Ask Laftan Anlamaz [S01 : E22] Sinhala Subtitles | අම්මාගේ ආදරේ! [සිංහල උපසිරැසි සමග]

කොහොම කොහොම හරි මුරාත්ගෙ අම්මාවත් හම්බුනා. හැබැයි ඒ මුරාත් දකින්න බලාපොරොත්තු වුන විදියට නම් නෙවේ. මේ දෙන්න හදන්නේ 22 වෙනි කොටස. ඒ කියන්නේ තව කොටස් නවයකින් වගේ කතාව අහවරයි. එහෙනම් පුරුදු විදියටම මම කලින් කොටස මතක් කරලා ඉන්නම්කෝ.

මුරාත්ගෙ අම්මව මුරාත්ට රෝහලේදි දකින්න ලැබුන තැනින් තමයි 21 කොටස පටන් ගත්තේ. හසාල්, මුරාත්ව දැක්ක ගමන් ලෙයිලත් එක්ක පැන ගන්නවා. ආයිත් අම්මව මග හැරුන නිසා ඒකටත් මුරාත්ගෙන් කන පුරවලා බැනුම් අහන්න වෙන්නේ හයාත්ට. හසාල්ට සල්ලි දුන්නෙවට එහෙම බැන්න මතක ඇතිනේ. ඒ අතරේ හසාල් එක්ක පැන ගත්ත ලෙයිලා, පැදුරටත් නොකියා එතනිනුත් පැනලා යනවා. හසාල්ටත් හොඳ වැඩේ නේද! ලෙයිලා එහෙම ගිහින් මුරාත් ගැන මතක් කර කර මත්පැන් බොනවා. මුරාත්ව මුණ ගහෙන්න එයා මුරාත්ගෙ ගෙදරට ගියාම දේර්‍යා එයාව පන්න ගත්තා. එයාට මුරාත්ව මතක් වෙලා දුක දරා ගන්න බැරුව මුරාත්ට ඇමතුමක් ගන්නවා, නමුත් එයා මොකුත් කියන්නෙ නැතුව අඩන්න ගත්තම මුරාත්ට තේරුම් ගියා මේ කතා කරන්නේ එයාගේ අම්මා කියලා, ඔන්න ඊට පස්සේ මුරාත් ආයිත් ඒ හෝඩුවාවන් හරහා, අම්මව හොයන්න ගන්නවා.

ඊට පස්සේ මතක ඇති සාර්ටේ එකට අමුත්තෙක් ආවා! එම්රේ තමයි එයාගේ නම. ආව ගමන් හයාත්ගෙ රූපෙ වර්ණනා කරන්න ගිහින් හයාත්ගෙන් කෝපි සංග්‍රහයක් භුක්ති වින්ද හැටි, ඊට පස්සේ තුවාල් එම්රේව ආදරෙන් පිලිගත්ත හැටි, එම්රේ හයාත්ට රස කැවිලි කවන්න හදපු හැටි, ඒක දැකලා මුරාත්ට තරහා ගිය හැටිත් මතක ඇති. ඔය සිදුවීම් වල අවසාන ප්‍රතිඵලේ වුනේ හයාත්ට, ආයතනේ තහනම් වුන එකයි. හයාත්ට නම් දැන් මුරාත්ගෙ නියෝග අහලයි, ඒවා පිලිපැදලයි ඇති වෙලා ඉන්නේ. සිසිරයේ කතන්දරෙනුත් හයාත්ව අයින් කරලා දාලා, හයාත්ට උත්සවයට එන්නත් එපා කියලා මුරාත් කිව්වා මතක ඇති, ඒත් හයාත් ඕවා අහන කෙල්ලෙක්ද! මුරාත්ට පාඩමක් උගන්නන්න උත්සවේට ගිහින්, අන්තිමේ එම්රේ එක්ක මුරාත් ගහ මරා ගන්න තැනටම ගියේ නම් හයාත්ගේ ඒ මුරණ්ඩුකම නිසා තමයි. හයාත් මුරාත්ගෙන් ඉල්ලන්නේ හැමදේම අමතක කරලා, සතුටින් ඉන්න කියලයි, එයාට බිරිදගෙ තැන දෙන්න කියලයි. ඒත් මුරාත් ඒකට දක්වපු ප්‍රතිචාරය, හයාත්ගෙ රිදුන හිත තව තවත් පෑරුවා. ඒකේ ප්‍රතිඵලය, හයාත්, මුරාත්ව අතෑරලා එයාගේ ගෙදර ආව එකයි.

මේ අතරේ නේජාත් ගෙදරින් ගියා කියලා දැනගන්න ලැබුනා. මුරාත්ගේ අම්මා මතු වුන ගමන්ම වගේ නේජාත් අතුරුදහන් වුන එක නම් ටිකක් සැකයි. ඒක දැන ගත්ත ගමන් දේර්‍යා පිස්සුවෙන් වගේ අසීමේ නෝනටත් බැන්නා.අපි බලමුකෝ ඉස්සරහට මොකද වෙන්නේ කියලා.

හයාත්-මුරාත් දෙන්නා නම් කොහොමහරි විවාහ වුනානේ, ඔන්න පහුගිය කොටසෙ දකින්න ඇති කෙරම්-ඉපෙක් දෙන්නත් විවාහ වෙන්න කතා කරගත්ත හැටි. ඒ දෙන්නා කෙලින්ම කතා කරද්දී, තව දෙන්නෙක් කියා ගන්න බැරි තම තමන්ගෙ ආදර කතා එකිනෙකාට කියා ගත්තා, ඒ තමයි හැස්මට් සීයයි, අස්ලි කෙල්ලයි. හැස්මට් සීයා, අසීමේ ආච්චි ගැන කියද්දී, අස්ලි එයාගේ හිතේ ඉන්න එකම ආදරේ දොරුක් ගැන කියන්න ගත්තා, අන්තිමේ හැස්මට් සීයා නිසාම අස්ලි මහ රෑ දොරුක් හොයාගෙන ගියා මතක ඇති. ඔන්න ඒ විදියට අස්ලි-දොරුක් දෙන්නගේ ආදරේ ඒ දෙන්නට දෙන්නා කියා ගත්තා. හයාත්ගේ ආදරේට කණකොකා අඩලා ඉන්න වෙලාවෙ ඉපෙක් නම් හදන්නේ කසාද බදින්න. මුරාත්ට එයාගේ වරද තේරිලා හයාත්ව ගෙදර එක්කගෙන යන්න ආවත්, හයාත් බෑ කිව්වා, ඒ විතරක් නෙවේ හයාත් මගුල් මුද්දත් ගැලෙව්වා. ඔය අතරේ උත්සවේදි එම්රේ එක්ක රණ්ඩු කරන් අවනම්බු කර නිසා තුවාල්, මුරාත් එක්ක ගොඩක් කලකිරීමෙන් ආයතනෙන් අයින් වෙලා යන්න ගියා.

ඔය අතරේ කෙරම්, අසීමේ ආච්චි, මුරාත්, දොරුක් මේ සෙට් එකම එනවා හැස්මට් සීයගේ අවසරේ ගන්න විවාහෙට. හැබැයි එතනදි කවුරුත් නොහිතපු දෙයක් තමයි වෙන්නේ. මොකද කට්ටිය ආවේ ඉපෙක්-කෙරම් දෙන්නා ගැන කතා කරන්න වුනාට, අන්තිමේ හැස්මට් සීයා කියනවා එයාට අසීමේ ආච්චිව විවාහ කරගන්න ඕන කියලා.

පහුගිය කොටස අවසාන වුනේ මුරාත්ගේ අම්මා රිය අනතුරක් වෙලා රෝහලේ ඉන්න තැනින්, මුරාත්ට ඒක ආරංචි වෙලා එයා බොහොම දුකින් අම්මා දිහා බලන් හිටියා. ලෙයිලට සනීප වෙයිද? හයාත්-මුරාත්ට සමාව දෙයිද?

එහෙනම් අද කොටස බලන්න ආරාධනා කරලා සමුගන්නම්.

ලිපිය – හෙළිලි හේමමාලි

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි අන්තර්ජාල පිටපත් සඳහා අදාළ වේ.

3,413 downloadsDownload Ask-Laftan-Anlamaz-S01-E22.zip53 KB

 

මේ ලබා දී ඇති සිංහල උපසිරැසි පිළිබද “හිරාන් එරන්ද ගනේපල්ල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2018/02/19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.