Avatar: The Last Airbender [S03 : E08] | ලේ හොල්ලන මැහැල්ල [සිංහල උපසිරැසි සමඟ]

අනෙ අම්මේ… ගිය පාර සෙල්ලම් ලෙල්ලම් වෙලා කට්ටියම අර කුම්භස්තල ප්‍රහාරකයගෙන් බේරුණේ අනූ නමයෙන්. තව ඩිංගෙන් මිනිහගේ අරමුණ ඉ‍ටු වෙලා මුළු ගැළවුම් කණ්ඩායමම ලෝකයෙන් තුරන් වෙලා යන්ඩත් ඉඩ තිබුණා. ඔබටත් මතක ඇති මේ ඝාතකයා යෙදෙව්වේ සූකෝ කුමරු බව. ඒ ඔහු තමන්ගේ මව් උරුමය ගැන දැනගන්නට කලියෙනුයි. ඔහු තමන්ට භාරදුන් වැඩේ අකුරටම ඉ‍ටු කරන මිනිහෙක් නිසා දු‍ටුව නේද ඝාතකයා මේ අයව තමන්ගේ අරමුණ වෙනුවෙන් පාවිච්චි කරපු හැටි. කොහොමවුණත් ඒ වැඩේ හරිනොගියැයින් අන්තිමේ කට්ටිය යන්තම් ගැළවුණා!
එහෙම ඔහුගෙන් ගැළවිලා යන මේ අය දැන් යන්නේ කඳුකර ප්‍රදේශයකට. මේක මහ අමුතු ගුප්ත පෙදෙසක්. ටෆ්ට අමුතු අමුතු දේවල් දැනෙනවා පොළොව අස්සෙන් ඇගේ දෙපතුළට. මිනිසුන්ගේ වැළපීමක්. මහ පොළව පත්ළෙන්. ඒක කොහොම වෙන්ඩද? පොළව යට කොහෙද මිනිස්සු? ඇරත් එහෙම හිටියත් ඒ අය නොසෙල්වී හිටිවනම හිටීවිද; මෙතන මොකක්ම නමුත් රහසක් නොමැතිනම්? ඒ අතරේ ඔවුනට අහන්නට ලැබෙන අද්භූත කතා නිසා මේ අයට මේ ගැන සොයා දැනගන්ඩ පුදුම තරමේ කුතුහලයකුත් තියෙනවා. එනිසා ඔවුන් තීරණය කරනවා කැලයේම ‍රැය ගෙවන්නට. නමුත් ගම්මුන් කිසිවෙකුන්ගෙන්වත් මීටනම් අනුබලයක් ලැබෙන්නෑ.
මේ ගම්මු සඳ ඇති දාට කිසිම හේතුවකට කැලයට යන්නේ නෑ. මිනිසුන් අල්ලා බැඳගන්නා යද්දෙස්සියක් ගැන ඔවුන්ගේ සිත් තුළ පවතින ඉමහත් භීතිය තමා මීට හේතුව. ඒ බව දැන දැනත් අවතාර් ඇතුළු පිරිස කැලයේම ‍රැය ගෙවන්නට සැරසෙද්දී කොහෙන්දෝ මන්දා එන මැහැල්ලක් ඔවුන්ගේ කඳවුරට එනවා. ඇය ජල ගෝත්‍රිකයෙක් බවයි පවසන්නේ. කටාරා හමුවීම ඇයට නිධානයක් වැනියි. මොකද තමන් ස්වෝත්සාහයෙන් කැපවීමෙන් ප්‍රගුණ කළ අමුතුම හැකියාවක් ඇයට පවරා දෙන්නටයි මේ මැහැල්ලගේ අදහස. මේ අමුතු හැකියාව නිසාම දිවි ගළවා ගත් තමන්ගෙන් පසුව, මෙය අභාවයට යා නොදී කිසිවෙකුට දායාද කර දීමයි ඇගේ එකම පරම අරමුණ. මේ නරුම හැකියාව කටාරාට ලබා දෙන්නට ගන්නා ඇගේ උත්සාහය කෙබඳු වේවිද? එය ප්‍රතික්ෂේප කරන කටාරාට එය ප්‍රගුණ කිරීමම හැර වෙන විකල්පයක් නොතිබේවිද? අවසානයේ කවුරුන් ජයගනීවිද?

ලිපිය: උදා

 

 

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

95 MB කොපිය (5.7 GB) මෙතනින් බාගන්න 4569ddbc22a261f6969600fdaae1544c56e0329c

1,659 downloadsDownload Avatar.The_.Last_.Airbender.S03.E08.zip19 KB

https://d36zzuvfojr38z.cloudfront.net/wp_content/uploads/2012/09/Pubudu-Supun.jpg මේ ලබා දී ඇති සිංහල උපසිරැසි පිළිබද  “පුබුදු සුපුන්”  සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය… 

<< Previous Episode                                                                                Next Episode >>