The Blue Planet II (2018) [ E07] Sinhala Subtitles | විශ්වයේ සොඳුරු නවාතැන…[සිංහල උපසිරසි සමඟ]

ඔන්න ඉතින් කොහොමින් කොහොමහරි වැඩේ අවසානය කරා ආවා. කියන්න බැරි තරම් සතුටුයි මොකද පටන් ගත්ත වැඩේ සුපිරියටම නැතත් සාර්ථකව ඉවර කරගන්න ලැබුණා. පළවෙනි කතා සමයට වඩා විශාල වෙහෙසක් දරන්න වුණා මොකද මෙදා පාරනම් ටිකක් වැඩිපුර විස්තරයක් දෙනවා කියලා හිතුව නිසා දිවා රෑ නොබලා වැඩ කරන්න වුණා. ඉතින් “Sir David Attenborough” මහත්මයා ඇතුළු “Blue Planet II” කණ්ඩායමේ වසර පහකට ආසන්න කාලයක් තිස්සේ කරන ලද දැවැන්ත කැපකිරීම් මත තමයි මේ කතා මාලාව ගොඩනැගිලා තියෙන්නේ. ඉතින් එයාලට අපේ අවංක ස්තූතිය හිමි වෙනවා මොකද එයාලා මේ වැඩේ කරේ නැත්තම් අපිට ජීවිතේට මේවා අහන්න දකින්න ලැබෙන්නේ නැතිවෙන නිසා. සාගරය ගැන, ගැඹුරු සාගරය ගැන, කොරල් පරයන් ගැන, වෙරළ තීරය ගැන වගේම අපේ සමස්ථ ලෝකය ගැනම මේ කතා මාලාවෙන් අපි ඉතා සුවිශේෂී ස්ථානයන් කරා රැගන යනවා. මම කතා මාලාවේ මුල සඳහන් කළා වගේ අපේ ලෝකයේ මෙවැනි සංවේදී ස්ථාන ගැන මිනිසුන් තුළ නැවත කතිකාවක් ආරම්භ කරන්න තමයි මේ කතා මාලාවේ අරමුණ වෙලා තියෙන්නේ. ඉතින් අපි මේවගේ වටිනා දේවල් අනාගත පරපුර වෙනුවෙන් ඉතුරු කරලා දෙන්න ඕනි. ඒක අපි හැමෝගෙම වගකීමක් වෙනවා. ඉතින් අවසාන කොටස ගැන නම් මම විස්තරයක් කියන්නේ නෑ.

හරි. එහෙනම් වෙනදා වගේම බයිස්කෝප් කණ්ඩායමේ සියළුම සාමාජිකයින්ව දැඩි සහෝදරත්වයෙන් යුතුව මතක් කරනවා මේ වෙලාවේ. ඒවගේම මේවගේ වාර්තාමය වැඩසටහන් නරඹන ඔයාලා හැමෝටමත් ගොඩාක් ස්තූතිවන්ත වෙනවා ගොඩක් අය කමෙන්ට් කරලා තිබ්බා. මේවගේ වැඩසටහන් හැමෝටම බලන්න කියන්න කියලා කියනවා. ඇත්තටම අපි ෆිල්ම් එකක් ටීවී සීරියස් එකක් බලන්න ආස වුණාට මේවගේ වාර්තාමය වැඩසටහනක් බලනවා කියන්නේ තනිකරම විශාල දැනුම ප්‍රමාණයක් ලැබෙනවා. ඒක සහතිකයි. ඉතින් ඉදිරියේදී වෙලාවක් ලැබුණොත් තවත් මේවගේම වාර්තාමය වැඩසටහන් වලට සිංහල උපසිරසි ගේන්න බලාපොරොත්තු වෙනවා. එහෙනම් අද අවසාන කතාංගයත් නරඹන්නට ආරාධනා කරනවා. ගිහින් එන්නම් ජයෙන් ජයම වේවා…!

ප.ලි- හයවෙනි කතාංගයේ එක තැනක (El Niño/La Niña) එල් නිනෝ සහ ලා නිනා කියලා කතාබහක් ඇති වුණා. මේකෙන් කියන්නේ ගෝලීය වශයෙන් බලපෑම් ඇති කළ හැකි කාළගුණික තත්ත්වයන් දෙකක් පිළිබඳවයි. ඉතින් මේ ගැන ඉතා සරලව තේරුම්ගන්න පුලුවන් විදියට ලියපු ලිපියක් හම්බවුණා. ඒ ගැන බලන්න ඕනි අය මෙතනින් ගිහින් බලන්න. ජය වේවා…!