The 100 [S05 : E12] Sinhala Subtitles | අවසන් භුමිය උදෙසා අන්තිම සටන [සිංහල උපසිරැසි සමඟ]

කොහොමද? ඔන්න එහෙමනම් පුළුවන් ඉක්මනට අරගෙන ආවා පස්වන කතාමාලාවේ 12වන කොටස.. හරි එහෙමනම් අද තමයි අපි සති ගානක් තිස්සේ පුන පුනා බලා සිටිය ඒ දවස.. ගෝත්‍රය සහ එලිජියස් සිරකරුවන් අතර ඒ මහා යුද්දය ආරම්භ වෙන්නයි යන්නෙ.. හොදයි අපි එහෙමනම් බලමු කතාවේ මොකද වෙන්නෙ කියලා.

ගිය සතියෙනම් අපට දැක බලාගන්න ලැබුනේ හීනෙකින්වත් නොහිතුව දෙයක්.. ඔක්ටේවියා ඇතුළු පිරිස අදුරු වසර කියලා කතා වෙන්නෙ මොකක් ගැනද කියලා කලින් සතියේ දැක බලාගන්නට ලැබුනා.. ඉතින් හැමෝම දැක්කනේ මෙයාලා මේ අවුරුද්දේ ජීවත්වෙලා තියෙන්නෙ මිනිමස් කාලා.. ඒ වගේම ඔක්ටේවියා එනම් රතු රැජිණ හිත්පිත් නැති කෘර තැනැත්තියක් බවට පත්වීමේ සන්ධිස්ථානය වන්නේත් ඒ අදුරු වසර තමයි. ඒ වගේම ඒකට වගකිව යුත්තේ ඔක්ටේවියා පමණක්ම නෙවෙයි.. ඔක්ටේවියාට ඒ තත්වයට පත්වීමට බල කරලා තියෙන්නෙ ඇබි. ඉතින් අතීතය ගැන එලෙස හෙළිදරව් වෙද්දී වර්තමානය?

වර්තමාන සිදුවීම් ගැන කතා කළොත් නිම්නයට එන ක්ලාක් මැක්‍රරි හමුවේ පවසා සිටිනවා ඔක්ටේවියාගෙ හමුදාවන් නිම්නය බලා එන වගක්. වෙනදට තමන්ගෙ අය ගැන හිතන ක්ලාක් මේ පාර හිතන්නෙ ඇබි සහ මැඩි ගැන විතරක්ම පමණයි කියලා හොදටම පැහැදිලියි. ඉතින් ක්ලාක්ගෙ කතාවෙන් පස්සෙ මැක්‍රරි නිම්නයට ඇතුල්වෙන්න තියෙන ස්ථාන ත්‍රිත්වයෙහිම සිය සෙබළුන් සහ අවිආයුධ ස්ථාපනය කරනවා. හැබැයි ඉතින් මිනිහා ඒ දේවල් කරන්නෙ ඩියෝසාගෙ සැලසුම්වලට අනුව. ඉතින් ඔය අතරේ ඇබි ප්‍රමාණය ඉක්මවා මත්ද්‍රව්‍ය ගැනීම නිසා මරණාසන්න වෙලා ඉන්නෙ.. ක්ලාක්ට ඕන ඉක්මනට ඇබිව හොද කරගෙන ඇබි ලවා මැක්‍රරි ඇතුළු පිරිසට බෙහෙත් කරවන්න. හැබැයි ඉතින් අපේ අලුත් කමාන්ඩර් කෙලී මැඩිනම් ඒකට පොඩ්ඩක්වත් කැමති නෑ.. මොකද මේ යුද්දෙන් මැක්‍රරි ඇතුළු පිරිස දිනනවා කියන්නෙ භුමිවාසින් මැරෙනවා කියන එක.

ඉතින් ඔය අල්ලපනල්ලේ එකෝ, මර්ෆි, රේවන් ඇතුලු පිරිස රතු රැජිණගෙ හමුදාවට ආරක්‍ෂිතව ඇතුළට එන්න පුළුවන් විදිහේ මාර්ගයක් හොයනවා.. ඒකටත් අන්තිමේ පිහිටට ඉන්නෙ ඩියෝසා තමා. ඉතින් ඩියෝසාගෙ පුරෝකථනයට අනුවනම් රතු රැජිණට හමුදාවේ විශාල පිරිසක් අහිමි උනත් ජය ලබාගන්න පුළුවන් කියලා තමයි කියන්නෙ.. හැබැයි කේන් කැමති නෑ ඔක්ටේවියා දිනනවට.. ඒ නිසා අවසානයේ කේන් සහ ඩියෝසා ආපහු මැක්‍රරි ළගට යනවා.. මේ පාරනම් කට්ටිය පාට මාරු කරන වේගෙට කටුස්සොත් පරාදයි වගේ.

හොදා එහෙමනම් අද ඔන්න හටන ආරම්භ උනා.. අද වෙන්නෙ මොකක්ද කියලනම් මම කිසිමදෙයක් කියන්නෙ නෑ ඔන්න.. ලබන සතියේ ඒ ගැන කතා කරමු.. එහෙනම් යළි shooter සමගින් හමුවෙන අපේක්ෂා පෙරදැරිව මා සමුගන්නවා.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB සහ BR පිටපත් සඳහා අදාළ වේ. 

30,486 downloadsDownload The-100-S05-E12.zip47 KB

 

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.