12 Monkeys [S03 : E07] with Sinhala Subtitles | සාක්ෂිකරුගේ අවසානයද මේ? [සිංහල උපසිරැසි සමඟ] 50*

ඔන්න එහෙනම් අද මගේ පළමුවෙනි කඩ ඉම පහුකරන්නයි යන්නෙ. සාමාන්‍යයෙන් කඩ ඉමකදී ගොඩක් අය කරන දෙයක් තමයි ඉතිං අලුතෙන් පැමිණෙන චිත්‍රපටයක් භාරගෙන එයින් කඩ ඉම සලකුණු කරන එක. ඉතිං මගේ රැකියාවේ කාර්යයබහුලත්වය නිසා අළුතෙන් වැඩක් භාරගෙන කරගෙන යාමට කාල වේලාව සොයාගැනීමට අපහසු නිසාත්, බාරගත්ත කතාමාලාවක් තිබෙන නිසාත් මගේ 50 වැනි උපසිරැසිය එයින්ම කරගෙන යාමට තීරණය කළා. ඒ වගේම ඉතිං මේ වනතෙක් එකදු චිත්‍රපටයකටවත් උපසිරැසි ගන්වා නැතිවීමත් එයට තවත් හේතුවක් වුණා.

ඉතිං මගේ පළමුවෙනි උපසිරැසිය බයිස්කෝප් අඩවියේ පළවෙන්නේ 2016 අප්‍රේල් මස 14 වැනිදා. ඒ 12 Monkeys 02 වැනි කතාමාලාවේ පළමු කොටසින්. ඉතිං එදා ඉදන් මගේ 50 වැනි උපසිරැසිය ලබාදෙන්න මාස 15ක වගේ කාලයක් ගතවුණා. ඒ වගේම මම මගේ පළමු උපසිරැසිය කළ කතාමාලාවෙන්ම මගේ 50 වැනි උපසිරැසියත් සම්පූර්ණ කිරීමට හැකිවීම ඉතා සතුටට කාරණයක්. ඉතිං මම මුලින්ම “ශාන් විමුක්ති” එහෙමත් නැත්නම් “විමා” සහෝදරය මතක් කරන්න කැමතියි. මොකද මට මේ අවස්ථාව ලබාදුන්නේ ඔහුයි. ඒ වගේම බයිස්කෝප් එකත් එක්ක එකතු වුණාට පස්සෙ මට මුලින්ම හමුවුණ මිතුරා වූයේ “නිලුපුල් මධූකප්‍රිය” සහෝදරයා. මම 12 Monkeys 02 වැනි කතාමාලාව අවසන් කර, කරන්න උපසිරැසියක් නැතිව සිටින විට මා ගැන විශ්වාසය තබා ඔහු කරමින් සිටි Killjoys දෙවන කථාමාලාව කිරීමට මාහට බාරකළා. ඒ වගේම “රවිදු රුක්ෂාන්” සහෝදරයවත් විශේෂයෙන් මතක් කරන්න ඕනේ. මගේ hard drive එක අක්‍රීය වී Chicago PD සහ 12 Monkeys කථාමාලා දෙකම ගොඩගැසී අමාරුවේ වැටිල හිටපු වෙලාවෙ 12 Monkeys කථාමාලාවේ කොටසක් බාරගෙන උපසිරැසි ගන්වා දීම ගැන.

ඒ වගේම Chicago PD 04 වැනි කථාමාලාව මාහට ලබාදුන් ඇඩ්මින් මඩුල්ලේ ඉතා නිහඩව වැඩි වැඩ කොටසක් කරන “සමන් ප්‍රසාද්” සහෝදරයා, “හසන්ත අයිය, රොයිලි අයිය, ආසිරි අයිය, සදුන් අයිය, අසංක ප්‍රදීප් රණතුංග අයිය, සිසිල ප්‍රසාද් අයිය, චාමර සම්පත් සහෝදරය, දිල්ශාන් සචින්ත සහෝදරයා, යශෝධ ශ්‍රීමාල් සහෝදරය, අචින්ත මදුමාල් සහෝදරය, නුවන්ත සහෝදරය, දසාන් සහෝදරය, යසිරු හසරංග සහෝදරය, යුශාන් පියුමාල් සහොදරය, සුදීර මාලන් සහෝදරය, මයුර සුරාජ් සහෝදරය, තිසර නියෝ සහෝදරය, ප්‍රනීත් මධූ සහෝදරය, රඛිත රණතුංග සහෝදරය” යන සියළුදෙනාවම සහ බයිස්කෝප් අඩවියේ සියලුම සහෝදර, සහෝදරියන් මේ වෙලාවෙ මතක් කරන්න කැමතියි. ඒ වගේම කාව හරි මතක් කරන්න අමතක වුණානම් සමාවෙන්න ඕනෙ.

ඒ වගේම අවසන් වශයෙන් ප්‍රේක්ෂක ඔබ සැමදෙනාමත් මතක් කරන්න කැමතියි. මොකද අපි මේ කරන උපසිරැසි බාගතකරගන්න, වැරදි අඩුපාඩු පෙන්නල දෙන්න කෙනෙක් නැත්නම් අපි කරන දෙයිනුත් කිසිම වැඩක් නැතිවෙනවා. ඒ වගේම අවසන් වශයෙන් කියන්න අවශ්‍යයි මගේ රැකියාවේ කාර්යය බහුලත්වය නිසා කලට වේලාවට උපසිරැසි ලබාදීමට නම් නොහැකි වුණා. ඉතිං එයටත් සමාව ඉල්ලීමට මෙය අවස්ථාවක් කරගන්නවා.

ඉතිං කතාව ගැන බලනවා නම් 6 වැනි කොටසේදී කෝල් සහ කැසී 1953 වෙත ගොස් සාක්ෂිකරු සොයාගැනීමට ඔවුන්ගේ මිතුරෙක් වූ FBI නියෝජිත ගේල් ගෙන් උදව් ඉල්ලා සිටිනවා. ඒ වගේම වදුරන් 12 දෙනා බදවාගන්නා ආකාරය ගැනත්, එසේම සාක්ෂිකරු මොනවගේ පුද්ගලයෙක් දැයි කියාත් ඔවුන් දෙදෙනා සොයා ගන්නවා. ඒ වගේම සාක්ෂිකරු සහ රැකවලුන් ඒ කාලයේ රැදී සිටින ස්ථානයත් ඔවුන් සොයාගන්නවා. ඉතිං මෙම 7 වැනි කොටසේදී ඔවුන් සූදානම් වන්නේ 1953 එම කාලය වෙත ආපසු ගොස් සාක්ෂිකරු සහ පිරිස මරාදැමීමටයි. ඉතිං ඒ සදහා සියළු සැලසුම් සූදානම් කර ඔවුන් 1953 වෙත ආපසු යනවා. ඒ වගේම කැසී එම මෙහෙයුමෙන් ඉවත්වීමට තීරණය කරණවා. ඉතිං මේ 03 වැනි කතාමාලාවේ සුපිරිම කොටසක් කියල තමයි මට නම් හිතන්නෙ. ඉතිං ඔවුන්ට සාක්ෂිකරුව මරාදැමීමට හැකිවේවිද? ඒ වගේම මේ කොටසේ සිදුවන සිදුවීමෙන් පසුව මෙතෙක් වුණ හැමදේම වෙනස්ම තත්වයකට පත්වෙනව. හතුරන් මිතුරන් වෙනව. මිතුරන් හතුරන් වෙනව. එහෙම කීවෙ ඇයි කියල මේ කොටස නරඹලම දැනගන්න කියල ඉල්ලනව. එහෙනම් හැකි ඉක්මණින් ඊළග කොටසත් සමග හමුවෙන්නම්.
සුබ දවසක්……..!!!!!!!!

 

 

 

 

 

Due to copyright issues, we do not provide any torrent links.

12.Monkeys.S03E07.HDTV.x264-SVA

මෙම ලබා දී ඇති උපසිරසි ඉහත පිටපත සඳහා ආදාළ වේ.

2,825 downloadsDownload 12.Monkeys.S03E07.HDTV_.x264-SVAettv.zip26 KB

https://d36zzuvfojr38z.cloudfront.net/wp_content/uploads/2016/10/1257823.jpg මේ ලබා දී ඇති සිංහල උපසිරැසි පිළිබද “රසිත ප්‍රදීප්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

           

 

Subtitle Contributor Rank

SILVER MEMBER
JOINING DATE – 2016-04-14
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.