The Connection (2014) with Sinhala Subtitles| ප්‍රංශ සම්බන්ධය…… [සිංහල උපසිරසි සමඟ]

ඔන්න එහෙනම් මං මගේ දෙවනි නිර්මාණයත් අරගෙන ආවා. පහු ගිය දවස් ටිකේ එච්චර වැඩ තිබුනේ නැති නිසා මේ සබ් එක ඉක්මනට ඉවර කර ගන්න පුලුවන් උනා. ඉක්මනට ඉවර කර ගන්න පුලුවන් උනාට මේ සබ් එක කරන එක නම් ටිකක් විතර අමාරු උනා. මොකද මේක ප්‍රංශ චිත්‍රපටියක් නේ. අපේ සමීර චතුරංග සහෝදරය තමයි මට මේ චිත්‍රපටිය භාර දුන්නේ. චිත්‍රපටියේ දෙබස් තියෙන්නේ ප්‍රංශ භාෂාවෙන්. ඒ දෙබස් වලට අදාල ඉංග්‍රිසි පරිවර්ථන කෙටියි. ඉතින් ඒවා සිංහලට පරිවර්ථනය කරනකොට පොඩ්ඩක් විතර අමාරු උනා. මොකද ඒකෙන් අදහස් වෙන්නෙ මොකක්ද කියන එක, එක පාරටම හිතා ගන්න බෑ. ඒ වගේම මේක ප්‍රංශ චිත්‍රපටියක් නිසා සමහර වචන ප්‍රංශෙට විතරක් ආවේනික ඒවා තිබුනා. ඉතින් ඒ වගෙ තැන් වලට ඒ ප්‍රංශ වචනෙට ආසන්න වශයෙන් සමාන සිංහල වචන භාවිතා කරලා ඇති.

චිත්‍රපටියේ කතාව දෙසට හැරෙන්න කලින් මම කැමති පොඩ්ඩක් මේ චිත්‍රපටිය ගැන කියන්න. මේ චිත්‍රපටිය 1970 ගනන් වල ප්‍රංශයේ සිදු වූ සත්‍ය සිදුවීම පදනම් කරගෙන නිර්මාණය කරන ලද්දක්. 1970 ගනන් වල ප්‍රංශය තමයි මුලු යුරෝපයටමත් , ඉන් පස්සේ ඇමරිකාවටත් හෙරොයින් සැපයුම් කල ප්‍රධානම රට. එකල ප්‍රංශයේ, ඇමරිකාවේ කොච්චර හෙරොයින් තිබුනද කියනව නම් ඕනම පොඩි ළමයෙක්ට උනත් ඉතාමත් සුලු මුදලක් දීලා හෙරොයින් මිලදී ගන්න පුලුවන් කම තිබුනා. මේ නිසා එකල සමාජය කොච්චර පිරිහුනාද කියනව නම් සොරකම් , මිනිමැරුම්, මංකොල්ලකෑම්, ළමා අපචාර, දූෂණ ආදිය අසාමාන්‍ය ලෙස ඉහල මට්ටමක තිබුනේ. මෙම හෙරොයින් සැපයුමට එකල  දීලා තිබුන නම තමයි ලා ෆ්‍රෙන්ච්. ඒකේ සිංහල අදහස ආසන්න වශයෙන් ප්‍රංශ සම්බන්ධය කියන එක. මේ චිත්‍රපටියේ IMDB අගය 7.1යි. චිත්‍රපටිය Action,Crime,Thriller ඝනයට අයිති වෙන්නේ. චිත්‍රපටියට රංගනයෙන් දායක වෙන්නෙ Jean Dujardin, Gilles Lellouche, Céline Sallette වගේ ප්‍රංශ රංගන ශිල්පීන්.චිත්‍රපටිය අධ්‍යෂනය කරලා තියෙන්නෙ Cédric Jimenez විසින්. මම කලින් කිවුව වගේ මේ චිත්‍රපටියට පදනම් වෙන්නේ 70 දශකයේ ප්‍රංශයේ මාර්සේයි නගරය මූලික කරගෙන ක්‍රියාත්මක වූ හෙරොයින් ව්‍යාපාරයට එරෙහිව සටන් වැදුන නීතිගරුක අවංක නිලධාරියෙක්ගේසත්‍ය කතාව. එම නිලධාරියා පියරේ මයිකල් කියලා මහෙස්ත්‍රාත් කෙනෙක්. මේ චිත්‍රපටිය පුරා ගලා යන්නේ , ප්‍රංශ පොලිසියෙ හා ඉහල දේශපාලන අධිකාරියේ නොමද ආශිර්වාදය හා සහය ඇතුව ක්‍රියාත්මක වූ මෙම හෙරොයින් ව්‍යාපාරය නැවැත්වීමට ඔහු ගන්නා උත්සහය ගැන. ඒ අතරතුර ඔහුට විදින්නට සිදු වූ හිරිහැර හා ඔහුගේ පවුල් ජීවිතයේ සිදු වූ වෙනස්වීම් ගැන මේ චිත්‍රපටියේ කතා කරලා තියෙනවා. ඉතාමත්ම යථාර්තවාදී චිත්‍රපටියක්. ඒ වගේම චිත්‍රපටිය තුලට 70 දශකයටම ආවේනික සටන් ජවනිකා සාර්ථක ලෙස ඇතුලත් කරලා තියෙනවා. ඉතාමත් රසවත් චිත්‍රපටියක්.

මගේ පළමු උපසිරැසි නිර්මාණය අගයලා අදහස් පලකරපු සියලු දෙනාට ස්තූති වෙන්න ඕන. එහෙනම් තවත් උපසිරැසියකින් ඉක්මනටම හමුවෙමු.

[button link=”https://goo.gl/lDMB6m” type=”icon” “center” newwindow=”yes”] 953 MB (BDRip) කොපිය මෙතනින් බාගන්න[/button]

[author] [author_image timthumb=’on’]http://www.baiscopelk.com/wp-content/uploads/2015/10/12092685_10153422116114843_102871689_n.jpg[/author_image] [author_info]මේ ලබා දී ඇති සිංහල උපසිරැසි පිළිබද “කල්හාර වික්‍රමසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]