Avatar: The Last Airbender [S03 : E03] | ඉෂ්ඨ දේවතාවිය [සිංහල උපසිරැසි සමඟ]

හෙහ් හේ… දු‍ටුවනේ ගිය පාර ඈන්ග් හොරා ගත්තු ජටාවකුත් බැඳගෙන අග්නි ඉස්කෝලෙකට ගොහින් කරපු හරිය! 😛 හා…හ් කොහොම හරි ඔහු හැබැයි ඔහුට අවශ්‍ය කළ එක් දෙයක් ගැන හොයාගත්තා. ඒ තමයි අග්නි ජාතිකයන් ළඟ නැති දේ මොකද්ද කියන එක. ඒ තමයි සතුට සහ විනෝදය! අනිත් හැමදේම තිබුණත් සතුටත් විනෝදයත් නැතුව ජීවත් වෙලා මොකටද නේද? ඒ වුණත් අග්නි ජාතිකයන්ගේ යුධ ප්‍රතිපත්ති වලට අනුව එය තහනම් කාර්යයක්. මොකද ඔවුනට අවශ්‍ය යුධ මානසිකත්වයෙන් යුතු මිනිසුන් පිරිසක් බිහිකරගැනීමට නිසා.

හොඳයි එහෙනම් ඒ පාර ඈන්ග් යන්තම් බේරුණානෙ අර උත්සවයක් පවත්වන්ඩ ගිහිල්ලා ඉස්කෝලෙ යාළුවන්ට. දැන් එතනින් පිටවෙලා කට්ටිය යන ගමනෙදි මෙවර දකින්ට ලැබෙන්නේ ජරාපත් වුණු ධීවර ගම්මානයක්. ජරාව කිව්වම ජරාවෙනුත් හොඳම එක. මේගොල්ලන්ගේ ජීවනෝපාය මාළු ඇල්ලීම. ඒ විදිහට උපයා සපයා ගන්න දේකින් ජීවිතේ ගැටගහගෙන දැහැමෙන් සෙමෙන් කාටවත් හිංසාවක් පීඩාවක් නැතුව ජීවත් වුණු කට්ටියක් මේ උදවිය. නමුත් අග්නි ආක්‍රමණිකයන්ගේ බලය හමුවේ ඔවුන් අන්ත අසරණ වෙලා. කිසිදු පිළිසරණක් නෑ. හැමකෙනෙක්ම දිරාපත් වෙලා, කෑමක් බීමක් නැතුව හාමත් වෙලා, ලෙඩ ගාණේ තමයි ඉන්නෙ.

ඒ වුණත් ඈන්ග්ලා මෙහෙට ආවට පස්සෙ හරි අපූරු දෙයක් සිදු වෙන්ඩ ගන්නවා. ඔව් අපූරු දෙයක්! මේ විල හා ගම ආශ්‍රිතව අරක් ගත් ඉෂ්ඨ දේවතාවියක් මේ ගම්මුන්ගේ පිහිටට එනවා. එයා ගම්මුන් හිතන තරම් බලසම්පන්නද? අග්නි බලාගාරය වනසලා ඔවුන් පළවාහරින්නට මැයට හැකිවේවිද? ඇය මේ අයගේ පිහිටට එන්ඩ අවතාර් මෙහෙට එනකම්ම බලා හිටිය හේතුව මොකද්ද? මේ බලවේගය පි‍ටුපස රහසක් සැංගිලා තියෙනවා. ඒ ගැන දැනගන්නට වගේම නිවුන් සහෝදරයන්ගේ වැඩ දැකගන්නටත් මේක බලන්ඩම වෙනවා.

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

95 MB කොපිය (5.7 GB) මෙතනින් බාගන්න 4569ddbc22a261f6969600fdaae1544c56e0329c

1,778 downloadsDownload Avatar.The_.Last_.Airbender.S03.E03.zip28 KB

https://d36zzuvfojr38z.cloudfront.net/wp_content/uploads/2012/09/Pubudu-Supun.jpg මේ ලබා දී ඇති සිංහල උපසිරැසි පිළිබද  “පුබුදු සුපුන්”  සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය… 

<< Previous Episode                                                                                Next Episode >>