3% (2016-) [S01 : E01] with Sinhala Subtitles | වැනසීමේ ක්‍රියාවලිය [සිංහල උපසිරසි සමඟ]

හරි, ඔන්න එහෙනම් මේ සැරේ මං ආවෙ ලඟදි නිකුත් උන (2016.11.25) අලුත්ම අලුත් කතාමාලාවක් උණු උණුවෙම අරගෙන. නම 3%, ටිකක් අමුතුයි තමයි. කතාව බලද්දි තේරෙයි මේකෙ නියම තේරුම. එහෙනම් මේක තමයි NETFLIX ලගෙ අලුත්ම සීරීස් එක, ගින්දර වැඩක් තමා ඉතින්. එපි 8 ක්ම ගෙඩිය පිටින්ම දුන්නා එකපාර. මේක ගැන මම දැනගත්තෙත් FB 3% එකේ [ රූපවාහිනී කතාමාලා සහ චිත්‍රපට සඳහා Direct Link ගෘප් එකේ ධනුව දාලා තිබුන පෝස්ට් එකකින්]. ඔන්න Direct Link ඕනෙනම් ඒකෙන් ගන්නත් පුලුවන්. එයාට ස්තූතිවන්න වෙනවා මේක දාලා තිබුනට. හරි එහෙනම් අපි මේකෙ ආගිය තොරතුරු ටිකක් කතාකරමුකෝ.

මුලින්ම කිවුවනේ මේක NETFLIX ලගෙ එකක් කියලා, ඒවගේම මේකට ImDb අගය 7.9 ක් තියෙනවා. මේක තනිකරම බ්‍රසීලියානු කතාමාලාවක්. රඟපාන්නේ, අධ්‍යක්ශනය, තිර රචනය ආදී හැම සබ්බ සකලමනාවම කරලා තියෙන්නේ බ්‍රසීල කාරයෝ. හැබැයි අවුලක් ගන්න එපා, මේක ඉංග්‍රීසි වලට ඩබ් කරල තියෙන්නේ. මේක තමයි NETFIX ලගෙ පලවෙනි බ්‍රසීලියානු කතාමාලාව. ඔරිජිනල් එපි වල භාශාව තියෙන්නේ පෘතුගීසි වලින්, හැබැයි ඒක ගත්තත් අවුලක් නෑ, මොකද ඉංග්‍රීසි එකේ මුල් තැන දීලා තියෙන්නේ දෙබස් වලට විතරනේ. මේක වර්ගීකරණය කරල තියෙන්නේ Action||Drama||Sci-Fi||Thriller කියන කාණ්ඩ වලට. එක් කොටසක් සාමාන්‍යයෙන් විනාඩි 45 ක් පමණ ධාවනය වෙනවා. මේ කොටසට ලැබිල තියෙන අගයනම් 7.9 යි, හැබැයි අනිත් හැම කොටසටම 8.5 න් එහාට ලැබිලා තියෙනවා. දැන් අපි හැරෙමුකෝ කතාව පැත්තට.

මේකෙ සිද්ධිය මෙහෙමයි. ලෝකෙ පැති දෙකකට වෙන්වෙලා ඉන්නේ. ඉන්නෙත් වර්ග දෙකක මිනිස්සු. එකක සම්පූර්ණ ප්‍රථිලාභ ලබන සුවපහසු ජීවිත ගතකරන මිනිස්සු, අනික් පැත්තෙ මුඩුක්කු ජීවිත ගතකරන කාලකණ්ණි මිනිස්සු. සුවපහසු පැත්ත හඳුන්වන්නේ Offsore කියල, අනික් පැත්ත Inland කියල (මම ඔය දෙකට ගත්තේ අක්වෙරල සහ පිටිසර කියන තේරුම් දෙක). මේ ලෝකයේ තියෙනවා PROCESS ( ක්‍රියාවලිය) කියල වැඩසටහනක්. හැම මනුස්සයෙක්ටම අවුරුදු 20 ක් වෙද්දී මේ වැඩසටහනට සම්බන්ධ වෙන්න පුලුවන්. හැබැයි ජීවිතේටම එකම එක අවස්ථාවයි දෙන්නේ, එක පාරක් බැරි උනොත්, ඉතිරි ජීවිත කාලයම පිටිසරට වෙලා ඉන්න ඕනෙ. මේ පිටිසර කිසිම සැපපහසුවක් නැති තනිකරම මුඩුක්කු විමානයක්. ඉතින් හැම තරුණ තරුණියෙක්ගේම එකම ඉලක්කය මේ අක්වෙරලට යන එක. හැම අවුරුද්දකම එක් දවසක් එනව මේ බඳවාගැනීම සිදුකරන, එතකොට ඒ අවුරුද්දේ වයස අවුරුදු 20 පිරිච්ච අය බඳවාගන්නා ගොඩනැගිල්ල ඇතුලට යනවා. ඒකට ගියාම හැම කෙනාටම සම්මුඛ පරීක්ශනයක් තියනවා. ඒකෙදි හැම ප්‍රධාන කරුණක්ම අහනවා, ( ඇයි ඔයාට අක්වෙරලට යන්න අවශ්‍ය? // එහෙදි මොනවද කරන්න බලාපොරොත්තු වෙන්නේ? ) ඔය ආදී ප්‍රධාන ප්‍රශ්න හැමකෙනෙකුගෙන්ම අහනවා. සමහර අය මේ පලවෙනි පරීක්ශනෙන්ම අසමත් වෙනව. හැබැයි එක් අවුරුද්දකට ඉදිරිපත් වෙන අපේක්ශකයින්ගෙ මේ වැඩේට තෝරගන්නේ 3% ක පිරිසක් පමණයි, මොන ජාති දාලා හරි මේ ගොඩට යන්න තමයි හැමකෙනාම බලන්නේ. දැන් තේරෙන්න ඇතිනේ කතාවේ නම වැටුන විදිහ. සම්මුඛ පරීක්ශනේ ඉවර උනාම ඒක පාස් උන අයව මීලඟ පරීක්ශන සඳහා ගෙනියනව. හැබැයි ඒ පරීක්ශන එසේමෙසේ එව්වා නෙවෙයි. පට්ට අමාරු, හොඳට හිතන්න ඕන බැරෑරුම් ඒවා. ( ඇත්තටම මේ අක්වෙරලට යවන අය හොඳ බුද්ධිමත්, ක්‍රියාශීලී අය වෙන්නයි මේක පාලනය කරන අයට ඕනකරන්නේ) හෙන අමාරු ගමනක් තමයි යන්න තියෙන්නේ, ඒකෙ තියෙන පරීක්ශන වලින් එකක් හරි බැරිවුනොත් කොච්චර දක්ශ උනත්, කොයිතරම් දුරක් ආවත් ඒ අපේක්ශකයාට කිසිම සමාවක් නොදෙන තරම්ම මේක තරඟකාරීයි. එහෙනම් කතාව ගැන හිතාගන්න මේ සාරාංශය ඇති කියලා හිතනවා.

මේකෙ ප්‍රධාන චරිත ටික ගත්තොත්,  මේ ක්‍රියාවලිය මෙහෙයවන කෙනාගේ නම එසිකියෙල්. ඊට අමතරව මේ වැඩ ගැන හොයලා බලන්න වෙනම කවුන්සිලයක් තියෙනවා. ඒකෙ ඉන්න අය කතාව බලද්දී ඔයාලට අඳුරගන්න පුලුවන්. ඊට පස්සේ ඉන්නේ මිශෙල්, රෆායල්, ප්‍රනාන්දු, ජොආනා, මාර්කෝ කියන අය, මේ අයවත් කතාවේ ඉදිරියට යද්දී අඳුරගන්න ලැබෙයි, ඒවගේම මේ හැමකෙනාගේම අතීතයේ යම් යම් කොටස් කතාමාලාව ඇතුලේ පෙන්නනවා.

ඉතින් එහෙනම් කැමති අය අරගෙන බලන්න කියල තමයි කියන්න තියෙන්නේ. ඒවගේම ටොරන්ට් හොයන්න අමාරුනම් Extratorrent.cc එකෙන් අරගන්න. ඕකෙ ඕනම එකක් තියෙනවා. Direct Link මම කලින් කිවුව ගෘප් එකේ තියෙනවා. බය නැතුව සේරම එපි ටික ගන්න, සේරටම සබ් දාලා තියන්නේ. එහෙනම් යන ගමන් කමෙන්ට් එකක් එහෙම දාගෙන යන්න, අපි මොනවත් කියන්නේ නෑ, දිගටම කතාමාලාව සමගින් රැඳී ඉන්න කියන ගමන් මම නවතිනවා. කතාවේ උදාන වාක්‍යය ඔන්න යටින් කොටල ඇති. 🙂 🙂 🙂

“කැපවීම සහ අධිෂ්ඨානය මගින් ඔබට ඔබගේ ප්‍රතිරූපය ගොඩනංවාගත හැකිය”

 

 

 

Due to copyright issues, we do not provide any torrent links.

 

3.Percent.S01E01.WEB.X264-DEFLATE

3.Percent.S01E01.720p.WEBRip.x264.

3.Percent.S01E01.720p.WEBRip.X264-DEFLATE

මෙම ලබා දී ඇති උපසිරසි ඉහත පිටපත් සඳහා අදාළ වේ.

1,722 downloadsDownload 3.Percent.S01E01.Baiscopelk.com_.zip24 KB

https://d36zzuvfojr38z.cloudfront.net/wp_content/uploads/2013/05/රඛිත-රණතුංග-.jpg මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

                                                           All Episodes                      Next Episode>>