට පළිගැනීමේ වැඩසටහනක් ඔහු විසින් ක්‍රියාත්මක කරනවා නඩුකාරවරයට එරෙහිව. මීට අමතරව “ක්‍රික්සස්” නැවතත් තම දක්ෂතා අතරට පැමිණෙනවා. බලමු මොකද්ද මේ “ස්පාටකස්” සොයා ගත් නව අරමුණ මොකද්ද කියලා.

අමතක නොකර කියලා යන්න ඊළඟට ඕන කතා මාලාව මොකද්ද කියන එකත්. මම පොඩි චන්ද විමසුමක් කරන්න යන්නේ වැඩිම මනාපයට මගේ මනාපය ලබා දෙන්න.

මේ කතාව මෙන්න මේ පිළිවෙලට තමයි විකාශනය උනේ,

1. Spartacus: Blood and Sand (13 Episodes) – 2010

2. Spartacus: God of the Arena (6 Episodes) – 2011

3. Spartacus: Vengeance(10 Episodes) – 2012

4. Spartacus: War of Damned (10 Episodes) – 2013

Spartacus ඉන්න කතා මාලා තමයි අංක 1,3, සහ 4. ඒවගෙන් අංක 1 තමා මම දැන් කරගෙන යන්නේ. අංක අංක 4 තවම විකාශනය වෙනවා. මම ඇහුවේ ඔයාලට ඊළඟට ඕනේ අංක 2 කතා මාලාවද එහෙම නැතිනම් අංක 3 කතා මාලාවද කියලා.අංක දෙකෙන් කියන්නේ Spartacus කියන කෙනා එන්න කලින් සිද්ධ වුනු දේවල්.අංක 3 සහ 4 තමා මම දුන්න කතාවත් එක්ක වඩාත් සම්බන්ධයක් තියෙන්නේ. අංක දෙක හදන්න හේතුව මම උඩ ලිපියේ දාලා තියෙනවා.

Due to copyright issues, we do not provide any torrent links.

මෙම ලබා දී ඇති උපසිරැසි සියලුම Blu-Ray පිටපත් සඳහා අදාළ වේ.

[author] [author_image timthumb=’on’]https://www.baiscope.lk/wp-content/uploads/2012/12/හසන්ත-වික්‍රමරත්න.jpg[/author_image] [author_info]මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank
BRONZE MEMBER
JOINING DATE – 2012-12-29