Arrow [S05 : E03] with Sinhala Subtitles | විශ්වාසයේ ප්‍රශ්නයක් [සිංහල උපසිරැසි සමඟ]

ෆෙලසිටි කිවා වගේ දැන් ඔලිවර්ට පරණ ඇරෝ ටිම් එක එකතු කරගන්න බැරි නිසා ඔලිවර් අලුත් ටිම් එක හදන්න තිරණය කරනවා. ඒ වගේම නගරාධිපති විදියටත් ඔලිවර් හොදින් පාලනය කරගෙන යනවා. ඒ අනුව ආමර් ටෙක් එකෙන් එයාලා කරන සමාජ සේවයකට ආධාර ගන්නත් ඔලිවර්ට පුලුවන් වෙනවා. ඉතින් ඇරෝ ටිම් එකට ඔලිවර් එවලිනුයි, රෙනේවයි කර්ටිස්වයි තෝරාගන්නවා. එයාලාගේ පුහුණුව පටන් ගන්නේ වෙනස් විදියකට. ඒ වෙන මොකුත් නෙවෙයි ඔලිවර්ව පරද්දලා දුරින් තියෙන බෙල් එකක් ගහන්න කියලා. හැබැයි ඉතින් මේ තුන්දෙනාටම ඔලිවර් පරද්දන එක එච්චර ලේසි දෙයක් වෙන්නේ නෑ. තුන් දෙනාම හොදටම ඔලිවර්ගෙන් ගුටි කනවා. ඒත් ඔලිවර් පුහුණුව නම් නවත්වනේ නෑ. හැමදාම මේ දේමයි වෙන්නේ. ඉතින් එලියට ගිහින් සටන් කරනවා වෙනුවට ඔලිවර්ගෙන් ගුටි කන්න වෙන නිසා  වගේම ඔලිවර්ගේ කුණු බැනුම් අහගෙන ඉන්න බැරි නිසා ටිම් එකේ හැමෝම ඔලිවර් එක්ක අවුලෙන් ඉන්නේ.

ඔය අතරේ අර සහන සේවය කරන්න ආධාර දුන්න ආයතනයේ ප්‍රධානියෙක්ට කව්දෝ කෙනෙක් පහර දෙනවා. ඉතින් ඒ වැඩේට දෙන ආධාර නැතිවෙන්න ගිහින් ඔලිවර් කොහොම හරි එදාට ආරක්ෂාව දෙන්නම් කියලා ඒ වැඩසටහන තියන්න වැඩ කරනවා. කොහොම හරි ඒ දවසේ ආරක්ෂාව වෙනුවෙන් ඇරෝ ටිම් එකේ අයට එන්න දෙනවා. හැබැයි සාමාන්‍ය අය විදියට. එයා ටිම් එකට කියන්නේ මොකුත් කරන්න යන්න එපා කියලා. ඉතින් කවුරුවත් නොහිතපු විදියට එතනට වැරහැලි ඇදගෙන ආපු කෙනෙක් පහර දෙනවා. හැබැයි ඔලිවර් කියපු දේ අහපු නැති රෙනේ ඒ කෙනාට පහර දෙන්න හදනවා. ඒ නිසාම එයාව අල්ලා ගන්න තිබුන අවස්ථාව නැති වෙනවා. මේකට තරහා ගියපු ඔලිවර් රෙනේටයි කණ්ඩායමටයි හොදටම බණිනවා. මේ සිද්ධියත් එක්ක ඇරෝ ටිම් එක්ක ඔලිවර් එක්ක තරහා වෙලා අයින් වෙනවා. කර්ටිස් නම් කියන්නේ ඒ ඔලිවර් එයාලව විශ්වාස කරන්නේ නැති නිසා එහෙම වුනා කියලයි. ඉතින් මේ හැමදේටම වැරදි ඔලිවර්ගේ අවිශ්වාසය කියලයි ෆෙලසිටි කියන්නේ.

ඔය අතරේ සහන සේවයට ආධාර දුන්න අය චර්ච් කියන අපරාධකාරයා එක්ක එකතු වෙලා ආයුධ ගණුදෙනුවක් කරන්න හදනවා. මේක කොහොම හරි ඔලිවර්ට ආරංචි වෙනවා. ඉතින් එයා ටිම් එක නැති නිසා තනියම ගිහින් ඒක නවත්වන්න හදනවා. ඒ වෙලාවේ තමයි අර වැරහැලි ඇදගත්ත අමුතු කෙනා මේ තැනට කඩා පනින්නේ. කොහොම හරි ටොබායස් ඇරෝව අල්ලාගෙන හොදටම ගහනවා. හැබැයි අර වැරහැලි ඇදගත්ත කෙනා හිටපු නිසා ඔලිවර් බේරුනා. අන්තිමේට ඔලිවර් එයාව කණ්ඩායමට ගන්න තිරණය කරගන්නවා. ඒ වගේම ඔලිවර් අනිත් අයට විශ්වාසය ඇති කරන්න එයා ඇත්තටම කවුද කියලා ටිම් එකේ අයට කියනවා…. . . ^_^

මීළඟ උපසිරසෙන් හමුවෙන තුරු ඔබට ජය… . . !

 

 

 

Due to copyright issues, we do not provide any torrent links.

 

Arrow.S05E03.HDTV.x264-LOL

මෙම ලබා දී ඇති උපසිරසි ඉහත පිටපත සඳහා අදාළ වේ.

 

15,242 downloadsDownload Arrow.S05E03.Baiscopelk.com_.rar30 KB

 

https://d36zzuvfojr38z.cloudfront.net/wp_content/uploads/2016/10/Kavindu-e1476259497628.jpg මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                     All Episodes                         Next Episode >>