The Boat (2018) Sinhala Subtitles | බෝට්ටුවට සාදරයෙන් පිලිගන්නවා [සිංහල උපසිරැසි සමඟ]

හැමෝටම සුභ දවසක්. අද ගෙනාවේ වෙනස්ම විදියේ කතාවක්. වෙනස්ම අත්දැකීමක් වෙයි මේ ෆිල්ම් එක. ජීවිතයේ අපිට මුහුණ දෙන්න වෙන විවිධ සිදුවීම් තියෙනවා.ඒවා අතර තමන් තනිවෙන අවස්ථා තියෙනවා. තමන්ට තනිකම දැනෙන්නේ කොහොමද , ඒ වගේම මානව වාසයෙන් සම්පූර්ණයෙන්ම තොර වුනු තැනක තනිවීම මොනවගේ අත්දැකීමක්ද,

Mystery / thriller කාණ්ඩයන්ට අයත් මේ ෆිල්ම් එක one actor movie එකක්. ඒ කියන්නේ මේ ෆිල්ම් එක පුරාම ඉන්නේ එකම එක නලුවයි. ඔහුගේ රංගනය නම් අතිවිශිෂ්ටයි. ඇත්තටම චිත්‍රපටය පුරාම නලුනිලියන්ගේ අඩුව නම් ඔහු දැනෙන්න දෙන්නෙම නෑ. ඒ තරම් විශිෂ්ඨ රඟපෑමක්. ඔයා 127 Hours (2010) බලලා තියෙන කෙනෙක්ද, එහෙනම් මේ ෆිල්ම් එකත් අනිවාර්යයෙන්ම බලන්න.

IMDB දර්ශකයේ 5.4/10 , 59% google likes සහ Letter boxd අගය 3/5 ක් මේ නිර්මාණය සඳහා ලැබිලා තියෙනවා. Winston Azzopardi කියන අධ්‍යක්ෂකවරයගේ තමයි අධ්‍යක්ෂනය. ඒවගේම මෙහි ප්‍රධාන නලුවා වන Joe Azzopardi සහ අධ්‍යක්ෂකවරයා යන දෙදෙනාම මෙහි රචනා ශිල්පීන් වෙනවා.

මෙහි අධ්‍යක්ෂකවරයා “Winston Azzopardi” එක්සත් රාජධානියේ ජාතික චිත්‍රපට සම්මාන උළෙලේ හොඳම අධ්‍යක්ෂවරයා සඳහා නම් කරලා තියෙනවා. තවත් සම්මාන කිහිපයකටම නිර්දේශ වෙලා තියෙනවා. සම්මාන උළෙල කිහිපයකම ප්‍රදර්ශනයෙන් අනතුරුව මේ චිත්‍රපටය Release කරල තියෙන්නේ 2019 February 22 වනදා. ඒවගේම $ 5,000,000 වගේ අතිවිශාල වියදමක් මේ චිත්‍රපටය සඳහා දරලා තියෙනවා. චිත්‍රපටයේ රෑගත කිරීම් කරලා තියෙන්නේ Uk සහ Malta වල. මෙම නිර්මාණය මිනිත්තු 89 ක් පුරා දිවයනවා.

කතාව ගැන කියනවානම්,

පුද්ගලයෙකු බෝට්ටුවකින් මුහුදේ සංචාරයක යෙදිලා ඉන්නවා. ඔහු ගමන් ගන්නේ බිහිසුණු මුහුදු ගමන් මාර්ගයකින්. ඔහුට ඒ වෙලාවේ තමන් ඉන්න තැන ගැන ඒ හැටි දැනීමක් නෑ. නමුත් මොකක්හරි දෙයක් ⁣ඒ වෙලාවේ සිද්ධවෙලා තියෙනවා. ඔහු ඉන්නේ රාක්ෂයාගේ ගොදුරක් වෙමින්ද, එහෙම වෙලාවක පාලු මුහුදේ අත්හැරල දාපු තවත් බෝට්ටුවක් හමුවුණොත් මොකද කරන්නේ, ඔහු ඒකට ගොඩවෙයිද, ඔහු මුහුද මැද්දේ තනිවෙලාද? මීදුමෙන් වැසුණු භයානක මුහුද මැද බෝට්ටුවක හිරකාරයෙක් වුණොත් ඒක කොහොම අත්දැකීමක්ද?

ඒ ගැන දැනගන්න නම් මේ චිත්‍රපටය නරඹන්න කියලා ඉල්ලමින් සමුගන්නවා. තවත් උපසිරසියකින් හමුවෙමු. ජයවේවා !🤘

Due to copyright issues, we do not provide any torrent links.

ලබා දී ඇති උපසිරසිය BR පිටපත් සඳහා  අදාළ වේ.

[author]

මේ ලබා දී ඇති සිංහල උපසිරැසි පිළිබද “ චාමික විමුක්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank
BRONZE MEMBER
JOINING DATE – 2019-09-21
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]